UK Construction Trade Mission បានចូលរួមក្នុងពិព័រណ៍សមាគមអ្នកសាងសង់កម្ពុជា

• 1 ខែ​កុម្ភៈ 2017
• Uncategorized
• 3 មើល

តាមរយៈ British Chamber of Commerce (Britcham) និងគាំទ្រដោយនាយកដ្ឋានពាណិជ្ជកម្មអន្តរជាតិ The UK បានចូលរួមក្នុងពិព័រណ៍របស់សមាគមអ្នកសាងសង់កម្ពុជា លើកទី៣ ជាលើកដំបូងក្នុងឆ្នាំ២០១៦។

ការចូលរួមនេះគឺជាផ្នែកមួយនៃ UK Construction Trade Mission មកកាន់កម្ពុជា ដែលគេឃើញមានក្រុមហ៊ុនចំនួន ៨ បានចូលរួម រួមមាន Hongkong Land (Mansions) Ltd, Knight Frank (Cambodia) Pte., Ltd, ARUP (Cambodia) Limited, Aurecon Vietnam, Arcadia Engineering, Chapman Taylor, CBRE – CB Richard Ellis (Cambodia) Co., Ltd and CACPM CO., Ltd.។

រាប់បញ្ចូលទាំង Trade Mission សម្រាប់ក្រុមហ៊ុនទាំងអស់ដែលមានវត្តមាននៅក្នុងស្តង់ GREAT ក្នុងពិព័រណ៍សមាគមអ្នកសាងសង់កម្ពុជា ដែលបានរៀបចំឡើងចាប់ពីថ្ងៃទី០១ ដល់ ថ្ងៃទី០៣ ខែធ្នូ ឆ្នាំ២០១៦ នៅឯមជ្ឈមណ្ឌលសន្និបាត និងពិព័រណ៍កោះពេជ្រ ក្នុងរាជធានីភ្នំពេញ។ គោលបំណងនៃ Trade Mission គឺដើម្បីបង្កើនបទពិសោធន៍សម្រាប់យុទ្ធនាការណ៍របស់ GREAT និងក្រុមហ៊ុននីមួយៗដែលបានចូលរួម។

ឯកអគ្គរាជទូតអង់គ្លេស ឯកឧត្តម Bill Longhurst បានរៀបចំកម្មវិធីពិសេសមួយនៅស្ថានទូតដើម្បីឲ្យភាគីពាក់ព័ន្ធនៅក្នុងឧស្សាហកម្មនេះ អ្នកតំណាងឲ្យរាជរដ្ឋាភិបាលកម្ពុជា ក្រុមហ៊ុន UK Construction Trade Mission សមាជិកសមាគមអ្នកសាងសង់កម្ពុជា និងលោក Charles Vann តំណាង់ប្រធានសមាគមអ្នកសាងសង់កម្ពុជា។

ជាចុងក្រោយ Construction Trade Mission ទទួលបានជំនួញ 1-2-1 ដោយបានសហការជាមួយ JBAC (សមាគមជំនួញជប៉ុននៅកម្ពុជា) រួមទាំងក្រុមហ៊ុនទាំង ១២ របស់គេឲ្យចូលរួមក្នុងវិស័យនេះ។

នៅស្តង់ UK នៅឯពិព័រណ៍សមាគមអ្នកសាងសង់កម្ពុជា ភាពស្ទាត់ជំនាញ និងសមត្ថភាព របស់ប្រជាជាតិអង់គ្លេសត្រូវបានតាំងបង្ហាញ។ ដោយមានការចូលរួមពីលោកឯកអគ្គរាជទូត អង់គ្លេស អ្នកចូលរួមនៅស្តង់ UK GREAT បានជួបជាមួយបុគ្គលសំខាន់ៗនៅក្នុងឧស្សាហកម្មនេះ ព្រមទាំងអ្នកតំណាងឲ្យរាជរដ្ឋាភិបាលនៅកិច្ចស្វាគមន៍ដំបូង និងពេលបើកសម្ពោធជាផ្លូវការនៃពិព័ណ៌នេះ។

ទស្សនិកជនបានជួបជាមួយក្រុមហ៊ុនមកពីអង់គ្លេស ដែលជាសមាជិករបស់សភាពាណិជ្ជកម្មអង់គ្លេសនៅកម្ពុជា និងសភាពាណិជ្ជកម្មអង់គ្លេសក្នុងតំបន់ បានផ្តល់ជូននូវផលិតផល និងសេវាកម្មជាច្រើនប្រភេទទៅកាន់ឧស្សាហកម្មនេះ។

លើសពីការបង្កើនចំណងពាណិជ្ជកម្មរវាងប្រទេសអង់គ្លេស និងកម្ពុជា យើងក៏ចង់បង្ហាញនូវភាពសំខាន់នៃសមត្ថភាពសាងសង់ និងចែករំលែកការអនុវត្តល្អៗរវាងបណ្ដាក្រុមហ៊ុនអង់គ្លេស និងកម្ពុជា។ នៅក្នុងស្តង់ពិព័រណ៍អង់គ្លេសនេះ ក៏បានបង្ហាញបណ្ដាក្រុមហ៊ុនដែលមានសក្តានុពលក្នុងស្រុកនូវឱកាសដើម្បីរៀនសូត្រពីបទពិសោធន៍របស់អង់គ្លេសផ្លាស់ប្ដូរចំណេះដឹង និងជំនាញ។

អង់គ្លេសជាអ្នកផ្ដល់នូវផលិផល និងសេវាកម្ម ស្ថាបត្យកម្មឈានមុខគេនៅក្នុងសាកលលោក ដែលមានគំនិតច្នៃប្រឌិតថ្មីក្នុងវិស័យសំណង់ និងផ្ដល់ជំនាញការ និងការដឹកនាំលំដាប់ថ្នាក់ពិភពលោក ដើម្បីចូលទៅបំពេញតម្រូវការសព្វថ្ងៃ ក្នុងវិស័យនេះទូទាំងពិភពលោក។

ក្រុមហ៊ុនសាងសង់អង់គ្លេស បានអភិវឌ្ឍភាពជំនាញការក្នុងការកែប្រែជាថ្មីនៅតំបន់ជនបទ ដែលត្រូវអរគុណដល់ការកែប្រែនៃទីក្រុងឡុងដ៍ និងមេនឆេសស្ទឺនៃប្រទេសអង់គ្លេស ហើយភាពជំនាញនេះកំពុងតែត្រូវបាននាំចេញទៅទូទាំងសកលលោក។ British Standards and Codes ត្រូវបានគេស្គាល់ជុំវិញពិភពលោក ហើយបានចងក្រងជាការគ្រប់គ្រង ជាមូលដ្ឋាននៅក្នុងឧស្សាហកម្មសាងសង់ជាច្រើន។ ការតាំងចិត្តដ៏រឹងមាំក្នុងការរក្សានិរន្តភាពក្នុងការអភិវឌ្ឍ គឺជាបេះដូងនៃវិស័យសំណង់របស់អង់គ្លេស ដូចនេះក្រុមហ៊ុនអង់គ្លេសទាំងឡាយស្ថិតនៅជួរមុខក្នុងការត្រួសត្រាយផ្លូវឲ្យទៅដល់គោលដៅនេះ។ អ្នកម៉ៅការសាងសង់ និងអ្នកប្រឹក្សាអង់គ្លេស ធ្វើប្រតិបត្តិការសឹងតែគ្រប់ប្រទេសទូទាំងពិភពលោក ក្នុងការនាំចេញនូវសេវាកម្ម និងផលិតផលរបស់ខ្លួន។ វាមានច្រើន ហើយវាមានទំនាក់ទំនងគ្នានឹងការផ្តល់នូវជំនាញ ចំណេះដឹង និងភាពស្ទាត់ជំនាញ ជុំវិញការកសាង ចាប់ពីដំណាក់កាលរៀបចំផែនការ តាមរយៈសេវាហិរញ្ញវត្ថុ នីតិកម្ម និងវិស្វកម្ម រហូតដល់ដំណាក់កាលចុងក្រោយគឺការបង្កើតនូវម៉ាកយីហោ ប្រតិបត្តិការ ការថែទាំ និងឈប់ប្រើប្រាស់។

ជារៀងរាល់ឆ្នាំ ចក្រភពអង់គ្លេស បានធ្វើការនាំចេញផលិតផល និងសេវាកម្មរបស់ខ្លួន ដែលមានតំលៃលើសពី ១៩ ប៊ីលានផោន។

ក្រុមហ៊ុន និងម៉ាកយីហោ របស់ចក្រភពអង់គ្លេស ដែលកំពុងតែមានវត្តមានក្នុងទីផ្សារ ប្រទេសកម្ពុជាសព្វថ្ងៃរួមមាន Royal Institution of Charted Surveyors, Arup, Hongkong Land, JCB construction, Knight Frank, CBRE។

សភាពាណិជ្ជកម្មអង់គ្លេស និងនាយកដ្ឋានពាណិជ្ជកម្មអន្តរជាតិ កំពុងធ្វើការបង្កើតភាពជាដៃគូរវាងក្រុមហ៊ុនកម្ពុជា និងអង់គ្លេស។