វេទិការអភិបាលក្រុងអាស៊ាន២០២២ នឹងផ្តោតខ្លាំងលើការកសាងទីក្រុងវៃឆ្លាត

• 29 ខែ​វិច្ឆិកា 2022
• Uncategorized
• 8 មើល

កម្ពុជានឹងចូលរួមក្នុងវេទិកា អភិបាលក្រុងអាស៊ាន ឆ្នាំ២០២២(ASEAN MAYORS FORUM 2022) ដែលមានតំណាងពី ទីក្រុង និងខេត្តចូលរួមប្រមាណ៨០ទីក្រុង ក្នុងតំបន់អាស៊ាន និងក្រៅអាស៊ាន មានជាង៣០ទីក្រុងធំៗចូលរួមផងដែរ។

វេទិការនេះនឹងត្រូវប្រារព្ធឡើងនៅថ្ងៃទី២-ទី៣ ខែធ្នូ ឆ្នាំ២០២២ ដែលរាជធានីភ្នំពេញនឹងធ្វើជាម្ចាស់ផ្ទះ។

ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានឱ្យដឹងថា វេទិកា អភិបាលក្រុងអាស៊ាន ឆ្នាំនេះ មានគោលបំណងផ្តោតសំខាន់ដើម្បីពង្រឹងកិច្ចសហការ តាមរយៈការជំរុញឱ្យកាន់តែខ្លាំងលើការកសាងទីក្រុងវៃឆ្លាត ឱ្យមានភាពធន់ និងមានចីរភាពប្រកបដោយបវិវត្តកម្ម និងបរិយាបន្ន័ តាមគន្លងប្រក្រតីភាពថ្មី។

មួយវិញទៀត វេទិកានេះនឹងលើកយកបញ្ហាប្រឈមក្នុងទីក្រុងនាពេលបច្ចុប្បន្នមកពិភាក្សារួមគ្នា ដើម្បីរកដំណោះស្រាយ ចែករំលែកបទពិសោធន៍ និងការអនុវត្តន៍ល្អៗ ក៏ដូចជាទស្សនៈវិស័យផ្សេងៗសម្រាប់ការកសាងសហគមន៍អាស៊ាននាពេលអនាគតថែមទៀតផង។