CDC អនុម័តគម្រោងវិនិយោគធំៗ ៣ តម្លៃប្រមាណ ១៦៦លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងរបស់ក្រុមហ៊ុនចំនួន ៣ ដែលមានតម្លៃទុនវិនិយោគ សរុបប្រមាណ ១៦៦លានដុល្លារ រួមមានគម្រោងអាជីវកម្មសណ្ឋាគារផ្កាយ៥ នៅព្រះខេត្តសីហនុ រោងចក្រផលិតបន្ទះសូឡា ខេត្តកំពង់ស្ពឺ និងស្ថានីយផលិតអគ្គិសនី ដើរដោយថាមពលព្រះអាទិត្យ ខេត្តបាត់ដំបង។ យោងតាមគេហទំព័រហ្វេសប៊ុកផ្លូវការរបស់ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី ២២ ឧសភា ២០២០ គម្រោងទាំងបីនោះ មានដូចជា៖ គម្រោងទី១ គឺគម្រោងសាងសង់ និងអាជីវកម្មសណ្ឋាគារផ្កាយ៥ ដោយក្រុមហ៊ុន YONG WANG (CAMBODIA) CO., LTD ក្រោមទុនវិនិយោគប្រមាណ១០៧, ៩លានដុល្លារអាមេរិក និងអាចបង្កើតការងារបានចំនួន ៨៥៨ កន្លែង។ សណ្ឋាគារនេះ មានចំនួន ៧០០ បន្ទប់ មានទីតាំងវិនិយោគស្ថិតនៅភូមិ ៤ សង្កាត់លេខ ៤ ក្រុងព្រះសីហនុ ខេត្តព្រះសីហនុ។ គម្រោងទី២ គឺគម្រោងបង្កើតរោងចក្រផលិត និងផ្គុំដំឡើងបន្ទះសូឡា ដោយក្រុមហ៊ុន PROSPECT ENERGY (CAMBODIA) CO., LTD […]
អានបន្ថែម
ប៉ៃលិនធ្វើផ្លូវក្រវ៉ាត់ព្រំដែនមួយខ្សែ ភ្ជាប់ខេត្តប៉ៃលិន និងខេត្តចាន់បុរី
អាជ្ញាធរខេត្តប៉ៃលិន បានបើកការដ្ឋានស្ថាបនាផ្លូវក្រវ៉ាត់ព្រំដែនកម្ពុជា-ថៃ មួយខ្សែប្រវែងជាង ៥ គីឡូម៉ែត្រ រវាងខេត្តប៉ៃលិន និងខេត្តចាន់បុរី ដើម្បីសម្រួលដល់ការធ្វើចរាចរណ៍ផង និងជាយុទ្ធសាស្ត្រការពារបូរណភាពទឹកដីផង។ ពិធីបើកការដ្ឋាននេះធ្វើឡើង កាលពីថ្ងៃទី២២ ខែឧសភា ឆ្នាំ២០២០ ដែលមានវត្តមានពីសំណាក់ ឯកឧត្តម ផាន់ ចាន់ធុល អភិបាលខេត្តប៉ៃលិន រួមដំណើរជាមួយនឹងមន្ត្រីរាជការ អាជ្ញាធរមូលដ្ឋាន ព្រមទាំងក្រុមការងារ។ នេះបើយោងតាមគេហទំព័រផ្លូវការរបស់រដ្ឋបាលខេត្តប៉ៃលិន។ ផ្លូវក្រវ៉ាត់ព្រំដែនមួយខ្សែរនេះ មានប្រវែង ៥, ២ គីឡូម៉ែត្រ ទទឹង ២៥ ម៉ែត្រក្រាលដោយបូតុងអាមេ ប្រវែង ១, ៥ គីឡូម៉ែត្រ និងក្រាលកៅស៊ូប្រភេទ DBST ប្រវែង ៣,៧ គីឡូម៉ែត្រ ព្រមទាំងកាយប្រឡាយដាក់លូមុខកាត់អ៊ុយសងខាងផ្លូវ ប្រវែង ១០, ៤ គីឡូម៉ែត្រ ដោយប្រើប្រាស់កញ្ចប់ថវិកាអភិវឌ្ឍន៍របស់ខេត្ត។ ការដ្ឋានស្ថាបនាផ្លូវក្រវ៉ាត់ព្រំដែននេះ ឆ្លងកាត់ភូមិចំនួន ២ នៅជាប់ព្រំដែនកម្ពុជា-ថៃ (ខេត្តប៉ៃលិន និងខេត្តចាន់បុរី) គឺភូមិផ្សារព្រំ និងភូមិអូរឈើក្រំ ស្ថិតក្នុងឃុំស្ទឹងកាច់ ស្រុកសាលាក្រៅ […]
អានបន្ថែម
ចប់កូវីដ១៩ វិនិយោគិនបរទេសត្រឡប់មកវិញ តែមកទាំងស្តើងហោប៉ៅ
យើងដឹងត្រឹមតែថា មេរោគកូវីដ១៩ បង្កផលប៉ះពាល់ខ្លាំង ដល់សុវត្ថិភាព និងដល់សេដ្ឋកិច្ចពិភពលោក។តែការយល់ដឹងឱ្យបានច្បាស់ និងស៊ីជម្រៅថា វាប៉ះពាល់ប៉ុណ្ណា និងប៉ះពាល់របៀបម៉េចខ្លះនោះ គឺជារឿងពិបាកស្មាន។ អ្វីដែលយើងគ្រប់គ្នាតែងបានដឹងបានឮមួយរយៈនេះ គឺថា ក្រោយមេរោគនេះ វាយលុកខ្លាំង ប្រទេសនៅជុំវិញពិភពលោក បានបិទព្រំដែន ដាក់ការត្រួតពិនិត្យយ៉ាងតឹងរឹង លើអាជីវកម្ម និងបានអនុវត្តគោលនយោបាយ ដាក់ឱ្យនៅដាច់ដោយឡែក និងការរក្សាគម្លាតកាយជាដើម។ ក៏ប៉ុន្តែ ថាតើវា ជះឥទ្ធិពលអ្វីខ្លះដល់សេដ្ឋកិច្ចរបស់ប្រទេស គឺជាអ្វីដែលយើងចង់ដឹងឱ្យបានច្បាស់ទាំងអស់គ្នា? ផលប៉ះពាល់កូវីដ១៩លើសេដ្ឋកិច្ចកម្ពុជា អ្វីដែលច្បាស់ជាងគេ គឺថាឆ្នាំនេះនឹងនាំមកនូវភាពអត់ការងារធ្វើកើនឡើងយ៉ាងច្រើន។ មូលហេតុនៃបញ្ហានេះ គឺទាំងកត្តាក្នុងស្រុកដែលស្ថាប័នមួយចំនួន ជាពិសេសស្ថាប័នអប់រំ ទាំងឯកជន និងរដ្ឋភាគច្រើនត្រូវបានផ្អាក។ បូករួមទាំងចំនួនពលករចំណាកស្រុកប្រមាណ ៥០.០០០នាក់ ដែលអនាគតការងារបស់ពួកគេនៅមិនទាន់ច្បាស់លាស់នៅឡើយ ព្រោះរដ្ឋាភិបាលថៃ ទើបនឹងពន្យារការដាក់ប្រទេសរបស់ខ្លួនក្នុងស្ថានភាពអាសន្នបន្តទៀត។ អាជីវកម្មត្រូវសម្របខ្លួនទៅនឹងលក្ខខណ្ឌទីផ្សារថ្មី និងផលប៉ះពាល់ដែលវាមានលើចរន្តប្រាក់ចំណូលក្នុងស្រុក។ ដែលច្បាស់ជាងគេ គឺការកាត់បន្ថយប្រាក់ខែ និងការកាត់បន្ថយចំនួនកម្លាំងពលកម្មនៅតាមឧស្សាហកម្មជាច្រើន។ ទេសចរណ៍ ទេសចរណ៍ គឺជាឧស្សាហកម្មមួយ ដែលសេដ្ឋកិច្ចកម្ពុជាពឹងផ្អែកលើ ហើយក៏ជាវិស័យមួយក្នុងចំណោមឧស្សាហកម្មដែលរងគ្រោះខ្លាំងជាងគេផងដែរ។ តួលេខផ្លូវការ នៅឆ្នាំ ២០១៩ វិស័យទេសចរណ៍ ចូលរួមប្រមាណ ១២% នៃផ.ផ.ស របស់កម្ពុជា។ […]
អានបន្ថែម
ស្វែងយល់ពីម៉ាស៊ីនបេតុងលាយស្រេច
បេតុង ដែលលាយរួចជាស្រេច (ដែលគេហៅថាជាទូទៅថា RMC ) សំដៅទៅលើ បេតុងដែលត្រូវបានគេរៀបចំយ៉ាងពិសេសសម្រាប់អតិថិជន (អ្នកម៉ៅការពិសេស) និងផ្គត់ផ្គង់ដល់ពួកគេ ជាផលិតផលសម្រេចស្រេចតែម្តង។ បេតុងត្រូវបានគេលាយឱ្យហើយ តាមរយៈម៉ាស៊ីនលាយស៊ីម៉ង់ត៍។ ម៉ាស៊ីនបេតុងលាយស្រេច អាចលាយបេតុងបញ្ចូលគ្នាបានយ៉ាងល្អ ដោយសារការរចនាប្រព័ន្ធរំលាយ ដែលរៀបចំដោយទីប្រឹក្សា/ វិស្វករមានជំនាញត្រឹមត្រូវ។ មិនតែប៉ុណ្ណោះ មា៉ស៊ីននេះ ក៏មានបំពាក់រង្វាស់ដំណើរការ (Traceability) ដើម្បីពិនិត្យរកមើលបាន ក្នុងករណីមានបញ្ហាដែលកើតឡើងដោយសារតែស៊ីម៉ង់ត៍មិនល្អ ឬភាពមិនឆបគ្នានៃសមាសធាតុបេតុង។ ប្រសិនបើគេចេះរក្សាបានត្រឹមត្រូវ អាយុកាលនៃម៉ាស៊ីនលាយបេតុងដែលល្អ ជាធម្មតានឹងមានរយៈប្រើប្រាស់យូរ ច្រើនជាងតម្លៃចំណាយទិញម៉ាស៊ីននេះ។ គុណសម្បត្តិនៃម៉ាស៊ីនបេតុងលាយស្រេច (RMC)៖ ១. មានការកំណត់ជាក់លាក់នូវបរិមាណវត្ថុធាតុដើម ដែលត្រូវបានផ្សំ និងលាយបញ្ចូលគ្នានៅតាមចំនួនដាក់លាយនីមួយៗ ។ ២. សមត្ថភាពបន្ថែមល្បាយបន្ថែម (admixtures) បាន នៅពេលណាដែលយើងចង់កែលម្អគុណភាពបេតុង ដោយបន្ថែមល្បាយបន្ថែម ( admixtures ) ទៀតនោះ។ ឧទាហរណ៏នៃល្បាយបន្ថែម ដែលត្រូវចាក់បញ្ចូលបន្ថែម គឺដើម្បី៖ – កាត់បន្ថយតម្រូវការទឹក – ដាក់ខ្យល់ចូលក្នុងល្បាយ – បន្ថែមសារធាតុសរសៃដើម្បីបង្កើនកម្លាំង – […]
អានបន្ថែម
កូវីដ១៩-ផលប៉ះពាល់លើភតិសន្យា និង ការទូទាត់ថ្លៃជួលក្នុងប្រទេសកម្ពុជា
ជំងឺរាតត្បាតសាកលកូវីដ១៩ កំពុងបន្តរីករាលដាល ហើយអ្នកជួលផ្ទះនៅកម្ពុជា កំពុងពិនិត្យមើលដោយយកចិត្តទុកដាក់ថា តើស្ថានភាពនេះ អាចចាត់ទុកថាជា “ប្រធានសក្តិ” (force majeure) ដើម្បីអះអាងការបញ្ឈប់ឬកាត់បន្ថយការបង់ថ្លៃជួលរបស់ខ្លួន បានដែរឬទេ។ នៅថ្ងៃទី ១១ ខែ មីនា ឆ្នាំ ២០២០ អង្គការសុខភាពពិភពលោក (WHO) បានប្រកាសជាផ្លូវការពីការផ្ទុះឡើងនៃជំងឺឆ្លងវីរុស នេះឆ្នាំ ២០១៩ (“ COVID-១៩”) ថាជាជំងឺរាតត្បាតទូទាំងពិភពលោក។ ជាការឆ្លើយតប រាជរដ្ឋាភិបាលកម្ពុជា បានអនុវត្តវិធានការការពារ និងការរឹតត្បិតផ្សេងៗ ដើម្បីគ្រប់គ្រង និងទប់ស្កាត់ការរីករាលដាលនៃមេរោគនេះ។ វិធានការទាំងនេះ រួមមានការបិទសាលារៀន សាកលវិទ្យាល័យមជ្ឈមណ្ឌលបណ្តុះបណ្តាល សារមន្ទីរ រោងកុន សាលប្រគុំតន្រ្តី បារ កាស៊ីណូ ម៉ាស្សានិងស្ប៉ា កន្លែងហាត់ប្រាណ និងកន្លែងអភិវឌ្ឍកាយសម្បទាទាំងអស់។ វិធានការទាំងនេះ បណ្តាលឱ្យអាជីវកម្មទាំងនោះ ខាតបង់ប្រតិបត្តិកររបស់ពួកគេ ដោយស្វ័យប្រវត្តិ ដែលនាំឱ្យពួកគេមានការលំបាកយ៉ាងខ្លាំងក្នុងការបង់ប្រាក់ដល់និយោជិត អ្នកផ្គត់ផ្គង់ ម្ចាស់ដី ហ៊ីប៉ូតែក និងការទូទាត់ផ្សេងៗទៀត ក្នុងប្រតិបត្តិការអាជីវកម្មរបស់ខ្លួន។ ភតិកៈជាច្រើន បានសម្តែងការព្រួយបារម្ភរបស់ពួកគេ ទាក់ទងនឹងស្ថានភាពបច្ចុប្បន្ន […]
អានបន្ថែម
អាលុយមីនៀមឆៃណា រៀបចំសន្និសីទស្តីពីអនាគតនៃឧស្សាហកម្មអាលុយមីញ៉ូមកែច្នៃ
ព្រឹត្តិការណ៍ អាលុយមីនៀមឆៃណា ២០២០( ALUMINIUM CHINA 2020 ) កំពុងរៀបចំដំណើរការហើយ។ ក្រុមហ៊ុនផលិតអាលុយមីញ៉ូមឈានមុខគេជាច្រើន ពីទូទាំងពិភពលោក ដូចជា ណូវែលលីស ( Novelis ) នីកកៃគីន ( Nikkeikin ) ឆាលកូ ( CHALCO ) ណាន់ស្ហាន់ ( Nanshan ) អាល់ណាន់ ( ALNAN ) និងមីងតៃ (Mingtai) នឹងចូលរួមក្នុងព្រឹត្តិការណ៍នេះ ដើម្បីតាំងពិព័រណ៍ ជាមួយវត្ថុធាតុដើមទំនើបៗបំផុត និងបទពិសោធន៍របស់ពួកគេក្នុងវិស័យសម្ភារៈកែច្នៃ។ ទន្ទឹមនឹងនេះក្រុមហ៊ុនកែច្នៃអាលុយមីញ៉ូមឈានមុខ លីហ្សុង ស៊ីហ្គម៉ា និងអ្នកផ្គត់ផ្គង់បច្ចេកវិទ្ យារួមទាំងអូតូជូនឃឺរ ( Otto Junker ) ប៊ីបប៊ី បារត្ស៍ (Bobby Bartz) និងថូមរ៉ា (Tomra) ក៏ត្រូវបានអញ្ជើញឱ្យចែកចាយបច្ចេកវិទ្យាកែច្នៃអាលុយមីញ៉ូមទំនើបនៅពេលនោះផងដែរ។ ព្រឹត្តិការណ៍នេះ គ្រោងនឹងប្រារព្ធធ្វើឡើងនៅមជ្ឈមណ្ឌលពិព័រណ៍អន្ដរជាតិសៀងហៃ […]
អានបន្ថែម
ពោធិ៍សាត់គ្រោងផលិតថាមពល ១៤០ MW បន្ថែមពីវារីអគ្គិសនី និងថាមពលសូឡា
រដ្ឋបាលខេត្តពោធិ៍សាត់ កំពុងសិក្សាលើគម្រោងស្ថានីយផលិតថាមពលចំនួន ២ បន្ថែមទៀត រួមមានវារីអគ្គិសនីនៅស្ទឹងពោធិ៍សាត់ អានុភាព ៨០ មេហ្កាវ៉ាត់ និងស្ថានីយអគ្គិសនីដើរដោយថាមពលពន្លឺព្រះអាទិត្យ ៦០ មេហ្កាវ៉ាត់ នៅស្រុកក្រគរ ដែលអាចចែកចាយការផ្គត់ផ្គង់អគ្គិសនីទៅបណ្តាញទូទាំងប្រទេស។ នេះបើយោងតាមប្រសាសន៍ លោក ម៉ៅ ធនិន អភិបាលខេត្តពោធិ៍សាត់ ក្នុងសន្និសីទសារព័ត៌មាន ស្ដីពីវឌ្ឍនភាព និងទិសដៅការងារបន្ដរបស់រដ្ឋបាលខេត្តពោធិ៍សាត់កាលពីថ្ងៃទី ២០ ឧសភា ២០២០កន្លងទៅ។ លោកបានមានប្រសាសន៍ថា៖ «នៅខេត្តពោធិ៍សាត់របស់យើងកន្លងមកនេះ យើងមានការផលិតវារីអគ្គិសនីនៅអូរសោម គឺវារីអគ្គិសនីអាតៃ គឺ ១២០ មេហ្កាវ៉ាត់អានុភាពរបស់វា។ ប៉ុន្តែ ឥឡូវយើងមានគម្រោងស្ថាបនាមួយទៀត នៅស្ទឹងពោធិ៍សាត់ អានុភាព ៨០ មេហ្កាវ៉ាត់ និងមួយទៀតប្រើថាមពលពន្លឺព្រះអាទិត្យ គឺ៦០មេហ្កាវ៉ាត់ នៅស្រុកក្រគរ។» លោកបានបន្ថែមថា ចំពោះគម្រោងទាំងពីនេះ ក្រុមការងារកំពុងតែសិក្សា និងរៀបចំទៅលើការងារនេះ។ ក្រោយពីស្ថាបនាហើយ គម្រោងទាំងពីនេះ មិនត្រឹមតែអាចផ្គត់ផ្គង់អគ្គិសនីក្នុងខេត្តប៉ុណ្ណោះទេ តែថែមទាំងអាចចូលរួមផ្គត់ផ្គង់ដល់បណ្តាញជាតិសម្រាប់ចែកចាយ ដើម្បីប្រើប្រាស់ទូទាំងប្រទេសថែមទៀតផង ។ គួរបញ្ជាក់ផងដែរថា រោងចក្រវារីអគ្គិសនីដែលគ្រោងនឹងសាងសង់នៅក្នុងស្ទឹងពោធិ៍សាត់នេះ មានអានុភាព ៨០ […]
អានបន្ថែម
តុលាការយោធាវៀតណាម កាត់ទោសអតីតអនុរដ្ឋមន្ត្រីក្រសួងការពារជាតិ ឱ្យជាប់គុក ៤ ឆ្នាំ ជុំវិញរឿងអាស្រូវដីធ្លី
តុលាការយោធាវៀតណាម កាលពីថ្ងៃព្រហស្បតិ៍នេះ បានកាត់ទោសអតីតអនុរដ្ឋមន្រ្តីក្រសួងការពារជាតិម្នាក់ ឱ្យជាប់ពន្ធនាគាររយៈពេល ៤ ឆ្នាំ ពីបទអនុញ្ញាតឱ្យមានការផ្ទេរដីចំនួន ៣ កន្លែងនៅក្នុងទីក្រុងហូជីមិញ ពីកងទ័ពជើងទឹក ទៅឱ្យវិនិយោគិនឯកជន ដោយខុសច្បាប់។ យោងតាមការចុះផ្សាយរបស់បណ្តាញព័ត៌មានវៀតណាមអ៊ីចប្រែស៍( e.vnexpress.net) ចេញផ្សាយកាលពីថ្ងៃទី ២១ ខែ ឧសភា ឆ្នាំ ២០២០ នេះ។ ប្រព័ន្ធផ្សព្វផ្សាយរដ្ឋរបស់វៀតណាម បាននិយាយថា ឧត្តមនាវីកងទ័ពជើងទឹកឈ្មោះ ង្វៀន វ៉ាន់ ហៀន អាយុ ៦៥ ឆ្នាំ ត្រូវបានតុលាការរកឃើញថា មានកំហុសពីការខ្វះការទទួលខុសត្រូវ ដែលបានបណ្តាលឱ្យមានការផ្ទេរដីទំហំ ៧.៣០០ ម៉ែត្រក្រឡា ក្នុងរយៈពេល ៤៥-៤៩ ឆ្នាំ សម្រាប់ការសាងសង់អគារការិយាល័យ នៅក្នុងទីក្រុងហូជីមិញ។ “សកម្មភាពរបស់លោក ហៀន បែបនេះ មានន័យថា កងទ័ពជើងទឹកបានបាត់បង់ ការប្រើប្រាស់ដីឡូត៍អស់រយៈពេល ៤៩ ឆ្នាំ។ ការណ៍នេះ បណ្តាលឱ្យរដ្ឋការវៀតណាម ខាតបង់ទឹកប្រាក់ជិត ៩៤០ ពាន់លានដុង (៤០ លានដុល្លារ)” […]
អានបន្ថែម
កាន់តែទំនើបនិងងាយស្រួសជាមួយឧបករណ៍លំហាត់ប្រាណនៅតាមផ្ទះ
អស់រយៈពេលជាង ៣០ ឆ្នាំមកហើយ ដែលក្រុមហ៊ុនសៀរ៉ា (Seara) បានផ្គត់ផ្គង់យីហោពាណិជ្ជកម្មដែលមានគុណភាពខ្ពស់ និងនាំមកជូនសម្ភារៈហាត់ប្រាណ តាមគេហដ្ឋានល្បីៗ ទូទាំងអាស៊ីអាគ្នេយ៍។ យើងបានវិវឌ្ឍក្លាយជាក្រុមហ៊ុននាំមុខគេ ក្នុងតំបន់ ក្នុងការផ្តល់សេវាកាយសម្បទាតាមផ្ទះ តាមរយៈការណែនាំអំពីការច្នៃប្រតិដ្ឋថ្មីបំផុតនៃបច្ចេកវិទ្យាកាយសម្បទា និងដំណោះស្រាយកម្រាលឥដ្ឋ ដោយម៉ាកក្រុមហ៊ុនល្បីៗ មកពីជុំវិញពិភពលោក។ រាប់ចាប់តាំងពីឧបករណ៍កម្សាន្តភ្ជាប់ប្រព័ន្ធឌីជីថលខ្លៅ (Cloud Connected) រហូតដល់គ្រូបង្វឹកចម្រុះជំនាញ និងបច្ចេកវិទ្យាធន់នឹងរាងកាយ ដែលអាចដំឡើងនៅបន្ទប់ប៉ុនណាក៏បាន។ សៀរ៉ា ( Seara ) កំពុងជំរុញឱ្យលោកអ្នកប្រើអស់សក្តានុពលរាងកាយរបស់អ្នក។ យើងយល់ច្បាស់ពីសារៈសំខាន់នៃការវិនិយោគលើគ្រឿងបរិក្ខារនីមួយៗ គឺជាការសំឡឹងឃើញពីលទ្ធផលសុខភាព និងសុខុមាលភាពរយៈពេលវែងរបស់អ្នក។ យើងសាកល្បង និងវាយតម្លៃម៉ាស៊ីននីមួយៗ ដើម្បីដឹងពីភាពសមស្របរបស់វា សម្រាប់គោលដៅកាយសម្បទារបស់អ្នក ដើម្បីធានាថា អ្នកពេញចិត្តនឹងជីវមេកានិច និងគុណភាពផលិតផល ដែលមានស្តង់ដារខ្ពស់បំផុត ដែលគេនិយមប្រើនៅអាមេរិក និងអឺរ៉ុប។ ជំនាញរៀបចំផែនការ និងការរចនា អ្នកជំនាញរចនាដ៏ប៉ិនប្រសប់របស់សៀរ៉ា អាចបំប្លែងបន្ទប់ទទេណាមួយក្នុងផ្ទះរបស់អ្នក ឱ្យមានលក្ខណៈស្ថាបត្យកម្មបាន។ យើងបន្ថែមគុណតម្លៃដោយស្តាប់ដោយយកចិត្តទុកដាក់នូវតំរូវការរបស់អ្នកដោយបង្កើតកន្លែងហាត់ប្រាណតាមផ្ទះនីមួយៗចាប់ពីជាន់ក្រោម។ កម្រាលឥដ្ឋដែលមានគុណភាពខ្ពស់គឺជាគោលបំណងដែលត្រូវបានជ្រើសរើសដើម្បីបង្រួបបង្រួមជាមួយនឹងលក្ខណៈបច្ចេកទេសនៃឧបករណ៍របស់អ្នក។ ការធ្វើត្រាប់តាមផ្ទាល់ខ្លួនអាចត្រូវបានរចនាឡើងនៅក្នុងការកំណត់រចនាសម្ព័ន្ធណាមួយដើម្បីផ្គូផ្គងគ្រឿងតុបតែងផ្ទះនិងឈុតឧបករណ៍ហាត់ប្រាណរបស់អ្នក។ អត្ថប្រយោជន៌មុខងារដូចជាការដាក់ខ្នើយចុះក្រោមដើម្បីកាត់បន្ថយការរងរបួសនិងលក្ខណៈកាត់បន្ថយសំលេងរំខានក៏អាចត្រូវបានបង្កើតឡើងពីម៉ាទ្រីសរបស់សេរ៉ានៃជម្រើសកំរាលឥដ្ឋ។ យើងជ្រើសរើសសំណុំឧបករណ៍ល្អបំផុតពីក្រុមហ៊ុនផលិតឈានមុខគេរបស់ពិភពលោកដើម្បីផ្គូផ្គងគោលដៅសុខភាពរបស់អ្នក។ ផលិតផលចុងក្រោយគឺជាកន្លែងហាត់ប្រាណនៅផ្ទះដែលជាការច្រណែនអ្នកជិតខាង។ តំបន់ឯកជនដែលសមនឹងអ្នក។ ជម្រើសយីហោពិសេស នៅពេលអ្នកជ្រើសរើសសេរ៉ាអ្នកអាចជ្រើសរើសពីបញ្ជីផលិតផលនិងឧបករណ៍ដែលមានគុណភាពខ្ពស់បំផុតពីម៉ាកផលិតផលសុខភាពនិងផលិតផលឈានមុខគេនៅលើពិភពលោក។ រាល់សកម្មភាពកាយសម្បទាត្រូវបានគ្របដណ្តប់យ៉ាងស៊ីជម្រៅ: […]
អានបន្ថែម
ក្រុមហ៊ុនសំណង់កម្ពុជាជាច្រើនដាក់ចេញវិធានការការពារការរីករាលដាលនៃមេរោគកូរ៉ូណាទៅលើកម្មករ
វិស័យសំណង់នៅកម្ពុជា នៅតែបន្តដំណើរការ ទោះបីជាមានការព្រួយបារម្ភអំពីជំងឺរាតត្បាតនៃមេរោគកូវីដ១៩ ។ ការព្រួយបារម្ភកាន់តែខ្លាំងឡើង ចំពោះការរីករាលដាលនៃមេរោគកូវីដ១៩ នៅក្នុងប្រទេសកម្ពុជាឥឡូវនេះ គឺជាកង្វល់ចម្បង រាប់តាំងពីសហគមន៍សាធារណៈដល់ឧស្សាហកម្មទាំងអស់ទូទាំងប្រទេស។ ឧស្សាហកម្មសំណង់ នៅតែប្រកាន់ខ្ជាប់តាមគោលការណ៍ណែនាំតឹងរឹងពីរាជរដ្ឋាភិបាល និងក្រសួងសុខាភិបាល និងក្រសួងការងារ។ នៅ អាខេថាយផ៍ខេមបូឌា (Archetype Cambodia ) ក្នុងនាមជាអ្នកពិគ្រោះយោបល់ផ្នែកសំណង់ សុខភាព និងសុវត្ថិភាពឯកជន នៅកន្លែងធ្វើការសំណង់ បញ្ហានេះ តែងតែជាអាទិភាពអាជីវកម្មរបស់ក្រុមហ៊ុន ហើយក្រុមហ៊ុនរឹតតែស្ទុះស្ទារអំពីបញ្ហាសុវត្ថិភាពការងារនេះច្រើនថែមទៀត ក្នុងកំឡុងពេលមានស្ថានភាពដ៏លំបាកនេះ។ ជាការឆ្លើយតបបន្ទាន់ ដើម្បីកាត់បន្ថយហានិភ័យនៃការឆ្លងដែលអាចកើតមាន និងការពារសុវត្ថិភាពរបស់កម្មករយើង យើងបានអនុវត្តតាមនីតិវិធី និងគោលការណ៍ណែនាំដូចខាងក្រោម៖ 1. ការយល់ដឹងអំពីហានិភ័យជាមួយនឹងការបញ្ចូលការណែនាំអំពីសុវត្ថិភាពដល់កម្មករនិយោជិតទាំងអស់អំពីជំងឺថ្មី ផ្លូវចម្លងមេរោគ និងការអនុវត្តអនាម័យដែលបានណែនាំដូចជា៖ លាងដៃជាមួយសាប៊ូយ៉ាងហោចណាស់ឱ្យបាន ២០ វិនាទី ការប្រើប្រាស់ទឹកអនាម័យ ការជៀសវាងការប៉ះមុខ និងមាត់។ 2. ការប្រើប្រាស់ម៉ាស់ដោយចាំបាច់ សម្រាប់កម្មករនីមួយៗ រួមទាំងការណែនាំអំពីរបៀបពាក់វាឱ្យបានត្រឹមត្រូវ និងវិធីយកវាចេញដោយសុវត្ថិភាព។ 3. ការត្រួតពិនិត្យសីតុណ្ហភាពរាងកាយនៅច្រកចូលនីមួយៗនៃកន្លែងធ្វើការ។ កម្មករនិយោជិតណាដែលមានសីតុណ្ហភាពរាងកាយលើសពី ៣៧.៥ មិនត្រូវបានអនុញ្ញាតឱ្យចូលទៅក្នុងកន្លែងនោះទេ ហើយការជូនដំណឹងជាបន្ទាន់ ដែលត្រូវធ្វើឡើងចេញពីសន្តិសុខទៅអង្គភាពគ្រប់គ្រងការដ្ឋាន។ 4. កាត់បន្ថយកម្លាំងពលកម្ម […]
អានបន្ថែម
សារមន្ទីរថាមពលកើតឡើងវិញ និងឧទ្យានជាតិសម្ដេចហ៊ុន សែន នៅភ្នំបូកគោ គ្រោងសាងសង់ឆ្នាំ ២០២០ នេះ
គម្រោងសាងសង់សារមន្ទីរថាមពលកើតឡើងវិញ រួមជាមួយនឹងការបង្កើត “ឧទ្យានជាតិសម្ដេច ហ៊ុន សែនកំពត” លើផ្ទៃដីកោះទំហំ ៨,៦០ហិចតា ដែលមានទីតាំងស្ថិតតំបន់សហគមន៍ នៃឧទ្យានជាតិព្រះមុនីវង្ស បូកគោ នឹងចាប់ដំណើរការសាងសង់ ក្នុងឆ្នាំ ២០២០ នេះ និងគ្រោងនឹងបញ្ចប់នៅត្រឹមឆ្នាំ ២០២២ ខាងមុខ។ គម្រោងជាតិជាប្រវត្តិសាស្ត្រដ៏ពិសេសនេះ ត្រូវបានលើកឡើង ក្នុងកិច្ចប្រជុំពិគ្រោះយោបល់ស្ដីពីកិច្ចសហការ និង សិក្សាផលបះពាល់ ក្នុងការអនុវត្តគម្រោងនេះ ដោយសាលាខេត្តកំពត ស្ថិតក្រោមអធិបតីភាព ឯកឧត្តម កែវ រតនៈរដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកអគ្គិសនីកម្ពុជា ឯកឧត្តម ជាវ តាយ អភិបាលនៃគណៈអភិបាលខេត្ត និងមន្ត្រី អាជ្ញាធរមូលដ្ឋានពាក់ព័ន្ធសរុប ២៨ នាក់ នៅព្រឹកថ្ងៃទី ២១ ខែឧសភា ឆ្នាំ២០២០ នេះ។ មានប្រសាសន៍ក្នុងកិច្ចប្រជុំ ឯកឧត្តម កែវ រតនៈ បានលើកឡើងអំពីគោលបំណងនៃគម្រោងនេះ គឺផ្តោតសំខាន់លើបញ្ហា២៖ គឺទី១ ផ្ដល់ការចំណេះដឹងដល់អ្នកទេសចរជាតិ អន្តរជាតិ ឬប្រជាពលរដ្ឋខ្មែរ តាមរយៈ ការបង្កើតឱ្យមានជាសមូហកម្មវ៉ារីអគ្គិសនី នៅមួយកន្លែងតែម្តង។ […]
អានបន្ថែម
ក្រសួងសាធារណការ ទុកពេលឱ្យក្រុមហ៊ុន ហាន់ស៊ីង ១ ខែ បើនៅតែអសកម្ម នឹងលុបចោលកុងត្រា
បន្ទាប់ពីបានចេញលិខិតព្រមានកាលពីពីរសប្តាហ៍មុន ម្តងរួចមក ពេលនេះ ទេសរដ្ឋមន្ដ្រី រដ្ឋមន្ដ្រី ក្រសួងសាធារណការ និងជញ្ជូន ឯកឧត្តម ស៊ុន ចាន់ថុល បានប្រកាសព្រមានជាលើកទីពីរ ដោយទុកពេលឲ្យ ក្រុមហ៊ុន ហាន់ស៊ីង(HanShin) មួយខែ ដើម្បីអនុវត្តតាមកិច្ចសន្យារបស់ខ្លួន ក្នុងការបន្តអនុវត្តគម្រោងសាងសង់ផ្លូវជាតិលេខ ២ ដោយមានលក្ខណៈបច្ចេកទេសត្រឹមត្រូវ និងគ្មានការយឺតយ៉ាវ។ ពុំនោះទេ ក្រសួងនឹងលុបចោលកិច្ចសន្យា ជាមួយក្រុមហ៊ុនកូរ៉េមួយនេះ ហើយនឹងជ្រើសរើស ក្រុមហ៊ុនថ្មីមកសាងសង់ជំនួសវិញ។ “យើងនឹងប្រដៅក្រុមហ៊ុនហាន់ ស៊ីង (Han Sin)…មកពិភាក្សាគ្នាឱ្យច្បាស់។ គឺយើងឱ្យពេល១ខែ ដោះស្រាយបញ្ហាឱ្យបាន។ បើដោះអត់បាន យើងនឹងអាចឈានទៅរកការលុបចោលកុងត្រាហ្នឹង ជ្រើសរើសក្រុមហ៊ុនថ្មី។” ការព្រមានៗធ្ងន់ៗជាលើកទីពីរនេះ ត្រូវបានឯកឧត្តម ធ្វើឡើងក្នុងឱកាស ចុះត្រួតពិនិត្យវឌ្ឍនភាព ការសាងសង់ផ្លូវជាតិ លេខ៣ ចាប់ពីរង្វង់មូលចោមចៅ ដល់ខេត្តកំពត នាព្រឹកថ្ងៃទី២១ ខែឧសភា ឆ្នាំ២០២០។ ឯកឧត្តមបានបញ្ជាក់ថា កាលពីម្សិលមិញ (២០ ឧសភា) ក្រុមការងាររបស់ក្រសួង ធនាគារកូរ៉េ ស្ថានទូត បានចុះត្រួតពិនិត្យផ្លូវជាតិលេខ២ ហើយបានរកឃើញថា មានករណីអសកម្ម […]
អានបន្ថែម