តើកម្មវិធីពានរង្វាន់សំណង់ឆ្នើមពិភពលោករបស់ Bentley ឆ្នាំនេះ មានអ្វីថ្មីខ្លះ?

• 27 ខែ​តុលា 2025
• Uncategorized
• 9 មើល

ក្រុមហ៊ុន Bentley Systems ដែលជាក្រុមហ៊ុនឈានមុខគេផ្នែកកម្មវិធីវិស្វកម្មហេដ្ឋារចនាសម្ព័ន្ធ បានប្រកាសបច្ចេកវិទ្យាថ្មីៗជាច្រើន នៅក្នុងសន្និសីទ Year in Infrastructure 2025 ដែលធ្វើឡើងកាលពីថ្ងៃទី ១៥ និង ១៦ តុលា​ នៅឯទីក្រុង Amsterdam។

អ្វីដែលប្លែក និងពិសេសសម្រាប់ឆ្នាំនេះគឺការប្រើប្រាស់បញ្ញាសិប្បនិម្មិត (AI) គំរូភូមិសាស្ត្រ 3D (geospatial modeling) និងប្រព័ន្ធគ្រប់គ្រងទិន្នន័យរួមបែបអនឡាញ (unified cloud environment)  ដើម្បីធ្វើឱ្យកម្មវិធីវិស្វកម្មឌីជីថលកាន់ទំនើប មានប្រសិទ្ធភាព ប៉ុន្តែងាយស្រួលប្រើជាងមុន។

លើសពីនេះ សារស្នូលដ៏សំខាន់សម្រាប់កម្មវិធីឆ្នាំ ២០២៥ គឺការធ្វើឱ្យកម្មវិធីគ្រប់គ្រងសំណង់ឌីជីថលងាយស្រួលប្រើ និងងាយស្រួលយល់ ហើយគ្រប់គ្នាអាចប្រើវាបានតាមតម្រូវការ ប៉ុន្តែប្រសិនភាពកាន់តែខ្លាំងជាងមុន។

ឧទាហរណ៍ ដើម្បីគូរប្លង់គម្រោងអគារមួយ ពីមុនអ្នកត្រូវមានចំណេះដឹងលើការគូរប្លង់ និងវិស្វកម្ម និងចេះប្រើកម្មវិធីផ្សេងៗជាច្រើន។ ប៉ុន្តែ ឥឡូវ អ្នកគ្រាន់តែបញ្ចូលនូវទិន្នន័យអំពីអ្វីដែលអ្នកចង់បាន ហើយបញ្ជាទៅ AI នៅក្នុងកម្មវិធីរបស់ Bentley  បន្ទាប់មកវាចេញជាប្លង់ឱ្យអ្នក។ ពោលគឺដូចជាអ្នកមានលេខាជា AI ដូច្នោះ។

ពិសេសជាងនេះទៅទៀត ជាធម្មតាប្លង់គម្រោងគឺស្ថិតតែនៅក្នុងកុំព្យូទ័រប៉ុណ្ណោះ ប៉ុន្តែជាមួយនឹងបច្ចេកវិទ្យាគំរូភូមិសាស្ត្រ 3D (geospatial modeling) ប្លង់ដែលអ្នកគូរ ឬបញ្ជាឱ្យAI គូរ នឹងត្រូវយកទៅដាក់បង្ហាញលើទីតាំងជាក់ស្ដែង។ អ្នកមិនចាំបាច់ទៅការដ្ឋានវាស់វែងជាក់ស្ដែងច្រើនដងទេ ព្រោះ Cesium គឺមានទិន្នន័យភូមិសាស្ដ្រនៃទីតាំងជាក់ស្ដែងស្ទើរជុំវិញពិភពលោក។

ចំណុចពិសេសចុងក្រោយ គឺការបង្កើតប្រព័ន្ធគ្រប់គ្រង និងស្ដុកទិន្នន័យក្នុង CLOUD ឈ្មោះថា Cloud Connect។ គ្រប់យ៉ាងគឺស្ថិតក្នុងប្រព័ន្ធតែមួយ ហើយប្រព័ន្ធគ្រប់គ្រងនេះគឺងាយមើល ងាយប្រើ ហើយគ្រប់គ្នាអាចប្រើបានដោយមិនស្មុគស្មាញ។ ឧទាហរណ៍ ផ្នែកច្បាប់ចង់ស្រាវជ្រាវរកលិខិតអនុញ្ញាត គឺអាចរកបានភ្លាមៗ ថាគម្រោងនេះមានលិខិតអ្វីខ្លះ។ ខណៈផ្នែក គណនេយ្យចង់ដឹងថា សម្ភារៈសំណង់ចំណាយអស់ប៉ុន្មានក៏អាចរកបាន។ ពិសេសម្ចាស់ក្រុមហ៊ុន ក៏អាចចូលទៅមើលរបាយការណ៍សរុបពីគ្រប់ផ្នែក និងវឌ្ឍនភាពនៃគម្រោងនៅកន្លែងតែមួយនេះ។

សម្រាប់ឆ្នាំនេះ គឺមានការ update លើកម្មវិធីជាច្រើនបានរយៈ បច្ចេកវិទ្យាសំខាន់ ៣ ខាងលើ ដែលរួមមាន៖

• គំរូភាពពិតក្នុង Cesium ion៖ ការធ្វើការងារស្វ័យប្រវត្តិពេញលេញដែលប្រើ iTwin Capture ដើម្បីបង្កើតគំរូ 3D ដូចពិតនៃគម្រោងលើទីតាំងជាក់ស្ដែង
• កម្មវិធី MicroStation 2025 និង Bentley Open Applications ឥឡូវនេះអាចប្រើបានជាមួយ 3D Tiles តាមរយៈ Cesium ដែលអនុញ្ញាតឱ្យវិស្វករបញ្ចូលបរិបទភូមិសាស្ត្រពិតៗ (ដូចជា Google Photorealistic 3D Tiles) ដោយផ្ទាល់ទៅក្នុងគម្រោងរចនារបស់ពួកគេ ដើម្បីពន្លឿនការងារ។
• iTwin Engage៖ កម្មវិធីថ្មីមួយដែលបង្កើតបទពិសោធន៍ដ៏ស៊ីជម្រៅ ដោយប្រើ Cesium និងបច្ចេកវិទ្យា game engine ដើម្បីបង្កើត digital twins អន្តរកម្ម (interactive digital twins) សម្រាប់ពិនិត្យមើលការរចនា ការហាត់សមសាងសង់ និងការត្រួតពិនិត្យពីចម្ងាយ។
• OpenSite+ (ការរចនាទីតាំង)៖ កម្មវិធីនេះប្រើប្រាស់ Generative AI សម្រាប់ការរចនាទីតាំងសំណង់។ ការប្រើកម្មវិធីនេះ នឹងជួយឱ្យគម្រោងបញ្ចាក់លឿនជាងមុនដល់ទៅ ១០ ដង។
• OpenUtilities Substation+ ៖ កម្មវិធីថ្មីនេះអនុញ្ញាតឱ្យអ្នករចនាច្រើននាក់ធ្វើការលើគំរូតែមួយក្នុងពេលតែមួយ កាត់បន្ថយកំហុស។
• SYNCHRO+ ៖ កម្មវិធីនេះគ្រប់គ្រងការដ្ឋានសំណង់ដែលដំណើរការដោយ AI និងប្រើ Cesium ដើម្បីទទួលបានបរិបទភូមិសាស្ត្រសម្រាប់ការរៀបចំផែនការសំណង់កម្រិតខ្ពស់។
• Bentley Copilot៖ ជំនួយការ AI ដែលដឹងពីបរិបទ (context-aware AI assistant) គឺត្រូវបានបញ្ចូលទៅក្នុងកម្មវិធីនានារបស់Bentley។

នាយកប្រតិបត្តិលោក Nicholas Cumins បានសង្កត់ធ្ងន់លើថាអ្នកប្រើប្រាស់មិនបាច់បារម្មថា Bentley នឹងយកទិន្នន័យអ្នកប្រើប្រាស់មកជាប្រយោជន៍របស់ខ្លួនទេ គ្រប់យ៉ាងគឺធ្វើឡើងដោយតម្លភាព។

គួរបញ្ជាក់ថា កម្មវិធី Bentley Year in Infrastructure 2025 គឺជាព្រឹត្តិការណ៍លំដាប់ពិភពលោកដែលប្រមូលផ្តុំមេដឹកនាំក្នុងវិស័យសំណង់ពីប្រទេសនានា ដើម្បីមកពិភាក្សា និងចែករំលែកចំណេះដឹង ក៏ដូចជាបទពិសោធន៍ក្នុងវិស័យនេះ។ (អានបន្ថែម)

• AI
• Bentley Systems
• Cesium
• Cloud connect
• Digital Twin
• Geospatial
• iTwin Capture
• Synchro