៥ខែដើមឆ្នាំ២០២៥ កំពង់ផែស្វយ័តភ្នំពេញ រកចំណូលបានជាង ១៧.៥លានដុល្លារ កើន ២២%

• 2 ខែ​កក្កដា 2025
• ព័ត៌មានក្នុងស្រុក
• 5 មើល

ក្នុងរយៈពេល ៥ខែ ឆ្នាំ២០២៥ កំពង់ផែស្វយ័តភ្នំពេញ រកចំណូលបានជាង ១៧.៥២៦.០៥៤លានដុល្លារ (ពុំទាន់ធ្វើសវនកម្ម) កើនឡើង ២២% ធៀបនឹងរយៈពេលដូចគ្នាក្នុងឆ្នាំ២០២៤។ នេះបើតាមសេចក្តីប្រកាសព័ត៌មានរបស់កំពង់ផែស្វយ័តភ្នំពេញ កាលពីថ្ងៃទី១៣ ខែមិថុនា ឆ្នាំ២០២៥។

ក្នុងនោះ ចំណូលពីប្រតិបត្តិការផែមានចំនួន ១៤.៣៦៣.៣៦៧ដុល្លារ កើនឡើង ២៣%, ចំណូលពីអាជ្ញាធរផែមានចំនួន ២.៥៨៨.៣៣៥ដុល្លារ កើនឡើង ២៣% និងចំណូលពីសេវាកម្មផ្សេងៗមានចំនួន ៥៧៤.៣៤៨ដុល្លារ ថយចុះ ១០%។

ដោយឡែកក្នុងខែឧសភាតែមួយ កំពង់ផែស្វយ័តភ្នំពេញ រកចំណូលបានជាង ៣.៨៩៧.៨៦១លានដុល្លារ (ពុំទាន់ធ្វើសវនកម្ម) កើនឡើង ២៤% ធៀបនឹងរយៈពេលដូចគ្នាក្នុងឆ្នាំ២០២៤។

ទាក់ទងនឹងការដឹកជញ្ជូនទំនិញវិញ ក្នុងរយៈពេល ៥ខែ ឆ្នាំ២០២៥នេះ កំពង់ផែស្វយ័តភ្នំពេញ បានទទួលបរិមានទំនិញ និងប្រេងឥន្ធនៈឆ្លងកាត់ ចំនួន ២.១៧៤.៨៦៤តោន (ពុំទាន់ធ្វើសវនកម្ម) កើនឡើង ២១,៣៣% ធៀបនឹងរយៈពេលដូចគ្នាក្នុងឆ្នាំ២០២៤ ខណៈមានចំនួនកុងតឺន័រឆ្លងកាត់បានប្រមាណ ២០៦.០៥៥TEUs កើនឡើង ២៨,៧៥% ផងដែរ។

ការរីកចម្រើនជាបន្តបន្ទាប់នៃកំពង់ផែស្វយ័តភ្នំពេញបានគូសបញ្ជាក់ពីតួនាទីដ៏សំខាន់របស់ខ្លួននៅក្នុងពាណិជ្ជកម្ម និងភស្តុភារក្នុងតំបន់ ដោយចាត់ទុកវាថាជាតួអង្គសំខាន់ក្នុងការអភិវឌ្ឍន៍សេដ្ឋកិច្ចរបស់កម្ពុជា។

• port