MLMUPC Diary: March – april 2017

9 ខែឧសភា 2017
ព័ត៌មានសំណង់
3 មើល

នាយកដ្ឋានលំនៅដ្ឋានបានចុះអនុស្សរណៈយោគយល់សម្រាប់ការអភិវឌ្ឍលំនៅដ្ឋានសាធារណៈ (ទី២ ខែមីនា)

ការអភិវឌ្ឍន៍លំនៅដ្ឋានរបស់ក្រសួងរៀបចំដែនដី នគរូបនីយកម្ម និងសំណង់ (MLMUPC) បានចុះអនុស្សរណៈយោគយល់ (MoU) ជាមួយនិងក្រុមហ៊ុន Bun Jeth Group ដើម្បីអភិវឌ្ឍន៍លំនៅដ្ឋានសាធារណៈបន្ថែមទៀតសម្រាប់ក្រុមគ្រួសារដែលមានប្រាក់ចំណូលទាប ហើយនេះជាផ្នែកមួយនៃការអភិវឌ្ឍន៍លំនៅឋានសាធារណៈរយៈពេលវែងរបស់ក្រសួង។ គម្រោងដំបូងដែលនឹងចាប់ផ្តើមនៅថ្ងៃទី០១ ខែឧសភា នឹងត្រូវអភិវឌ្ឍន៍នៅលើផ្ទៃដីទំហំ ៨២២.១៦០ម៉ែត្រការ៉េ ស្ថិតនៅភូមិស្លែងដីដុះ ឃុំព្រែកទទឹង ស្រុកពញាឮ ខេត្តកណ្តាល ចំងាយប្រហែល ២១គីឡូម៉ែត្រពីទីប្រជុំជនក្រុងភ្នំពេញតាមបណ្តោយផ្លូវជាតិលេខ៥។ លំនៅឋានចំនួន ៥.៣៤០ កំពុងត្រូវបានអភិវឌ្ឍន៍សម្រាប់ដំណាក់ទីមួយដែលក្នុងនោះលំនៅឋានចំនួន ៨៥៤ មានទទឹង ៤,១ម៉ែត្រ និងប្រវែង ១៣ម៉ែត្រហើយលំនៅឋានចំនួន ៤.៤៧៦ ទៀតមានទទឹង ៥,១ម៉ែត្រ និងបណ្តោយ ៧,២ ម៉ែត្រ។

មន្ត្រីបានជួបគ្នាដើម្បីពិនិត្យឡើងវិញពីបទពិសោធន៍ដំណោះស្រាយជម្លោះដីធ្លី (ថ្ងៃទី១០ ខែមីនា)

ជម្លោះដីធ្លីជាបញ្ហាមួយសម្រាប់កម្ពុជាជាយូរមកហើយ។ បន្ទាប់ពីការដោះស្រាយវិវាទដីធ្លីរាប់ពាន់ករណីនៅទូទាំងប្រទេស ឯកឧត្តម ជា សុផារ៉ា បានជួបជាមួយមន្ត្រីក្រសួងដើម្បីពិនិត្យឡើងវិញនូវមេរៀនដែលបានរៀនសូត្រពីយុទ្ធនាការ ដោយសង្ឃឹមថានឹងបង្កើនល្បឿនដោះស្រាយជម្លោះដីធ្លីនាពេលអនាគត។

ក្រសួងរៀបចំដែនដី នគរូបនីយកម្ម និងសំណង់ស្វាគមន៍ប្រធានអង្គការ JICA ថ្មី (ថ្ងៃទី២១ ខែមីនា)

ទីភ្នាក់ងារសហប្រតិបត្តិការអន្តរជាតិជប៉ុន (JICA) គឺជាដៃគូអភិវឌ្ឍន៍យ៉ាងរឹងមាំសម្រាប់ការអភិវឌ្ឍន៍ការសាងសង់ និងហេដ្ឋារចនាសម្ព័ន្ធនៅប្រទេសកម្ពុជាជាយូរមកហើយ។ ឯកឧត្តម ជា សុផារ៉ា បានផ្តល់នូវការស្វាគមន៍យ៉ាងកក់ក្តៅចំពោះលោក Adachi Itsu ជាប្រធានប្រចាំប្រទេសថ្មីនៃអង្គការ JICA នៅកម្ពុជា។ ឯកឧត្តមរដ្ឋមន្ត្រីរំពឹងថាការគាំទ្រពីទីភ្នាក់ងារនេះនឹងបន្តមានកាន់តែខ្លាំងជាងនេះ ជាពិសេសសម្រាប់ការអភិវឌ្ឍន៍លំនៅដ្ឋានសាធារណៈរបស់ប្រទេសសម្រាប់ក្រុមគ្រួសារដែលមានប្រាក់ចំណូលទាប។

ក្រសួងពិនិត្យឡើងវិញលើបញ្ហាការគ្រប់គ្រងដីសម្រាប់កងទ័ព (ថ្ងៃទី៦ ខែមេសា)

ដើម្បីពង្រឹងទំនាក់ទំនងរវាងក្រសួង និងកងកម្លាំងប្រដាប់អាវុធកម្ពុជា ជាពិសេសអ្នកការពារតំបន់ព្រំដែន ឯកឧត្តម ជា សុផារ៉ា បានពិនិត្យឡើងវិញនូវគោលនយោបាយ ការងារ និងបញ្ហាដែលពាក់ព័ន្ធនឹងការគ្រប់គ្រងដីធ្លីទាំងអស់ជាមួយនិងមន្ត្រីយោធាជាន់ខ្ពស់។ ឯកឧត្តមរដ្ឋមន្ត្រី រំពឹងថានឹងមានកិច្ចសហប្រតិបត្តិការជិតស្និទស្តីពីបញ្ហាដែលទាក់ទងនឹងដីធ្លី។

ដំណើរការពិភាក្សាលើបញ្ហាគ្រួសារនៅអគារប៊ូឌីង (ថ្ងៃទី៧ ខែមេសា)

បន្ទាប់ពីការប្រកាសពីគម្រោងអភិវឌ្ឍន៍ថ្មីសម្រាប់អគារប៊ូឌីងដ៏ចម្រូងចម្រាស ឯកឧត្តម ជា សុផារ៉ា បាន ជួបជាមួយតំណាងក្រុមគ្រួសាររងប៉ះពាល់ពីគម្រោងនេះ ដើម្បីស្តាប់ពីការតវ៉ា និងសំណើដើម្បីឈានទៅរកការព្រមព្រៀងគ្នាលើគោលការណ៍ផ្តល់សំណង និងបើកផ្លូវសម្រាប់ការចាប់ផ្តើមការអភិវឌ្ឍន៍។ អគារប៊ូឌីងចាស់ទ្រុឌទ្រោមគឺជារឿងឈឺក្បាលមួយសម្រាប់ប្រជាពលរដ្ឋភ្នំពេញដែលរស់នៅក្នុងអគារនោះជិតពីរទសវត្សរ៍មកហើយ។ ប៉ុន្តែប្រសិនបើគម្រោងដែលស្នើឡើងដោយវិនិយោគិនជប៉ុន និងរដ្ឋាភិបាលកម្ពុជានេះអាចសម្រេចបាន អគារប៊ូឌីងនេះនឹងត្រូវកម្ទេច ហើយជំនួសមកវិញដោយអគារខុនដូកំពស់២១ជាន់ និងមានតម្លៃ ៨០ លានដុល្លារអាមេរិក។

គ្រួសារចំនួន ៤៣៤គ្រួសារ ទទួលបានប័ណ្ណកម្មសិទ្ធិដីធ្លីបន្ទាប់ពីជម្លោះដីធ្លីរយៈពេល ១០ ឆ្នា�

គ្រួសាររងគ្រោះចំនួន ៤៣៤គ្រួសារ ដែលរស់នៅក្នុងភូមិខ្នងក្រពើកើត និងខ្នងក្រពើលិច ទីបំផុតទៅបានទទួលប័ណ្ណកម្មសិទ្ធិដីធ្លីរបស់ខ្លួនបន្ទាប់ពីរង់ចាំជិត ១០ឆ្នាំ បើទោះបីជាបានឈ្នះក្តីក្នុងជម្លោះហើយក៏ដោយ។ ពួកគេបានធ្វើលិខិតថ្លែងអំណរគុណទៅក្រសួង ដើម្បីអរគុណដល់សម្តេចនាយករដ្ឋមន្ត្រី ហ៊ុន សែន ចំពោះការផ្តល់ប័ណ្ណកម្មសិទ្ធិនេះ។

គណៈកម្មាធិការគ្រប់គ្រងតំបន់ឆ្នេរពិភាក្សាពីការគ្រប់គ្រងកោះ (ថ្ងៃទី២០ ខែមេសា)

បន្ទាប់ពីការវិនិយោគលើការសិក្សាយ៉ាងសំខាន់ពីតំបន់ឆ្នេររបស់ប្រទេសដែលលាតសន្ធឹងប្រវែង ៤០០គីឡូម៉ែត្រកាត់ខេត្តចំនួនបួន ឥឡូវនេះគណៈកម្មាធិការជាតិគ្រប់គ្រង និងអភិវឌ្ឍន៍តំបន់ឆ្នេរ កំពុងពិភាក្សាពីការគ្រប់គ្រង និងអភិវឌ្ឍន៍ប្រកបដោយចីរភាពលើកោះរបស់ប្រទេសកម្ពុជា។ ប្រទេសកម្ពុជាមានកោះសរុបចំនួន ៨៦ ដែលស្ថិតនៅក្នុងខេត្តព្រះសីហនុ កោះកុង កំពត និងខេត្តកែប។ កោះចំនួន៧ ក្នុងចំណោមកោះទាំងអស់ត្រូវបានទទួលស្គាល់ទូទាំងពិភពលោកថាជាតំបន់ដែលមានសម្រស់ធម្មជាតិគួរឲ្យទាក់ទាញបំផុត។

ក្រសួងរៀបចំដែនដី នគរូបនីយកម្ម និងសំណង់បានចុះអនុស្សារណៈយោគយល់ (MoU) ជាមួយ SCE របស់ប្រទេសសឹង្ហបុ�

ក្រសួងរៀបចំដែនដី នគរូបនីយកម្ម និងសំណង់ បានចុះអនុស្សារណៈយោគយល់ (MoU) ជាមួយ Singapore Cooperation Enterprises (SCE) ក្រោមមូលនិធិអន្តរជាតិ Temasek Foundation International (TFI) លើគោលនយោបាយផែនការទីក្រុង និងពហុជំនាញក្នុងការគ្រប់គ្រងទីក្រុងនៅក្នុងប្រទេសកម្ពុជា។ SCE ត្រូវបានបង្កើតឡើងដោយក្រសួងពាណិជ្ជកម្ម និងឧស្សាហកម្ម និងក្រសួងការបរទេសនៃប្រទេសសឹង្ហបុរីនៅឆ្នាំ២០០៦ ដើម្បីឆ្លើយតបប្រកបដោយប្រសិទ្ធភាពចំពោះសំណើបរទេសយ៉ាងច្រើននេះ ជាមួយការចាប់អារម្មណ៍ក្នុងបទពិសោធន៍អភិវឌ្ឍន៍ប្រទេសសឹង្ហបុរី។ មានការរំពឹងថានៅក្រោម MoU នេះ ការធ្វើផែនការទីក្រុងរបស់ប្រទេសកម្ពុជានឹងរៀនសូត្រពីស្តង់ដារបស់ប្រទេសសឹង្ហបុរី។

- Video Advertisement -