គម្រោងស្តារទំនប់ដ៏សំខាន់បីនៅមណ្ឌលគីរី រួមចំណែកក្នុងផែនការមេវិស័យទេសចរណ៍ខេត្តមណ្ឌលគិរី

• 4 ខែ​កក្កដា 2022
• ព័ត៌មានក្នុងស្រុក
• 4 មើល

គម្រោងជួសជុល និង​ ស្តារឡើងវិញនូវប្រភពទឹកដ៏សំខាន់ ៣កន្លែង នៅខេត្តមណ្ឌលគីរី បានបង្ហាញនូវវឌ្ឍនភាពការងាររបស់ខ្លួនដើម្បីគាំទ្រដល់ផែនការមេអភិវឌ្ឍន៍វិស័យទេសចរណ៍ក្នុងខេត្តមណ្ឌលគិរី។ នេះបើយោងតាមពិធីផ្សព្វផ្សាយសមាសភាពគណៈកម្មាធិការដឹកនាំអនុវត្តផែនការអភិវឌ្ឍន៍វិស័យទេសចរណ៍ខេត្តមណ្ឌលគិរី ឆ្នាំ២០២១-២០៣៥ កាលពីថ្ងៃទី ០៤ កក្កដា ២០២២ នៅសណ្ឋាគារពេជ្រាដា ខេត្តមណ្ឌលគិរី៖

តាមរយៈក្រសួងធនធានទឹក និងឧតុនិយម ដើម្បីចូលរួមគាំទ្រដល់ផែនការមេ អភិវឌ្ឍន៍វិស័យទេសចរណ៍ខេត្តមណ្ឌលគិរី ក្រសួងបានលើកបង្ហាញវឌ្ឍនភាពការងារសំខាន់ៗចំនួន ៣ កន្លែង លើការងារស្តារ និងជួសជុលឡើងវិញនូវទំនប់ទឹក ដើម្បីធានាប្រភពទឹកសម្រាប់ផ្គត់ផ្គង់ដល់ខេត្តមណ្ឌលគិរី ក្នុងនោះរួមមាន៖

-ទី១: ទំនប់អូរតេ ស្ថិតក្នុងស្រុកអូររាំង ក្រុងសែនមនោរម្យ អាចស្តុកទឹកបានប្រមាណ ១០លានម៉ែត្រគូប និងសាងសង់បានប្រមាណ ៥៩%

-ទី២: ទំនប់លើ ស្ថិតក្នុងឃុំសុខដុម ក្រុងសែនមនោរម្យ អាចស្តុកទឹកបានប្រមាណ ២០ម៉ឺនម៉ែត្រគូប និងសាងសង់បានប្រមាណ ៩០%

-ទី៣: ទំនប់ក្រោម ស្ថិតក្នុងឃុំសុខដុម ក្រុងសែនមនោរម្យ អាចស្តុកទឹកបានប្រមាណ ៣០ម៉ឺនម៉ែត្រគូប និងសាងសង់បានប្រមាណ ៩០%៕

ទំនប់ទាំង៣ នេះ នឹងផ្គត់ផ្គង់ទឹកស្អាតដល់ជីវភាពប្រជាពលរដ្ឋចំនួន ៣៤០០គ្រួសារ ក្នុងក្រុងសែនមនោរម្យ និង ២០០០គ្រួសារ ក្នុងស្រុកអូររាំងនៃខេត្តមណ្ឌលគិរី។

លើសពីនេះទៅទៀត អាងទឹកទាំង ៣ ខាងលើ នឹងដើរតួជាប្រភពទឹកសំខាន់បំផុតសម្រាប់ការស្រោចស្រពដំណាំកសិ-ឧស្សាហកម្មដូចជាដំណាំលើផ្ទៃដីចំនួន ១៥០០ហិកតា ព្រមទាំងចូលរួមចំណែកក្នុងអភិវឌ្ឍវិស័យទេសចរណ៍ខេត្តមណ្ឌលគិរីផងដែរ។  (អានបន្ថែម)

• water infrastructure