Bentley បង្ហើបពីគន្លឹះគ្រប់គ្រងគម្រោងសំណង់បែបឆ្លាតវៃដោយប្រើកម្មវិធីសំខាន់ ២

26 ខែកញ្ញា 2025
Uncategorized
4 មើល

ក្រុមហ៊ុន Bentley Systems ថ្មីៗនេះបានបង្ហាញនូវបច្ចេកវិទ្យាថ្មី ដែលអនុញ្ញាតឱ្យម្ចាស់អាចប្រើប្រាស់កម្មវិធី iTwin ដែលជាកម្មវិធីល្បីរបស់ខ្លួន រួមជាមួយនឹងកម្មវិធីរូបភាពភូមិសាស្ត្រល្បីលំដាប់ពិភពលោក Cesium បានដោយរលូន។

ការរួមបញ្ចូលគ្នារវាងបច្ចេកវិទ្យាទីក្រុងឌីជីថល iTwin និងកម្មវិធីភូមិសាស្ត្របែបលំហទ្រង់ទ្រាយធំនេះ ត្រូវបានធ្វើឡើងបន្ទាប់ពីក្រុមហ៊ុន Bentley បានទិញយក Cesium កាលពីខែកញ្ញា ឆ្នាំ 2024 កន្លងមកនេះ។

យោងតាមក្រុមហ៊ុន Bentley កម្មវិធី iTwin គឺជាកម្មវិធីគំរូប្លង់នៃគម្រោងសំណង់ដែលរស់រវើកដូចពិតជាក់ស្ដែង។ វាមិនមែនគ្រាន់តែជាប្លង់បែបធម្មតាដូចដែលយើងស្គាល់នោះទេ តែវាគឺជាគម្រោងពិតៗ ប៉ុន្តែស្ថិតនៅក្នុងប្រព័ន្ធកុំព្យូទ័រ។ ទិន្នន័យនឹងធ្វើបច្ចុប្បន្នភាពភ្លាមទៅមក រវាងការដ្ឋានពិត និងគំរូឌីជីថល គ្រប់ពេលដែលមានការអនុវត្តការងារណាមួយ។

ដោយឡែក Cesium ត្រូវបានគេស្គាល់តាមរយៈបច្ចេកវិទ្យាផែនទីពិភពលោកបែប 3D។ កម្មវិធីនេះជួយឱ្យម្ចាស់គម្រោងអាចបង្កើតគំរូ 3D បានយ៉ាងល្អ ដោយប្រើទិន្នន័យរូបភាពភូមិសាស្ត្របែប 3D របស់ពិភពលោកដែលពេញលេញបំផុត។

ដូច្នេះ ការច្របាច់បញ្ចូលគ្នារវាងកម្មវិធី iTwin និង CesiumJS នឹងធ្វើឱ្យទិន្នន័យភូមិសាស្ត្របែប3D និង ទិន្នន័យរចនាវិស្វកម្មបែបឌីជីថល ប្រើបានក្នុងពេលតែមួយ និងក្នុងកម្មវិធីតែមួយ។

អ្នកប្រើប្រាស់មិនចាំបាច់គណនាកត្តាភូមិសាស្ត្រដាច់ដោយឡែក ហើយយកមកបញ្ចូលជាមួយ iTwin តាមក្រោយទៀតទេ។ គ្រប់យ៉ាងអាចធ្វើបានក្នុងកម្មវិធីតែមួយ ដែលធ្វើឱ្យគម្រោងកាន់តែមានភាពត្រឹមត្រូវ មានគុណភាពខ្ពស់ ចំណេញពេលវេលា និងសន្សំថវិកា។

មុខងារសំខាន់ៗដែលត្រូវបានគូសបញ្ជាក់រួមមាន៖

ការរួមបញ្ចូលទិន្នន័យ (Data integration): គាំទ្រទម្រង់វិស្វកម្មពីកម្មវិធីដូចជា MicroStation, Revit, AutoCAD, Navisworks និង Rhino។ ទិន្នន័យត្រូវបានបំប្លែងដោយស្វ័យប្រវត្តិទៅជា 3D Tiles ដែលត្រូវបានកែលម្អឱ្យស្រួលវិភាគ។
ប្រវត្តិរចនា (Design history): APIs អនុញ្ញាតឱ្យកម្មវិធីបង្ហាញស្ថានភាពរចនាជាទម្រង់ផ្សេងៗគ្នា ដែលម្ចាស់គម្រោងអាចប្រៀបធៀបបាន ។
ការចូលប្រើ Metadata (Metadata access)
លំហូរការងារគម្រោង (Project workflows): អ្នកអភិវឌ្ឍន៍អាចបញ្ចូលភារកិច្ចដូចជា ការរកឃើញភាពមិនស៊ីគ្នា ការគ្រប់គ្រងការផ្លាស់ប្តូរ និងការតាមដានបញ្ហាដោយផ្ទាល់នៅក្នុងកម្មវិធីដែលមានមូលដ្ឋានលើ Cesium។

- Video Advertisement -