ធនាគាជាតិ ៖ កំណើនខ្ពស់នៃវិស័យសំណង់គឺផ្នែកទៅលើកត្តាបី

• 6 ខែ​សីហា 2018
• Uncategorized
• 4 មើល

ការកើនឡើងនៃវិស័យសំណង់ក្នុងឆមាសទី ១ ឆ្នាំ២០១៨ គឺគាំទ្រដោយកត្តាសំខាន់ៗចំនួន ៣ រួមមាន ការកើនឡើងបរិមាណការនាំចូលសម្ភារសំណង់ ឥណទានចំពោះវិស័យសំណង់ និងគម្រោងវិនិយោគ។ នេះបើយោងតាមរបាយការណ៍ប្រចាំឆមាសទី១របស់ធនាគារជាតិនៃកម្ពុជា។

ក្នុងអំឡុងពេល៦ខែដំបូងនៃឆ្នាំ ២០១៨ វិស័យសំណង់បានកើនឡើងរហូតដល់ទៅ ១១,៥ ភាគរយ ដែលទិន្ន័យនេះបានសបញ្ជាក់ឲ្យឃើញតាមរយៈការកើនឡើងនៃបរិមាណការនាំចូលសម្ភារសំណង់រហូតដល់ទៅ ២៧ភាគរយ បើប្រៀបធៀបទៅនឹងរយៈពេលដូចគ្នាកាលពីឆ្នាំមុន (អានបន្ថែម)។

ដោយឡែក ឥណទានវិស័យសំណង់ក៏ជាផ្នែកមួយដែលធ្វើឲ្យវិស័យមួយនេះមានការរីកចំរើនផងដែរ។ ជាក់ស្តែងណាស់ ឥណទានក្នុងវិស័យសំណង់បានកើនឡើងរហូតដល់ទៅ ៣០,៥ភាគរយ (ឆ្នាំលើឆ្នាំ) ដែលស្មើទៅនិង ១០ភាគរយ នៃឥណទានសរុបទៅលើគ្រប់វិស័យ។ លើសពីនេះទៅទៀតឥណទានក្នុងវិស័យសំណង់គឺមានស្ថានភាពល្អដោយសារឥណទានមិនដំណើរការនៅក្នុងវិស័យនេះនៅមានអត្រាទាប។ (អានបន្ថែម)

កត្តាទីបីដែលធ្វើឲ្យវិស័យសំណង់មានការកើនឡើង គឺដោយសារការកើនឡើងនៃគម្រោងវិនិយោគដែលបានកើនឡើងរហូតដល់ទៅ ១៤ភាគរយ ឬស្មើនឹង ១៧៤២គម្រោង ដែលក្នុងនោះ គម្រោងលំនៅដ្ឋានបានរួមចំណែកជាង ៨០ ភាគរយនៃគម្រោងសរុប។

ជាក់ស្ដែង វិស័យសំណង់និងអចលនទ្រព្យនៅក្នុងប្រទេសកម្ពុជានាពេលបច្ចុប្បន្នគឺនៅមានភាពរឹងមាំ និងមានសក្តានុពលខ្ពស់ ដែលវិស័យទាំងពីរបានរួមចំណែកយ៉ាងខ្លាំងក្នុងកំណើនសេដ្ឋកិច្ចជាតិ ឬ GDP ដែលត្រូវបានព្យាករណ៍ថានឹងកើនឡើងប្រមាណ ៧ ភាគរយក្នុងឆ្នាំ ២០១៨។

• គម្រោងអភិវឌ្ឍន៍
• ធុរកិច្ច និងទីផ្សារ