អាជ្ញាធរខេត្តកំពង់ឆ្នាំងប្រកាសស្វាគមន៍រោងចក្រធំ១ តម្លៃជាង ៦លានដុល្លារ

• 12 ខែ​កញ្ញា 2025
• Uncategorized
• 4 មើល

អាជ្ញាធរខេត្តកំពង់ឆ្នាំង ប្រកាសស្វាគមន៍រោងចក្រផលិតសម្ភារៈតុបតែងផ្សេងៗ ដែលផលិតពីដែក និងប្លាស្ទិក មានតម្លៃប្រមាណ ៦,២លានដុល្លារ ខណៈបច្ចុប្បន្នគម្រោងនេះទទួលបានការអនុម័តពីក្រុមប្រឹក្សាអភិវឌ្ឍន៍កម្ពុជា (CDC) រួចរាល់ហើយ។

នៅថ្ងៃទី៥ ខែកញ្ញា ឆ្នាំ២០២៥ ក្រុមប្រឹក្សាអភិវឌ្ឍន៍កម្ពុជា (CDC) បានបង្ហាញការអបអរសាទរដល់ប្រជាពលរដ្ឋស្រុកសាមគ្គីមានជ័យ ខេត្តកំពង់ឆ្នាំង ដែលទទួលបានគម្រោងវិនិយោគបង្កើតរោងចក្រផលិតសម្ភារៈតុបតែងសម្រាប់ពិធីបុណ្យផ្សេងៗ ក្នុងទំហំទុនវិនិយោគប្រមាណ ៦,២លានដុល្លារ និងអាចបង្កើតការងារបានចំនួន ៥២៧កន្លែង។

គម្រោងវិនិយោគថ្មីនេះ មានទីតាំងស្ថិតនៅភូមិក្រសាំងពុល ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង និងវិនិយោគដោយ ក្រុមហ៊ុន BELLA VILLA (CAMBODIA) CO., LTD.។

គួរបញ្ជាក់ថា ​ក្នុងរយៈពេល៨ខែ នៃឆ្នាំ២០២៥  CDC បានសម្រេចុះបញ្ជីគម្រោងវិនិយោគចំនួន ៤៩១គម្រោង ក្នុងទំហំទុនវិនិយោគសរុប​ប្រមាណ ៧,២ ពាន់​លានដុល្លារ ក្នុងនោះចំនួនគម្រោងវិនិយោគបាន​កើនឡើង ២០៤គម្រោង ស្មើនឹងប្រមាណ ៧១% ខណៈទុនវិនិយោគបាន​កើនឡើងប្រមាណ ២,៥ ពាន់​លានដុល្លារ ស្មើនឹង​ប្រមាណ ៥០% បើប្រៀបធៀបនឹងរយៈពេលដូចគ្នាក្នុងឆ្នាំ២០២៤៕ (អានបន្ថែម)

• Project and Investments