ក្រសួងមហាផ្ទៃបើកភ្លើងខៀវលើសំណើសុំបង្កើត ឃុំសង្កាតថ្មីចំនួន ៦
ក្រសួងមហាផ្ទៃបានផ្តល់ភ្លើងខៀវដល់រដ្ឋបាលខេត្តចំនួន ៦ សម្រាប់ការស្នើសុំបង្កើតឃុំថ្មីចំនួន ៦ ក៏ដូចជាសុំកែប្រែព្រំប្រទល់រដ្ឋបាលមួយចំនួននៅក្នុងខេត្ត។ យោងតាមលិខិតលេខ ១៤៦ សជណ/អរប ចុះថ្ងៃទី០៦ ខែកក្កដា ឆ្នាំ២០២១ របស់ក្រសួងមហាផ្ទៃ ឃុំសង្កាត់ ដែលបានស្នើបង្កើតថ្មីរួមមាន ឃុំបួរវិល ឃុំអូរកណ្តៀរសែនជ័យ ឃុំភ្នំក្រាំងដីមាស ឃុំយាយម៉ៅពេជ្រនិល សង្កាត់អូរជ្រៅ និង សង្កាត់អូរឫស្សី។ ឃុំសង្កាត់ទាំងនោះ មានទីតាំងស្ថិតនៅក្នុងខេត្តបាត់ដំបង ក្រចេះ កំពង់ឆ្នាំង កំពង់ស្ពឺ និងបន្ទាយមានជ័យរៀងៗគ្នា។ (២ សង្កាត់ចុងក្រោយស្ថិតក្នុងខេត្តបន្ទាយមានជ័យ) ដោយឡែក សំណើសុំកែប្រែព្រំប្រទល់វិញ គឺមកពីខេត្តក្រចេះ និងខេត្តកំពង់ធំ ដែលនឹងកែព្រំប្រទល់ឃុំសំបូរ ជាមួយនឹងឃុំវឌ្ឍនៈ សម្រាប់ខេត្តក្រចេះ និង ព្រំប្រទល់ឃុំបឹងល្វា ជាមួយនឹងឃុំកំពង់ថ្ម និងឃុំប្រាសាទ សម្រាប់ខេត្តកំពង់ធំ។ បន្ទាប់ពីការពិចារណា ក្រសួងមហាផ្ទៃបានណែនាំរដ្ឋបាលខេត្តទាំង ៦ នេះ ឱ្យបង្កើតក្រុមការងារដើម្បីសិក្សាលម្អិត រៀបចំផែនទី និងធ្វើរបាយការណ៍ពេញលេញ រួចបញ្ជូនមកក្រសួងមកនឹងឈានទៅ នីតិវិធីបន្តបន្ទាប់។
អានបន្ថែម
តម្លៃលំនៅដ្ឋានក្នុងទីក្រុងបាងកក ដាំក្បាលចុះខ្លាំង ខណៈវិបត្តិកូវីដ១៩ ក្នុងស្រុកកំពុងក្ដៅគគុក
តម្លៃលំនៅឋានក្នុងទីក្រុងបាងកកប្រទេសថៃ បានដាំក្បាលចុះខ្លាំង បើធៀបនឹងប្រទេសក្នុងតំបន់អាស៊ីផ្សេងទៀត។ ការធ្លាក់ចុះតម្លៃអចលនទ្រព្យលំនៅឋាននេះ គឺស្របពេលដែលប្រទេសនេះកំពុងរួមរឹតដោយវិបត្តិជំងឺកូវីដ១៩ ខ្លាំងក្លា។ យោងតាមការសិក្សាដែលមានឈ្មោះថា Global Cities Q3 2021 ក្រុមហ៊ុនអលចនទ្រព្យ Juwai IQI តម្លៃលំនៅឋានក្នុងទីក្រុងបាងកក ធ្លាក់ចុះ ៦% នៅក្នុងត្រីមាសទី១ ធៀបនឹងរយៈពេលដូចគ្នាកាលពីឆ្នាំមុន។ ប៉ុន្តែតម្លៃនេះ គឺផ្តោតទៅលើខុនដូស្ថិតនៅក្នុងតំបន់ពាណិជ្ជកម្មប៉ុណ្ណោះ។ ខុសពីទីក្រុងបាងកក យោងតាមរបាយការណ៍ដដែលថា តម្លៃលំនៅឋាននៅទីក្រុងសិង្ហបុរី កើនឡើង ៧,៦% នៅទីក្រុងកូឡាឡាំពួរមានកំណើន ៥,៦% ខណៈទីក្រុងហូជីមិញកើន ០,៧%។ ការសិក្សាបានសន្មត់ថា ការកើនឡើងនេះ គឺដោយសារវិធានការជំរុញរូបិយវត្ថុ និងសារពើពន្ធរបស់រដ្ឋាភិបាល ការចំណេញដើមទុនពីផ្សារហ៊ុនដែលកំពុងកើនឡើង និងសាច់ប្រាក់លើសដែលប្រមូលបានក្នុងកំឡុងពេលជាប់គាំង។ ការសិក្សា បន្តទៀតថា ការធ្លាក់តម្លៃនេះ ក៏ដោយសារតែនិន្នាការតម្រូវការថ្មីរបស់អ្នកទិញ ពោលគឺអ្នកទិញយកកត្តាវិបត្តិកូវីដ មកបញ្ចូលក្នុងការប៉ាន់ប្រមាណថវិកា និងប្រភេទអចលនទ្រព្យដែលពួកគេចង់បាន។
អានបន្ថែម
ក្រសួងដែនដីសម្រេចលុបចោលគម្រោងហេដ្ឋារចនាសម្ព័ន្ធមួយចំនួននៅខេត្តកណ្ដាល
ក្រសួងរៀបចំដែនដី នគរូបនីយកម្ម និងសំណង់ សម្រេចលុបចោលគម្រោងហេដ្ឋារចនាសម្ព័ន្ធមួយចំនួននៅខេត្តកណ្ដាល ព្រោះប្លង់គម្រោងមានលក្ខណៈមិនគ្រប់ជ្រុងជ្រោយ ហើយប៉ះពាល់ដល់កម្មសិទ្ធិឯកជនច្រើន។ នេះបើតាមលិខិតចុះថ្ងៃទី ០១ ខែកក្កដា ឆ្នាំ២០២១ របស់ក្រសួង ដែលបានផ្ញើជូនទៅកាន់រដ្ឋបាលខេត្តកណ្តាល។ យ៉ាងណាមិញ លិខិតមិនបានបញ្ជាក់ថា នឹងលុបគម្រោងណាខ្លះ ឬគម្រោងចំនួនប៉ុន្មានទេ។ ប៉ុន្តែបានបញ្ជាក់មូលហេតុថា ការសម្រេចលុបនេះ ធ្វើឡើងក្រោយពីក្រសួងទទួលបានសំណើជាញឹកញាប់ពីប្រជាពលរដ្ឋ ថាគម្រោងហេដ្ឋារចនាសម្ព័ន្ធទាំងនេះ ប៉ះពាល់ដល់កម្មសិទ្ធិ និងលំនៅឋានឯកជនច្រើន ហើយរដ្ឋគួរតែកែសម្រួល។ ក្រោយទទួលបានសំណើ ក្រសួងក៏បានពិនិត្យឃើញថា គម្រោងមានលក្ខណៈមិនសមស្របទៅនឹងភូមិសាស្ត្រជាក់ស្តែងពិតមែន ទើបសម្រេចឱ្យលុបចោល ហើយស្នើឱ្យរដ្ឋបាលខេត្តរៀបចំជាថ្មី ដោយធ្វើតាមតែលំនាំហេដ្ឋារចនាសម្ព័ន្ធចាស់វិញ។ ទាក់ទិននឹងបញ្ហានេះ លោកបណ្ឌិត ហុង វណ្ណៈ អ្នកជំនាញសេដ្ឋកិច្ច នៃវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជា បានប្រាប់កាសែត Cambonomist កាលពីថ្ងៃទី២១ ខែកក្កដា ថា៖ «ប្រាកដណាស់ ការលុបគម្រោងអភិវឌ្ឍហេដ្ឋារចនាសម្ព័ន្ធ នឹងធ្វើឱ្យប៉ះពាល់ដល់ក្រុមហ៊ុនរកស៊ីក្នុងវិស័យអចលនទ្រព្យមួយចំនួនជាក់ជាមិនខាន»។ «ក្រោយគម្រោងខាងលើត្រូវបានបែកធ្លាយ នឹងមានក្រុមហ៊ុនរកស៊ីក្នុងវិស័យអចលនទ្រព្យមួយចំនួន នាំគ្នាទៅទិញអចលនទ្រព្យនៅតំបន់ទាំងនោះ ដើម្បីអភិវឌ្ឍ ឬទុកលក់ជាដើម ហើយនៅពេលរដ្ឋមិនធ្វើ ពួកគាត់អាចនឹងខាត់បង់»។ យ៉ាងណាក្ដី អ្នកជំនាញរូបនេះ មានសុទិដ្ឋិនិយមថា មុនសម្រេចធ្វើអ្វីមួយ […]
អានបន្ថែម
ប៉េង ហួត រើសក្រុមហ៊ុនល្បី Almond Hospitality មកផ្ដល់សេវាម្ហូបអាហារនៅសាលពិព័រណ៍ច្បារអំពៅ
ក្រុមហ៊ុនអភិវឌ្ឍអចលនទ្រព្យលេចធ្លាមួយនៅកម្ពុជា ប៉េង ហួត គ្រុប បានសម្រេចជ្រើសរើសក្រុមហ៊ុនល្បីក្នុងស្រុក Almond Hospitality Group ឱ្យមកផ្ដល់សេវាផ្គង់ផ្គត់ម្ហូបអាហារប្រចាំសាលពិព័រណ៌របស់ខ្លួននៅខណ្ឌច្បារអំពៅ។ លោកឧកញ៉ា ថៃ ជាហួត ប្រធានក្រុមហ៊ុន ប៉េង ហួត គ្រុប និងលោក លូ ម៉េង ប្រធានក្រុមហ៊ុន Almond Hospitality Group បានចុះកិច្ចព្រមព្រៀងកាលពីដើមសប្តាហ៍នេះ។ នេះបើយោងតាមសារព័ត៌មាន Khmer Times ចេញផ្សាយកាលពីថ្ងៃទី៥ ខែសីហា កន្លងទៅ។ កិច្ចព្រមព្រៀងផ្នែកផ្គត់ផ្គង់សេវាម្ហូបអាហារនេះ ធ្វើឡើងនៅគ្រាដែលគម្រោងពិព័រណ៌របស់ក្រុមហ៊ុន ប៉េង ហួត គ្រុប គ្រោងដាក់ឱ្យដំណើរការ នៅឆ្នាំ២០២២ ខាងមុននេះ។ សាលពិព័រណ៌នេះ ជាផ្នែកមួយនៃគម្រោង Gold Star Platinum របស់ក្រុមហ៊ុនប៉េង ហួត គ្រុប ដែលកំពុងកសាងឡើងលើផ្ទៃដីជាង ៤០០ហិកតា នៅលើផ្លូវជាតិលេខ១ ស្ថិតនៅខណ្ឌច្បារអំពៅ។ ក្រោយបញ្ចប់ការសាងសង់ សាលពិព័រណ៌នឹងអាចទទួលចំនួនមនុស្សរហូតដល់ទៅ ៣០០០ នាក់ សម្រាប់កម្មវិធីមង្គលការ […]
អានបន្ថែម
សាលាក្រុង ចុះហត្ថលេខាជាមួយជប៉ុន គ្រោងបង្កើតចំណតឡានក្រុង វៃឆ្លាត នៅភ្នំពេញ
សាលារាជធានីភ្នំពេញ កាលពីថ្ងៃទី ០៥ ខែសីហា កន្លងមក បានចុះហត្ថលេខាជាមួយជប៉ុន សម្រេចរួមគ្នាចាប់ផ្តើមសិក្សាលើគម្រោងបង្កើតចំណតរថយន្តក្រុងឆ្លាតវៃក្នុងរាជធានីភ្នំពេញ។ ការចុះហត្ថលេខនេះ ធ្វើឡើង រវាងតំណាងក្រសួងដែនដី រចនាសម្ព័ន្ធដឹកជញ្ជូន និងទេសចរណ៍របស់ប្រទេសជប៉ុន (MLIT) តំណាងស្ថានទូតជប៉ុន ព្រមទាំងតំណាងមន្ទីរសាធារណការ និងជញ្ជូនរាជធានីភ្នំពេញ រដ្ឋាករដឹកជញ្ជូនសាធារណៈរថយន្តក្រុង និងភាគីពាក់ព័ន្ធដទៃទៀត។ យ៉ាងណាក្ដីកិច្ចប្រជុំមិនទាន់បានបង្ហើបនូវព័ត៌មានលម្អិតនៃគម្រោងថានឹងបញ្ចប់ការសិក្សាពេលណា ចំណាយថវិកាប៉ុន្មាន និងចាប់ផ្ដើមអនុវត្តពេលណានោះទេ។ ស្រដៀងគ្នានេះដែរ ក្រុមហ៊ុនចិន China Good Cars Holding Ltd កាលពីឆ្នាំ ២០២០ ធ្លាប់បានបង្ហាញផែនការចង់បង្កើតចំណតរថយន្តចំនួន៣ តម្លៃជាង ១៦០ លានដុល្លារអាមេវិក នៅជាយក្រុងភ្នំពេញ។ ប៉ុន្តែមកទល់បច្ចុប្បន្ន ទាំងសាលាក្រុង និងក្រុមហ៊ុនចិន មិនបានបង្ហាញពីវឌ្ឍនភាពនៃគម្រោងនោះទេ។ (អានបន្ថែម)
អានបន្ថែម
រដ្ឋបាលខេត្តពោធិ៍សាត់សង់ផ្ទះជូនជនពិការនិងអតីតយុទ្ធជនជាង ៦០០គ្រួសារ
រដ្ឋលើកកម្ពស់ហេដ្ឋារចនាសម្ព័ន្ធទ្រង់ទ្រាយធំនៅដីដំណាក់ត្រយឹង ត្រៀមសម្រាប់ ៦០០គ្រួសារ គោលដៅរដ្ឋបាលខេត្តពោធិ៍សាត់ កំពុងពន្លឿនការងារសាងសង់ផ្ទះសម្បែង និងរៀបចំហេដ្ឋារចនាសម្ព័ន្ធជូនអតីតយុទ្ធជន និងជនពិការប្រមាណ៦២៨គ្រួសារ នៅក្នុងភូមិ «ប៊ុនរ៉ានីសែនជ័យដំណាក់ត្រយឹង» ស្រុកភ្នំក្រវាញ ខេត្តពោធិ៍សាត់។ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បានឱ្យដឹងថា គិតមកទល់ពេលនេះ ក្រុមការងារសាងសង់ផ្ទះបានប្រមាណ ២០៥ខ្នងហើយ ខណៈកំពុងពន្លឿនការសាងសង់ជំហានទី២។ ក្រៅពីការងារសាងសង់ផ្ទះសម្បែង អាជ្ញាធរខេត្តក៏កំពុងរៀបចំហេដ្ឋារចនាសម្ព័ន្ធ តបណ្តាញអគ្គិសនី សាងសង់មណ្ឌលសុខភាព សាលារៀន ស្នាក់ការភូមិ ឈូសឆាយផ្លូវ និងសំណង់ចាំបាច់នានាផងដែរ។ តាមផែនការ ដី និងផ្ទះនឹងត្រូវប្រគល់ឱ្យ ៦២៨គ្រួសារ ដោយក្នុងមួយគ្រួសារទទួលបានដី (លំនៅឋាន និងដីកសិកម្ម) ទំហំ ៧០ម៉ែត្រ x១៥០ម៉ែត្រ។
អានបន្ថែម
តើត្រូវធ្វើយ៉ាងណាដើម្បីជៀសវាងកុំឱ្យទិញប៉ះចំដីអប្សរា?
មានបុគ្គលច្រើនណាស់ បានចាញ់បោកទិញដីពួកឈ្មួញដែលបានឆ្លៀតឱកាសលក់ដីអប្សរា ដោយសារតម្លៃដីនោះថោក ឬងាយស្រួលក្នុងការកាត់ប្លង់ផ្ទេរកម្មសិទ្ធិ។ មកស្វែងយល់ទាំងអស់គ្នាថា តើត្រូវធ្វើយ៉ាងណាខ្លះ ដើម្បីជៀសវាងកុំឱ្យទិញប៉ះចំដីអប្សរា? ដីអប្សរា គឺដីរដ្ឋដែលស្ថិតក្នុងតំបន់ការពារនានា ក្រោមការគ្រប់គ្រងរបស់អាជ្ញាធរអប្សរា ដូចជាតំបន់រមណីយដ្ឋានអង្គរ ឬតំបន់បុរាណដ្ឋាននានា។ ដូច្នេះដីនេះ ត្រូវបានហាមឃាត់ដាច់ខាតមិនឱ្យទិញលក់ ឬសាងសង់សំណង់អ្វីទាំងអស់ លើកលែងករណីមួយចំនួន។ បើយោងតាមមន្ត្រីសុរិយោដីខេត្តសៀមរាបដែលសូមមិនបញ្ចេញឈ្មោះ ដើម្បីការពារកុំឱ្យលង់ខ្លួនទិញដីខុស មុននឹងទិញ អ្នកត្រូវចេះពិនិត្យលើស្ថានភាពមូលដ្ឋាន ៣ ចំណុចសំខាន់ៗ ដូចជា៖ ១. ប្លង់កម្មសិទ្ធ តាមធម្មតា ដីអប្សរាមិនមានប្លង់រឹងដូចដីធម្មតាទេ ព្រោះរដ្ឋហាមឃាត់មិនឱ្យមានការចុះបញ្ជីដីដោយរដ្ឋបាលសុរិយោដីឡើយ។ ប៉ុន្តែពេលខ្លះបើមានប្លង់ ប្លង់នោះគឺជាប្លង់ទន់ ដែលម្ចាស់ដីគ្រាន់តែជាអ្នកកាន់កាប់ស្របច្បាប់ប៉ុណ្ណោះ។ ដូច្នេះគាត់មិនទាន់មានសិទ្ធិពេញលេញនៅឡើយនោះទេ ដោយមានសិទ្ធិត្រឹមរស់នៅនិងប្រើប្រាស់។ ចំណុចនេះ ទាមទារឱ្យអ្នកទិញមានការប្រុងប្រយ័ត្នខ្ពស់ កុំឃើញថាមានប្លង់ទន់ ហើយហ៊ានទិញ ព្រោះក្រោយទិញអ្នកក៏នឹងមិនមានសិទ្ធិពេញលេញលើដីនោះដែរ ហើយថែមទាំងមានហានិភ័យខ្ពស់ពីការដកហូតពីអាជ្ញាធរអប្សរាទៀតផង។ ២. ស្ថានភាពដី ក្រៅពីអាន និងពិនិត្យប្លង់កម្មសិទ្ធិ ចំណុចមួយទៀតដែលអ្នកសង្កេតបានគឺស្ថានភាពដីនោះ។ ជាទូទៅ នៅជុំវិញដីអប្សរា តែងមានប្រាសាទ ត្រពាំងបុរាណ តួប្រាសាទ ឬ គោកបុរាណជាដើម។ មួយវិញទៀត នៅក្នុងតំបន់អប្សរា នៅលើដីតែងមានលំនៅឋានលក្ខណៈតូចៗ ប៉ុណ្ណោះ […]
អានបន្ថែម
ហាងល្បីឈ្មោះរបស់អាមេរិក Pizza Hut នឹងបើកសាខាដំបូងនៅកម្ពុជាក្នុងខែសីហានេះ
ហាងភីហ្សា Pizza Hut របស់អាមេរិក សម្រេចឈានចូលក្នុងទីផ្សារប្រទេសកម្ពុជាលើកដំបូង ដោយគ្រោងនឹងបើកសាខាទី១ នៅជិតផ្សារទួលទំពួង ក្នុងខែសីហា នេះ ។ យោងតាមសេក្តីប្រកាសព័ត៌មានក្រុមហ៊ុន Pizza Hut International ការនាំចូលហាងភីហ្សានេះ គឺជាការសហការរវាង Pizza Hut International និងក្រុមហ៊ុនក្នុងស្រុក United Food Group ដែលម្ចាស់ហាងល្បីនៅកម្ពុជា Park Café ។ ហាងភីហ្សា Pizza Hut ដំបូងនេះ គ្រោងបើកនៅពាក់កណ្តាលខែសីហានេះ នៅជិតផ្សារទួលទំពូង ខណៈសាខាចំនួនពីរផ្សេងទៀត គ្រោងបើកនៅខែបន្តបន្ទាប់។ លើសពីនេះ ក្រុមហ៊ុនក៏គ្រោងពង្រីកសាខាឡើងដល់ ៣០សាខា ឯណោះ។ វត្តមាននៃហាងម៉ាកល្បីរបស់អាមេរិកនាពេលនេះគឺស្របពេលដែលនិន្នាការនៃទីផ្សារលក់រាយកំពុងកើនឡើង សឱ្យឃើញតាមរយៈការចូលមកនៃប្រេនធំៗ ជាបន្តបន្ទាប់ដូចជា 7 Eleven ហាងសំលៀកបំពាក់ H&M និងក៏ដូចជាគម្រោងពង្រីក និងបង្កើតផ្សារទំនិញធំៗ ជាច្រើនទៀត។
អានបន្ថែម
ការស៊ើបរឿងប្រាសាទស្រដៀងអង្គរវត្តនៅតែបន្ត រដ្ឋមន្រ្តីស្នើផ្ទាល់ទៅរាជទូតថៃសុំមើលឯកសារបន្ថែម
រដ្ឋមន្រ្តីក្រសួងវប្បធម៌ និងវិចិត្រសិល្បៈ បានឱ្យដឹងថា កម្ពុជានៅតែបន្តស៊ើបរឿងប្រាសាទស្រដៀងអង្គរវត្ត ដោយទើបតែស្នើផ្ទាល់ទៅអគ្គរាជទូតថៃនៅកម្ពុជា ឱ្យជួយផ្តល់ព័ត៌មានជាក់លាក់ និងឯកសារប្លង់ផ្លូវការបន្ថែម។ ការស្នើនេះ ធ្វើឡើងក្នុងជំនួបរដ្ឋមន្រ្តីក្រសួងវប្បធម៌ និងវិចិត្រសិល្បៈ លោកជំទាវ ភឿង សកុណា និងឯកឧត្តម Panyarak Poolthup ឯកអគ្គរាជទូតនៃព្រះរាជាណាចក្រថៃប្រចាំកម្ពុជា កាលថ្ងៃទី៤ ខែសីហា កន្លងទៅ។ លោកជំទាវ ភឿង សកុណា បានលើកឡើងថា៖ «ភាគីកម្ពុជាចង់ស្នើដល់ភាគីថៃ ឱ្យជួយសហការក្នុងការផ្តល់ព័ត៌មានជាក់លាក់ និងឯកសារផ្លូវការ ដើម្បីឱ្យភាគីកម្ពុជាមានមូលដ្ឋានក្នុងការពិនិត្យ សម្រេចនូវវិធានការនានាដើម្បីបន្តសំដៅបញ្ចៀសនូវផលអវិជ្ជមានណាមួយដែលអាចកើតឡើងនិងប៉ះពាល់ដល់ទំនាក់ទំនងនៃប្រទេសទាំង២ »។ ជាការឆ្លើយតប ឯកឧត្តម Panyarak Poolthup សន្យាថានឹងធ្វើតាមសំណើរបស់ភាគីកម្ពុជាក្នុងស្មារតីសហការដ៏ជ្រាលជ្រៅ ប៉ុន្តែមិនបានបញ្ជាក់ថានឹងបញ្ជូនឯកសារមកនៅពេលណានោះទេ។ គួររំឭកថា រឿងនេះបានផ្ទុះក្នុងបណ្ដាញសង្គមតាំងពីចុងខែមិថុនា មកម្ល៉េះ ដោយភាគីថៃធ្លាប់អះអាងថា ការកសាងប្រាសាទនៅខេត្តបុរីរាំ មិនបានលួចចម្លងប្លង់តាមប្រាសាទអង្គរវត្តឡើយ តែជាគំរូប្លង់គូរដោយខ្លួនឯង និងរចនាទៅតាមស្ថាបត្យកម្មប្រាសាទមួយចំនួនដែលមានក្នុងតំបន់នោះ។ នេះបើយោងតាមព័ត៌មានបឋមដែលមន្រ្តីស្ថានទូតកម្ពុជាប្រចាំនៅទីក្រុងបាងកក ទទួលបានក្នុងកិច្ចចុះស្រាវជ្រាវប្រមូលព័ត៌មានពាក់ព័ន្ធ។ (អានបន្ថែម)
អានបន្ថែម
ត្រីមាសទី២ ពាក្យស្នើសុំកម្ចីទិញអចលនទ្រព្យធ្លាក់ចុះ ៣២% ខណៈទឹកប្រាក់កម្ចីធ្លាក់ ១៧%
ចំនួនការដាក់ពាក្យស្នើសុំកម្ចីអចលនទ្រព្យនៅកម្ពុជា ក្នុងត្រីមាសទី២ ឆ្នាំ២០២១ បានធ្លាក់ចុះ ៣២% ខណៈទំហំទឹកលុយកម្ចីក៏បានធ្លាក់ចុះ ១៧% ផងដែរ បើធៀបនឹងត្រីមាសទី១ ក្នុងឆ្នាំដដែលនេះ។ នេះបើយោងតាមរបាយការណ៍ក្រុមហ៊ុនក្រេឌីត ប្យួរ៉ូ (ខេមបូឌា) ខូ អិលធីឌី (ស៊ីប៊ីស៊ី) កាលពីថ្មីៗនេះ។ របាយការណ៍ដដែលបន្តថា គិតត្រឹមខែមិថុនា ឆ្នាំ២០២១ ចំនួនពាក្យស្នើសុំកម្ចីអចលនទ្រព្យមានសរុប ១៤៦.៣៨០សំណើ ឬស្មើនឹងប្រមាណ ១១,២៦% នៃពាក្យស្នើសុំឥណទានសរុប ១,៣លានគណនី។ ដូចគ្នានេះ គិតត្រឹមត្រីមាសទី២នេះ ទំហំកម្ចីទិញអចលនទ្រព្យ មានទឹកប្រាក់សរុបប្រមាណ ៥,៦ ពាន់លានដុល្លារ ឬស្មើនឹង ៥២,៤៧% ទំហំទឹកប្រាក់កម្ចីសរុប ១០,៧៥ ប៊ីលានដុល្លារ។ ក្រៅពីបូកសរុបកម្ចីទិញអចលនទ្រព្យ របាយការណ៍បានបង្ហាញថា ចំនួនគណនីកម្ចីសរុបរបស់អតិថិជនសរុបលើគ្រប់វិស័យ ក៏ធ្លាក់ចុះ ៣៤% ដែរ។ គួរបញ្ជាក់ថា វិស័យសំណង់ និងអចលនទ្រព្យនៅកម្ពុជានៅតែបន្តរងសម្ពាធពីវិបត្តិកូវីដ។ នៅក្នុងឆមាសទី១ ឆ្នាំ២០២១ នេះ ចំនួនគម្រោងសំណង់ តម្លៃទុនវិនិយោគ និងផ្ទៃក្រឡា បានធ្លាក់ចុះ ១១,៤%-៣៤,៣% និង […]
អានបន្ថែម
រដ្ឋាភិបាលកំពុងសាងសង់មណ្ឌលបដិសណ្ឋារកិច្ចដ៏ធំមួយ នៅប្រាសាទព្រះវិហារ
អាជ្ញាធរជាតិព្រះវិហារ បានបើកការដ្ឋានសាងសង់មជ្ឈមណ្ឌលបដិសណ្ឋារកិច្ចខ្នាតធំថ្មីមួយកន្លែង នៅឯតំបន់ប្រាសាទព្រះវិហារ សម្រាប់ត្រៀមទទួលភ្ញៀវទេសចរជាតិ និងអន្តរជាតិ ក្រោយវិបត្តិកូវីដធូរស្បើយ។ បើតាមក្រសួងវប្បធម៌ និងវិចិត្រសិល្បៈ កាលពីថ្ងៃទី ៣ ខែសីហា មជ្ឈមណ្ឌលបដិសណ្ឋារកិច្ចនេះ មានទីតាំងស្ថិតនៅទល់មុខសារមន្ទីរធម្មជាតិសកលសម្ដេចតេជោ ហ៊ុន សែន ព្រះវិហារ ក្នុងភូមិស្រអែម ឃុំស្រអែម ស្រុកជាំក្សាន្ត។ គម្រោងសាងសង់នេះត្រូវសាងសង់ឡើងដោយក្រុមហ៊ុន ខេភី ខនស្ត្រាក់សិន និងដេគ័រ ដោយគ្រោងនឹងបញ្ចប់នៅពាក់កណ្តាលឆ្នាំ២០២២ ខាងមុខនេះ។ មណ្ឌលបដិសណ្ឋារកិច្ចនេះ រួមមាន អគារផ្តល់សំបុត្រ អគារព័ត៌មានទេសចរណ៍ អគាររង់ចាំ ចំណតសាធារណៈ ចំណតសហគមន៍ និងបន្ទប់ទឹក។ ក្រោយសាងសង់រួច មណ្ឌលបដិសណ្ឋារកិច្ចត្រូវបានរំពឹងទុកថា នឹងក្លាយជាគោលដៅទេសចរណ៍មួយសម្រាប់ភ្ញៀវទេសចរមកទស្សនាប្រាសាទព្រះវិហារ ហើយក៏អាចផ្សារភ្ជាប់ទៅនឹងគោលដៅទេសចរណ៍ផ្សេងៗទៀតក្នុងតំបន់ផងដែរ។
អានបន្ថែម
រោងចក្រអគ្គិសនីធ្យូងថ្ម តម្លៃជិត ៣០០ដុល្លារ នៅឧត្តរមានជ័យ នឹងបញ្ចប់យឺតជាងផែនការ
រោងចក្រអគ្គិសនីដុតធ្យូងថ្មអានុភាព ២៦៥មេហ្គាវ៉ាត នៅខេត្តឧត្តរមានជ័យ នឹងបញ្ចប់ការសាង់សង់យឺតជាផែនការ ដោយសារវិបត្តិកូវីដ១៩ ។ នេះបើយោងតាមមន្រ្តីជាន់ខ្ពស់របស់ក្រសួងរ៉ែ និងថាមពល។ ឯកឧត្តម វិកទ័រ ហ្សូណា អគ្គនាយកថាមពល បានឱ្យដឹងថា ការយឺតយ៉ាវនេះគឺដោយសារតែ ការរាំងស្ទះនៃការនាំចូលសម្ភារៈមួយចំនួនពីក្រៅប្រទេស និងការពន្យារពេលពិនិត្យដោយក្រុមជំនាញបរទេស ដោយសារការបិទច្រកចេញចូល។ ឯកឧត្តម វិកទ័រ ហ្សូណា ថ្លែងថា៖ «តាមផែនការ ត្រូវបញ្ចប់ចុងឆ្នាំ២០២២ ប៉ុន្តែមានការយឺតយ៉ាវ ដោយសារកូវីដ បញ្ហាក្រុមជំនាញប្រឹក្សាមកត្រូវចត្តាឡីស័ក១៤ថ្ងៃ ទាំងកម្មករជាដើម»។ យ៉ាងណាមិញ ឯកឧត្តមមិនអាចបញ្ជាក់បានថា ពេលនេះគម្រោងបញ្ចប់បានប៉ុន្មានភាគរយ ហើយការដ្ឋានឹងត្រូវពន្យារដល់ពេលណានោះទេ ប៉ុន្តែឯកឧត្តមអាចបញ្ជាក់បានត្រឹមថាការយឺតយ៉ាវនេះមិនមែនជាបញ្ហាទេ ដោយសារតម្រូវការអគ្គិសនីនៅកម្ពុជានាពេលបច្ចុប្បន្នក៏កំពុងធ្លាក់ចុះដែរ។ គម្រោងនេះ វិនិយោគដោយក្រុមហ៊ុន Han Seng Coal Mine Co Ltd ជាមួយនឹងទឹកប្រាក់វិនិយោគ ២៩៤លានដុល្លារ ដែលស្ថិតនៅស្រុកត្រពាំងប្រាសាទ នៃខេត្តឧត្តរមានជ័យ។ ពេលដាក់ឱ្យដំណើរការ ការបញ្ចេញថាមពលនឹងត្រូវភ្ជាប់ចូលអនុស្ថានីយនៅខេត្តសៀមរាប។ គិតត្រឹមចុងឆ្នាំ ២០២០ គម្រោងសម្រេចបានយ៉ាងហោចប្រមាណ ៦០%។ (អានបន្ថែម)
អានបន្ថែម