រដ្ឋផ្តល់ដីសម្បទានសង្គមកិច្ច ៦ពាន់ហិកតា ជូនពលរដ្ឋក្នុងស្រុកកោះញែក ខេត្តមណ្ឌលគិរី

• 4 ខែ​កក្កដា 2023
• Uncategorized @km
• 5 មើល

រៀបចំដែនដី នគរូបនីយកម្ម និងសំណង់ និងអាជ្ញាធរខេត្តមណ្ឌលគិរី បានប្រកាសផ្ទៃដីទំហំ ៦០០០ហិក​តា ជាតំបន់វិនិច្ឆ័យដើម្បីកំណត់អត្តសញ្ញាណកម្មដី ចំណាត់ថ្នាក់ដី ផែនទីដីរដ្ឋ និងចុះបញ្ជីដីឯកជន ជូនប្រជាពលរដ្ឋរស់នៅស្ថិតក្នុងឃុំរយ៉ និងឃុំសុខសាន្ត នៃស្រុកកោះញ៉ែក ខេត្តមណ្ឌលគិរី។

ការប្រកាសកំណត់តំបន់វិនិច្ឆ័យនេះ បានធ្វើឡើងកាលពីថ្ងៃទី២៨ ខែមិថុនា ឆ្នាំ២០២៣ ដែលជាកម្មវិធីសម្បទានដីសង្គមកិច្ចថ្នាក់មូលដ្ឋានសម្រាប់គម្រោងបែងចែកដីដើម្បីសង្គមកិច្ចនិងការអភិវឌ្ឍសេដ្ឋកិច្ចដំណាក់កាលទី៣ (LASED III)។

ជាមួយគ្នានេះ ប្រជាជននៅក្នុងឃុំទាំងពីរនេះ មានប្រមាណជិត ៧០០គ្រួសារគ្មានដី និងជាង ៦០០គ្រួសារមានដីតិចជាង ០,៥ហិកតា។

គួរបញ្ជាក់ថា គម្រោង LASED III គាំទ្រថវិកាដោយធនាគារពិភពលោក ក្នុងគោលបំណងដើម្បីជួយបង្កើនសុវត្ថិភាពសិទ្ធិកាន់កាប់ដីធ្លី និងការទទួលបានហេដ្ឋារចនាសម្ព័ន្ធនិងសេវាកសិកម្ម និងសង្គមសម្រាប់ប្រជាជនក្រីក្រគ្មានដី និងសហគមន៍ជនជាតិដើមភាគតិចនៅកម្ពុជា។

ក្នុងនោះផងដែរ ធនាគារពិភពលោក ​បាន​អនុម័ត​ទឹកប្រាក់ ៩៣លានដុល្លារ ជូនកម្ពុជា សម្រាប់យកមក​អនុវត្តគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចជំហានទី៣ (LASED III) នេះ។ (អានបន្ថែម)