ផលប្រយោជន៍នយោបាយនៅពីក្រោយរឿងក្តីកាស៊ីណូ Baha Mar៖ តុលាការក្រុងញ៉ូវយ៉ក ឱ្យក្រុមហ៊ុនចិនបង់ប្រាក់ចំនួន $១,៦ពាន់លាន

ផលប្រយោជន៍នយោបាយនៅពីក្រោយរឿងក្តីកាស៊ីណូ Baha Mar៖ តុលាការក្រុងញ៉ូវយ៉ក ឱ្យក្រុមហ៊ុនចិនបង់ប្រាក់ចំនួន $១,៦ពាន់លាន

តុលាការក្រុងញូវយ៉កបានបញ្ជាឱ្យក្រុមហ៊ុន China Construction America Inc. (CCA) ដែលជាក្រុមហ៊ុនបុត្រសម្ព័ន្ធរបស់រដ្ឋចិន China State Construction Engineering ឱ្យបង់ប្រាក់ចំនួន ១,៦ ពាន់លានដុល្លារអាមេរិកដល់ក្រុមហ៊ុន BML Properties ដែលជាម្ចាស់ដើមនៃរមណីយដ្ឋានកាស៊ីណូ Baha Mar ក្នុងប្រទេស Bahamas បន្ទាប់ពី អ្នកម៉ៅការត្រូវបានរកឃើញថាបានប្រព្រឹត្ត “អំពើក្លែងបន្លំជាច្រើន” កំឡុងពេលកាន់កាប់គម្រោង។ សេចក្តីសម្រេចនេះ គឺជាជ័យជំនះផ្លូវច្បាប់ដ៏សំខាន់មួយសម្រាប់ស្ថាបនិកក្រុមហ៊ុន BML លោក Sarkis Izmirlian ដែលបានដាក់បណ្តឹងកាលពីឆ្នាំ ២០១៧។ សាលក្រមនេះ ក៏រួមបញ្ចូលទាំងការតម្រូវឱ្យសងសំណងចំនួន ៨៤៥ លានដុល្លាររបស់ BML បូកនឹងការប្រាក់បង្គរចាប់តាំងពីខែឧសភា ២០១៤ ខណៈក្រុមហ៊ុន CCA ប្តេជ្ញាប្តឹងឧទ្ធរណ៍ចំពោះការសម្រេចចិត្តនេះ នេះ​បើ​តាមសារៈព័ត៌មាន scmp ចុះថ្ងៃទី ២៤ ខែតុលា ឆ្នាំ ២០២៤។

គម្រោង Baha Mar ដែលដំបូងឡើយ ជាគម្រោងអភិវឌ្ឍន៍មានបំណងក្លាយជាគោលដៅទេសចរណ៍និងរមណីយដ្ឋានប្រណីតលំដាប់ពិភពលោក បានប្រឈមមុខនឹងប្រវត្តិបញ្ហាបណ្តឹងដ៏ចម្រូងចម្រាស់ ចាប់ផ្តើមជាមួយនឹងការស្វែងរកហិរញ្ញប្បទានរបស់លោក Izmirlian ក្នុងអំឡុងវិបត្តិហិរញ្ញវត្ថុសកលឆ្នាំ ២០០៨។ ដោយទទួលបានប្រាក់កម្ចីចំនួន ២,៤៥ ពាន់លានដុល្លារពីធនាគារ Exim Bank របស់ប្រទេសចិន គាត់បានទទួលយកលក្ខខណ្ឌដែលតម្រូវឱ្យក្រុមហ៊ុន CCA បម្រើជាអ្នកម៉ៅការទូទៅ ក្នុងការនាំចូលកម្មករចិនរហូតដល់ ៨០០០ នាក់។ ក្រុមហ៊ុន CCA ក៏បានចូលរួមវិភាគទានចំនួន ១៥០ លានដុល្លារអាមេរិកជាមួយនឹងការវិនិយោគចំនួន ៨៤៥លានដុល្លាររបស់ក្រុមហ៊ុន BML Properties សម្រាប់ចំណាយតាមដំណាក់កាល លើគម្រោងវិនិយោគដ៏ធំសម្បើមនៅតំបន់ការ៉ាប៊ីន។

ដើមឡើយគ្រោងនឹងបើកដំណើរការនៅខែធ្នូ ឆ្នាំ ២០១៤ ប៉ុន្តែរមណីយដ្ឋាននេះ បាន ពន្យារពេល និងទទួលការបរាជ័យជាច្រើនលើក ហើយទីបំផុតបានដាក់ពាក្យក្ស័យធនក្នុងខែមិថុនា ឆ្នាំ ២០១៥ ទាំងដែលការសាងសង់រមណីដ្ឋាន Baha Mar ត្រូវបានគេរាយការណ៍ថាបានរួចរាល់ ៩៧%ទៅហើយ។ ពាក្យបណ្ដឹងនេះ បានសំអាងហេតុដោយលើកឡើងពីការងារមិនល្អដោយចេតនារបស់ក្រុមហ៊ុន CCA និងបញ្ហាសំណង់មិនស្របតាមស្តង់ដារ។ ទោះបីជាមានការព្យាយាមរបស់លោក Izmirlian ដើម្បីរក្សាការគ្រប់គ្រង និងនាំយកអ្នកម៉ៅការផ្សេងក៏ដោយ ក៏រដ្ឋាភិបាល Bahamian ដែលចាត់ទុករមណីយដ្ឋាននេះជាអាទិភាពជាតិនោះ និងបានផ្ទេរកម្មសិទ្ធិរមណីយដ្ឋានទៅឱ្យម្ចាស់បំណុលវិញ ព្រមទាំងបាន បញ្ឈប់ការសាងសង់អស់រយៈពេលជាងមួយឆ្នាំ។

យុទ្ធសាស្ត្រទិញយករបស់ Chow Tai Fook

បន្ទាប់ពីការផ្អាកយូរ រដ្ឋាភិបាល Bahamian បានចុះកិច្ចព្រមព្រៀងដើម្បីបន្តការសាងសង់ឡើងវិញ ដោយបានស្វែងរកអ្នកទិញថ្មី។ ក្រុមហ៊ុន Chow Tai Fook Enterprises ដែលមានមូលដ្ឋាននៅទីក្រុងហុងកុង ដែលល្បីល្បាញដោយសារអាជីវកម្មគ្រឿងអលង្ការរបស់ខ្លួន និងគ្រប់គ្រងដោយគ្រួសារ Cheng ទីបំផុតបានក្លាយជាអ្នកទិញយករមណីដ្ឋានខ្នាតយក្សនេះ ដោយទទួលបាននូវការបញ្ចុះតម្លៃយ៉ាងសន្ធឹកសន្ធាប់។ ឥឡូវនេះ Chow Tai Fook បានបើកដំណើរការ Baha Mar តាំងពីខែមេសា ឆ្នាំ ២០១៧ ដែលមានកាស៊ីណូដ៏ធំបំផុតរបស់តំបន់ Caribbean បន្ទប់សណ្ឋាគារចំនួន ១៨០០ នៅទូទាំងសណ្ឋាគារចំនួនបី មានកន្លែងស្ប៉ា មជ្ឈមណ្ឌលសន្និបាត ការលក់រាយប្រណីត និងទីលានវាយកូនហ្គោលដែលរចនាដោយ Jack Nicklaus ថែមទៀតផង។

ផលប៉ះពាល់ជាយុទ្ធសាស្ត្រសម្រាប់ Chow Tai Fook និងប្រទេសចិន

អ្នកជំនាញផ្នែកឧស្សាហកម្ម បានចាត់ទុកការទិញយករបស់ Chow Tai Fook ថាមានអត្ថប្រយោជន៍ទៅវិញទៅមកសម្រាប់ក្រុមហ៊ុន និងរដ្ឋាភិបាលចិន ដោយស្របតាមយុទ្ធសាស្ត្រទូលំទូលាយនៃភូមិសាស្ត្រ និងការធ្វើពិពិធកម្មអាជីវកម្ម។ លោក Michael Zhu ដែលពេលនោះជាអនុប្រធានក្រុមហ៊ុន The Innovation Group បានគូសបញ្ជាក់ថា ការទិញយក Baha Mar តំណាងឱ្យ “យុទ្ធសាស្ត្រឈ្នះ-ឈ្នះសម្រាប់ Chow Tai Fook និងរដ្ឋាភិបាលចិន” ដោយសារវាបានជួយពង្រីកវត្តមានរបស់ពួកគេនៅទូទាំងពិភពលោក។

សេចក្តីសម្រេចឱ្យសងប្រាក់ ១,៦ ពាន់លានដុល្លារអាមេរិកប្រឆាំងនឹងក្រុមហ៊ុន CCA បន្ថែមជំពូកថ្មីមួយទៀតទៅរឿងក្តី Baha Mar ដោយបង្ហាញឱ្យឃើញពីអន្តរកម្មដ៏ស្មុគស្មាញរវាងហិរញ្ញវត្ថុសកល ការសាងសង់ និងគណនេយ្យភាពផ្លូវច្បាប់នៅក្នុងការអភិវឌ្ឍន៍អចលនទ្រព្យដែលមានភាគហ៊ុនខ្ពស់ និងអ្វីដែលពិសេសជាងគេនោះ គឺនយោបាយនៅពីក្រោយរឿងក្តីនេះ។ នៅពីក្រោយរឿងក្តីអចលនទ្រព្យដ៏ធំមួយដែលអូសបន្លាយជាច្រើនឆ្នាំ គឺជាការប្រទាញប្រទង់ផលប្រយោជន៍គ្នារវាងប៉ូលនយោបាយនៃប្រទេសមហាអំណាចពីរ គឺអាមេរិក និងចិន។ ថ្វីត្បិតតែតុលាការអាមេរិកចេញសេចក្តីសម្រេចឱ្យក្រុមហ៊ុនបុត្រសម្ព័ន្ធបង់ប្រាក់សំណងដ៏ច្រើនសន្ធឹកសន្ធាប់ ប៉ុន្តែក្នុងដំណាក់កាលចុងក្រោយ អ្នកដែលកំពុងតែកាន់កាប់រមណីយដ្ឋានដ៏ធំសម្បើមនេះ និងកំពុងទទួលបានផលចំណេញច្រើនបំផុតចេញពីលទ្ធផលនៃរឿងក្តីអចលនទ្រព្យដ៏ធំនេះ គឺក្រុមហ៊ុន និងរដ្ឋាភិបាលចិនដែលនឹងពង្រីកឥទ្ធិពលរបស់ខ្លួននៅតំបន់ខារ៉ាប៊ីន៕

- Video Advertisement -

ព័ត៌មានដែលទាក់ទង

ក្រុមហ៊ុនគ្រឿងសង្ហារិមល្បីរបស់ស៊ុយអែត កំពុងសម្លឹងទីផ្សារកម្ពុជា ដើម្បីរកឱកាសពង្រីកខ្លួន

ក្រុមហ៊ុនគ្រឿងសង្ហារិមល្បីរបស់ស៊ុយអែត កំពុងសម្លឹងទីផ្សារកម្ពុជា ដើម្បីរកឱកាសពង្រីកខ្លួន

  • ២១ មិនា ២០២៥

ក្រុមហ៊ុនគ្រឿងសង្ហារិមល្បីរបស់ស៊ុយអែត IKEA កំពុងសម្លឹងមើលទីផ្សារវិនិយោគនៅកម្ពុជា ដើម្បីពង្រីកការវិនិយោគរបស់ខ្លួន។ នេះបើតាមជំនួបរវាងឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា និងគណៈប្រតិភូក្រុមហ៊ុន IKEA ដែលដឹកនាំដោយលោក GIAFAR SAFAVERDI នាយកប្រតិបត្តិប្រចាំតំបន់អាស៊ីអាគ្នេយ៍ កាលពីថ្ងៃទី១៩ ខែមីនា ឆ្នាំ២០២៥។ ក្នុងជំនួបនេះ ឯកឧត្តមអគ្គលេខាធិការ បានជម្រាបជូនក្រុមហ៊ុននូវគោលនយោបាយទាក់ទាញការវិនិយោគឯកជនរបស់កម្ពុជា, របបនៃការលើកទឹកចិត្តដែលពោរពេញដោយភាពទាក់ទាញក្រោមច្បាប់ស្តីពីវិនិយោគបច្ចុប្បន្ន, ប្រព្រឹត្តិកម្មស្មើភាពដោយគ្មានការរើសអើង និងវិធានការគាំទ្រនានាដែលរាជរដ្ឋាភិបាលបានដាក់ចេញជាបន្តបន្ទាប់ដើម្បីធ្វើឱ្យបរិយាសវិនិយោគ និងធុរកិច្ចនៅកម្ពុជាកាន់តែប្រសើរឡើង បូករួមជាមួយកត្តាអំណោយផលផ្សេងៗទៀត។ ទន្ទឹមនឹងនេះ ឯកឧត្តមអគ្គលេខាធិការក៏បានជំរុញលើកទឹកចិត្តដល់លោក GIAFAR SAFAVERDI តំណាងក្រុមហ៊ុន IKEA រួសរាន់ក្នុងការសម្រេចចិត្តបណ្តាក់ទុនវិនិយោគនៅកម្ពុជាដើម្បីឆាប់ទទួលបានផលចំណេញ។ ជាការឆ្លើយតប លោក GIAFAR SAFAVERDI បានថ្លែងអំណរគុណចំពោះការទទួលជួបពិភាក្សាការងារ និងបានផ្តល់​នូវព័ត៌មានពិតជាក់ស្តែងសម្រាប់ក្រុមហ៊ុនធ្វើជាមូលដ្ឋានសម្រេចចិត្ត ព្រមទាំងជម្រាបជូនថានេះជាលើកទី១ដែ​ល​ក្រុ​មហ៊ុន IKEA ចាប់ផ្តើមសម្លឹងមើលទីផ្សារវិនិយោគនៅកម្ពុជា ដើម្បីពង្រីកការវិនិយោគរបស់ខ្លួន។ សូមបញ្ជាក់ជូនថា ក្រុមហ៊ុន IKEA គឺជាក្រុមហ៊ុនវិនិយោគផលិតគ្រឿងសង្ហារិម និងសម្ភារៈប្រើប្រាស់ក្នុងផ្ទះដ៏ធំមួយនៅក្នុងពិភពលោកដែលត្រូវបានបង្កើតឡើងតាំងពីឆ្នាំ១៩៤៣ នៅប្រទេសស៊ុយអ៊ែត។ នៅក្នុងឆ្នាំ២០២៤ ក្រុមហ៊ុន IKEA មានប្រាក់ចំណូលរហូតដល់ទៅប្រមាណ ២៦,៥ពាន់លានអឺរ៉ូ ស្មើនឹងប្រមាណ ២៩ពាន់លានដុល្លារអាម៉េរិក។ […]

ទំហំពាណិជ្ជកម្ម​កម្ពុជា​កើន​ដល់ $៩,៤៤​ពាន់​លាន ​ក្នុងរយៈពេល២ខែដើម​ឆ្នាំ​២០២៥

ទំហំពាណិជ្ជកម្ម​កម្ពុជា​កើន​ដល់ $៩,៤៤​ពាន់​លាន ​ក្នុងរយៈពេល២ខែដើម​ឆ្នាំ​២០២៥

  • ១៨ មិនា ២០២៥

ក្នុងរយៈពេលពីរខែដំបូងនៃឆ្នាំ២០២៥ ទំហំពាណិជ្ជកម្មអន្តរជាតិរបស់កម្ពុជាបានកើនឡើងដល់ប្រមាណ ៩,៤៤ពាន់លានដុល្លារ ដែលកើនឡើងគួរឱ្យកត់សម្គាល់ ១៦,៣% បើធៀបនឹងរយៈពេលដូចគ្នាក្នុងឆ្នាំ២០២៤ នេះបើយោងតាមរបាយការណ៍ថ្មីៗរបស់អគ្គនាយកដ្ឋានគយ និងរដ្ឋាករកម្ពុជា។ គួរបញ្ជាក់ថា សកម្មភាពនាំចេញបានបង្ហាញពីកំណើនវិជ្ជមាន ខណៈមានទំនិញសរុបជាង ៤,៤៦ពាន់លានដុល្លារ ត្រូវបាននាំចេញទៅក្រៅប្រទេស ដែលនេះជាការឆ្លុះបញ្ចាំងពីការកើនឡើង ១១,៩%។ ទន្ទឹមនឹងនេះដែរ ការនាំចូលបានកើនឡើងខ្ពស់រហូតដល់ ៤,៩៨៧ពាន់លានដុល្លារ ដែលជាការកើនឡើងគួរឱ្យកត់សម្គាល់ ២០,៦% ។ ជាការកត់សម្គាល់ ឃើញថាសហរដ្ឋ​អាមេរិក​នៅតែ​ជា​ទីផ្សារដ៏​សំខាន់​សម្រាប់​ការនាំចេញ​របស់​កម្ពុជា​ជាមួយនឹង​ទំហំ​ពាណិជ្ជកម្ម​ចំនួន ១,៦២៦ពាន់​លាន​ដុល្លារ​​។ វៀតណាម​ក៏​តំណាង​ឱ្យ​ដៃគូ​ពាណិជ្ជកម្ម​ដ៏​សំខាន់​មួយផងដែរ ដែលបានរួម​ចំណែក​យ៉ាង​សំខាន់​ក្នុង​តួលេខ​នាំ​ចេញ។ រីឯប្រទេសចិនជាតួអង្គដ៏សំខាន់ គឺជាអ្នកនាំចូលដ៏ធំបំផុតរបស់កម្ពុជា ជាមួយនឹងទំនិញដែលមានតម្លៃ ២.៤៤៤ ពាន់លានដុល្លារ ត្រូវបានជួញដូរ ឃើញថាមានការកើនឡើង ២៤% បើធៀបនឹងរយៈពេលដូចគ្នាកាលពីឆ្នាំមុន។ ចំពោះផលប័ត្រនាំចេញចម្រុះរបស់កម្ពុជារួមមានសម្លៀកបំពាក់ គ្រឿងចក្រ ឧបករណ៍អគ្គិសនី ស្បែកជើង គ្រាប់ធញ្ញជាតិ គ្រឿងសង្ហារឹម កៅស៊ូ ផ្លែឈើ បន្លែ គុជខ្យង ប្រដាប់ក្មេងលេង និងវាយនភណ្ឌ ដែលបង្ហាញពីវិស័យផលិតកម្ម និងកសិកម្មដ៏រឹងមាំរបស់ប្រទេស។ ដូចដែលតួលេខទាំងនេះបានបង្ហាញឱ្យឃើញពីទិដ្ឋភាពពាណិជ្ជកម្មរបស់កម្ពុជាកំពុងវិវឌ្ឍ និងជាការបង្ហាញពីការចូលរួមផ្នែកសេដ្ឋកិច្ចដែលកំពុងរីកចម្រើនរបស់ប្រទេសនៅលើឆាកពិភពលោក។ - Video Advertisement -

ឥណ្ឌូនេស៊ីសន្យានឹងជួយគៀងគរវិនិយោគមកកម្ពុជាបន្ថែម ខណៈបច្ចុប្បន្នទំហំពាណិជ្ជកម្មកម្ពុជា-ឥណ្ឌូនេស៊ី មានជាង $១ពាន់លាន

ឥណ្ឌូនេស៊ីសន្យានឹងជួយគៀងគរវិនិយោគមកកម្ពុជាបន្ថែម ខណៈបច្ចុប្បន្នទំហំពាណិជ្ជកម្មកម្ពុជា-ឥណ្ឌូនេស៊ី មានជាង $១ពាន់លាន

  • ១៧ មិនា ២០២៥

ឯកអគ្គរដ្ឋទូត នៃសាធារណរដ្ឋឥណ្ឌូនេស៊ី ប្រចាំនៅព្រះរាជាណាចក្រកម្ពុជា បានសន្យាថានឹងជួយគៀងគរវិនិយោគមកកម្ពុជាបន្ថែមទៀត ខណៈបច្ចុប្បន្ន ទំហំពាណិជ្ជកម្មកម្ពុជា-ឥណ្ឌូនេស៊ី បានឈានដល់ជាង ១ពាន់លានដុល្លារ។ ឯកឧត្តន សានតូ ដាម៉ូស៊ូម៉ាតូ ឯកអគ្គរដ្ឋទូតឥណ្ឌូនេស៊ី ថ្លែងបែបនេះ តាមរយៈជំនួបពិភាក្សាជាមួលោក គួច ចំរើន អភិបាល នៃគណៈអភិបាលខេត្តកណ្តាល កាលរសៀលថ្ងៃទី០៦ ខែមីនា ឆ្នាំ២០២៥។ នាឱកាសនោះ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល បានស្វាគមន៍ និងលើកពីភូមិសាស្ត្រ វិទ្យាសាស្ត្រ និងសេដ្ឋកិច្ច របស់ខេត្តកណ្ដាល ខណៈឯកឧត្តមថា ចក្ខុវិស័យសម្រាប់ឆ្នាំ២០២៥ ខេត្តកណ្តាលប្រែក្លាយជា “ខ្សែក្រវាត់គាំទ្រវិស័យសន្តិសុខ សណ្តាប់ធ្នាប់សាធារណៈ ឧស្សាហកម្ម ឡូជីស្លីក(ភស្តុភារ) ស្បៀង និងលំនៅឋាន”។ ឆ្លៀតឱកាសនោះ ឯកឧត្តម គួច ចំរើន បានស្នើសុំដល់ឯកអគ្គរដ្ឋទូតឥណ្ឌូនេស៊ី ឱ្យជួយគៀងគរអ្នកវិនិយោគិនមកវិនិយោគនៅខេត្តកណ្ដាលឱ្យបានច្រើន ព្រោះថាខេត្តកណ្ដាល មានភូមិសាស្ត្រហំព័ទ្ធភ្នំពេញ ជាបណ្ដុំនៃសេដ្ឋកិច្ច មានព្រលានយន្តហោះអន្តរជាតិ មានផ្លូវជាតិសំខាន់ៗ ដែលជាសរសៃឈាមរបស់ខេត្ត ក្នុងការផ្ដល់អាកាសឱ្យអ្នកវិនិយោគទាំងអស់ មកវិនិយោគនៅខេត្តកណ្ដាលទទួលបាននូវប្រាក់ចំណេញ។ […]

ទំហំពាណិជ្ជកម្មកម្ពុជា-ឥណ្ពា សម្រេចបាន$៣៤០លាន, ខណៈរុស្សីមានត្រឹមតែ $២៩លានប៉ុណ្ណោះ!

ទំហំពាណិជ្ជកម្មកម្ពុជា-ឥណ្ពា សម្រេចបាន$៣៤០លាន, ខណៈរុស្សីមានត្រឹមតែ $២៩លានប៉ុណ្ណោះ!

  • ១៤ មិនា ២០២៥

នៅក្នុងការផ្លាស់ប្តូរមួយដើម្បីបង្កើនទំនាក់ទំនងពាណិជ្ជកម្មទ្វេភាគី កម្ពុជា និងឥណ្ឌាបានបង្ហាញពីការកើនឡើងគួរឱ្យកត់សម្គាល់នៃទំហំពាណិជ្ជកម្មរបស់កម្ពុជា-ឥណ្ឌា ដែលឥឡូវនេះមានលើសពី ៣៤០ លានដុល្លារ។ ការប្រកាសនេះធ្វើឡើងក្នុងជំនួបពិភាក្សាដាច់ដោយឡែករវាងសម្តេចតេជោ ហ៊ុន សែន ប្រមុខរដ្ឋស្តីទីនៃកម្ពុជា និងឯកឧត្តម. Bawitlung Vanlalvawna ឯកអគ្គរដ្ឋទូតឥណ្ឌាប្រចាំកម្ពុជា ក៏ដូចជាឯកឧត្តម H.E. Anatoly Borovik ឯកអគ្គរដ្ឋទូតរុស្ស៊ីប្រចាំកម្ពុជា។ ក្នុងជំនួបជាមួយឯកអគ្គរដ្ឋទូតឥណ្ឌា មេដឹកនាំទាំងពីរបានសម្តែងការពេញចិត្តចំពោះទំនាក់ទំនងដ៏យូរអង្វែង និងប្រកបដោយផ្លែផ្ការវាងប្រជាជាតិរបស់ពួកគេ។ ពួកគេបានសង្កត់ធ្ងន់លើសារៈសំខាន់នៃការប្រើប្រាស់ទុនលើសក្តានុពលសេដ្ឋកិច្ចដ៏រឹងមាំដែលមាន។ នាឱកាសនោះក៏មានការប្ដេជ្ញាចិត្តរួមគ្នាក្នុងការពង្រឹងបន្ថែមទៀតនូវឱកាសពាណិជ្ជកម្ម និងការវិនិយោគ សំដៅធ្វើឱ្យលើសពីតួលេខបច្ចុប្បន្ន និងធ្វើឱ្យកិច្ចសហប្រតិបត្តិការទ្វេភាគីកាន់តែស៊ីជម្រៅ។ ផ្ទុយស្រឡះ ទំហំពាណិជ្ជកម្មរវាងកម្ពុជា និងរុស្សីនាពេលបច្ចុប្បន្ន នៅមានកម្រិតតិចតួចនៅឡើយ មានត្រឹមតែ ២៩លានដុល្លារ ប៉ុណ្ណោះ។ កិច្ចពិភាក្សាដែលបានធ្វើឡើងជាមួយឯកអគ្គរដ្ឋទូតរុស្ស៊ីបានផ្តោតទៅលើយុទ្ធសាស្ត្រជំរុញតួលេខនេះ ដោយទទួលស្គាល់ថាវាមិនឆ្លុះបញ្ចាំងពីទំនាក់ទំនងនយោបាយពិតប្រាកដ ឬសក្តានុពលសេដ្ឋកិច្ចរវាងប្រជាជាតិទាំងពីរនោះទេ។ ភាគីទាំងពីរបានបង្ហាញពីការប្តេជ្ញាចិត្តដើម្បីធ្វើការឆ្ពោះទៅរកភាពជាដៃគូសេដ្ឋកិច្ចប្រកបដោយផ្លែផ្កាបន្ថែមទៀតនាពេលអនាគត។ បន្ថែមលើនេះ កិច្ចប្រជុំនេះក៏បានគូសបញ្ជាក់ពីការកើនឡើងនៃវិស័យទេសចរណ៍ ដោយភ្ញៀវទេសចរឥណ្ឌាមកកាន់កម្ពុជាមានជាង ៧ម៉ឺននាក់ ក្នុងឆ្នាំ២០២៤។ សម្តេចតេជោ បានបង្ហាញក្តីសង្ឃឹមសម្រាប់ការកើនឡើងជាបន្តបន្ទាប់នៃចំនួននេះ ដែលរំពឹងថានឹងជួយជំរុញផលប្រយោជន៍សេដ្ឋកិច្ចបន្ថែមទៀតសម្រាប់វិស័យទេសចរណ៍។ នៅពេលដែលប្រទេសកម្ពុជាបន្តពង្រឹងទំនាក់ទំនងអន្តរជាតិរបស់ខ្លួន ការផ្តោតសំខាន់នៅតែលើការជំរុញទំនាក់ទំនងពាណិជ្ជកម្ម ការបង្កើនការវិនិយោគទៅវិញទៅមក និងការស្វាគមន៍ការកើនឡើងនៃចំនួនភ្ញៀវមកពីប្រទេសឥណ្ឌា និងរុស្ស៊ី។ ការប្តេជ្ញាចិត្តរបស់ប្រទេសទាំងពីរក្នុងការពង្រឹងទំនាក់ទំនងទាំងនេះបង្ហាញពីអនាគតដែលពោរពេញទៅដោយសក្តានុពល និងការរីកចម្រើន។ - Video […]

ក្នុងឆ្នាំ២០២៤ ទំហំពាណិជ្ជកម្មរវាងកម្ពុជា-ថៃ កើនដល់ ១ម៉ឺនលានដុល្លារ

ក្នុងឆ្នាំ២០២៤ ទំហំពាណិជ្ជកម្មរវាងកម្ពុជា-ថៃ កើនដល់ ១ម៉ឺនលានដុល្លារ

  • ១២ មិនា ២០២៥

ក្នុងឆ្នាំ២០២៤ ទំហំពាណិជ្ជកម្មរវាងប្រទេសកម្ពុជា និងប្រទេសថៃ បានកើនឡើងរហូតដល់ ១០.០០០លានដុល្លារ ខណៈភាគីទាំងពីរ បានប្តេជ្ញាជំរុញទំនាក់ទំនងទំហំពាណិជ្ជកម្មទ្វេភាគីឱ្យមានសន្ទុះរិតតែខ្លាំងថែមទៀតនាពេលខាងមុខ។ នេះបើយោងតាមជំនួបពិភាក្សារវាងសម្តេចតេជោ ហ៊ុន សែន ប្រមុខរដ្ឋស្តីទីកម្ពុជា ជាមួយ ឯកឧត្តម ធុល ត្រៃសូរ៉ាត់ (Tull Traisorat) ឯកអគ្គរាជទូតវិសាមញ្ញ និងពេញសមត្ថភាពថៃ ប្រចាំកម្ពុជា នៅថ្ងៃទី១១ ខែមីនា ឆ្នាំ២០២៥។ ក្នុងជំនួបនេះ សម្ដេចតេជោ បានឱ្យដឹងថា ទំហំពាណិជ្ជកម្មរវាងកម្ពុជា និងថៃ ក្នុងឆ្នាំ២០២៤ កន្លងទៅនេះ បានកើនឡើងរហូត១០ពាន់លានដុល្លារ ធៀបឆ្នាំ២០២៣ ដែលមានត្រឹមតែ ៨ពាន់លានដុល្លារប៉ុណ្ណោះ។ សម្តេចតេជោ បានចាត់ទុកការកើនឡើងនេះបង្ហាញពីទំនាក់ទំនងពាណិជ្ជកម្ម ការវិនិយោគរវាងភាគីទាំងពីរក៏កាន់តែល្អប្រសើរ។ ជាមួយគ្នានេះ ឯកឧត្តម ឯកអគ្គរាជទូតថៃ បានប្តេជ្ញាបំពេញបេសកកម្មនៅកម្ពុជា ដោយយកចិត្តទុកដាក់ ធ្វើយ៉ាងណាក្នុងការពង្រឹង និតពង្រីកទំនាក់ទំនងរវាងប្រទេសទាំងពីរ ឱ្យកាន់តែល្អប្រសើរបន្ថែមទៀត ជាពិសេសការគៀរគរវិនិយោគិនថៃមកកម្ពុជាឱ្យកាន់តែច្រើនបន្ថែមទៀតផងដែរ។ បើតាមជំនួបពិភាក្សាដដែល ក៏បានបងញ្ជាក់ដែរថា ក្នុងឆ្នាំ២០២៤នេះ កំណើនភ្ញៀវទេសចរណ៍ថៃមកកាន់ប្រទេសកម្ពុជាមានការកើនឡើងដល់ទៅ ២លាននាក់ ដែលឈរនៅលំដាប់ទី១ ក្នុងចំណោមទេសចរណ៍បរទេស ហើយទេសចរណ៍កម្ពុជាទៅប្រទេសថៃវិញគឺ ប្រមាណ […]

កម្ពុជា-វៀតណាម ប្តេជ្ញាបង្កើនទំហំពាណិជ្ជកម្មទ្វេភាគីឱ្យដល់ $២០ពាន់លាន ក្នុងពេលខាងមុខនេះ

កម្ពុជា-វៀតណាម ប្តេជ្ញាបង្កើនទំហំពាណិជ្ជកម្មទ្វេភាគីឱ្យដល់ $២០ពាន់លាន ក្នុងពេលខាងមុខនេះ

  • ៤ មិនា ២០២៥

កម្ពុជា-វៀតណាម បានប្តេជ្ញារួមគ្នា បង្កើនទំហំពាណិជ្ជកម្មទ្វេភាគីឱ្យបានដល់ ២០ពាន់លានដុល្លារ ក្នុងពេលខាងមុខនេះ ដើម្បីលើកកម្ពស់សេដ្ឋកិច្ចប្រទេសទាំងពីរឱ្យកាន់រីកចំរើនបន្ថែមទៀត។ ការប្តេជ្ញានេះ បានធ្វើឡើងក្នុងជំនួបពិភាក្សារវាងសម្តេច ឃួន សុដារី ប្រធានរដ្ឋសភា ជាមួយឯកឧត្តម ង្វៀន មិញវ៉ូ ( NGUYEN Minh Vu) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋសង្គមនិយមវៀតណាម ប្រចាំនៅព្រះរាជាណាចក្រកម្ពុជា កាលរសៀលថ្ងៃទី២៦ ខែកុម្ភៈ ឆ្នាំ២០២៥។ នាឱកាសនោះ ឯកអគ្គរដ្ឋទូតវៀតណាម បានបញ្ជាក់ថា រហូតមកដល់ពេលនេះប្រទេសវៀតណាមបានដាក់ទុនវិនិយោគនៅកម្ពុជាក្នុងទំហំទឹកប្រាក់ប្រមាណ ៣ពាន់លានដុល្លារ ស្មើនឹង ៤០០គម្រោងហើយ។ បន្ថែមពីនេះ ឯកឧត្តម ក៏បានប្តេជ្ញាជំរុញ និងពង្រីកកិច្ចសហប្រតិបត្តិការឱ្យរិតតែល្អជាមួយកម្ពុជា ដើម្បីនាំមកនូវផលប្រយោជន៍ជូនប្រទេសនិងប្រជាជនទំាងសងខាងផងដែរ។ ជាការឆ្លើយតប សម្តេចប្រធានរដ្ឋសភា ឃួន សុដារី មានជំនឿថា ក្នុងអាណត្តិបេសកកម្មការទូតថ្មីនេះ នឹងជួយលើកកម្ពស់ពង្រឹង និងពង្រីកទំនាក់ទំនងដ៏ល្អរវាងប្រទេសទាំងពីរដែលមានស្រាប់ឱ្យកាន់តែស៊ីជម្រៅ និងជំរុញដល់ការអភិវឌ្ឍន៍លើគ្រប់វិស័យទាំងការងារការទូតសភា ពាណិជ្ជកម្ម ទេសចរណ៍ វិនិយោគនិងវិស័យជាច្រើនទៀត។ គួរបញ្ជាក់ថា ក្រៅពីការវិនិយោគ វៀតណាមក៏ជាដៃ​គូ​ពាណិជ្ជកម្មកំពូល ដោយឈរជាទីផ្សារលំដាប់ទី១ របស់កម្ពុជាផងដែរ។ ជាក់ស្តែង […]