អូឡាំព្យាស៊ីធី បង្កើតយុទ្ធសាស្ត្រថ្មីសម្រាប់អតិថិជនដើម្បីឆ្លើយតបទៅនឹងវិបត្តិកូវីដ១៩

• 2 September 2020
• Local News
• 4644 Views

ដើម្បីជំរុញការវិនិយោគ និង បង្កើនសកម្មភាពសេដ្ឋកិច្ចក្នុងស្រុកជាពិសេស ជួយដល់អតិថិជនកំពុងស្វែងរកទិញអចលនទ្រព្យក្នុងអំឡុងវិបត្តិកូវីដ១៩ ក្រុមហ៊ុន OCIC បានចេញយុទ្ធសាស្ត្រលក់ថ្មីសម្រាប់គម្រោងអូឡាំព្យាស៊ីធី ខណៈដែលអគារចំនួន៧ រួមមានអគារខុនដូការិយាល័យ SOHO ផ្សារទំនើបអូឡាំព្យា នៃគម្រោងមេក្នុងដំណាក់កាលទី១ បានបញ្ចប់ការសាងសង់ជាស្ថាពររួចហើយ។

តាមរយៈ កញ្ញា អ៊ុក ចន្ទ្រា ប្រធានផ្នែកលក់និងទីផ្សារ បានឱ្យដឹងថាការវិនិយោគទិញអចលនទ្រព្យនាពេលបច្ចុប្បន្ននេះ ជាមួយនឹងគម្រោងអូឡាំព្យាស៊ីធី គឺជាជម្រើសដ៏ល្អ ក្រោមហេតុផល២យ៉ាង៖

ហេតុផលទី១៖ ផ្តល់ភាពងាយស្រួលក្នុងការរស់នៅ គ្រប់បែបយ៉ាងនៅជិតបង្កើយរួមមានផ្ទះល្វែងអាជីវកម្ម ខុនដូ ការិយាល័យ ផ្សារទំនើប សាលារៀនក្លឹបហាត់ប្រាណ សណ្ឋាគារ Medical Hub ស្ថិតនៅទីតាំងតែមួយរួមគ្នាក្នុងគម្រោងអូឡាំព្យាស៊ីធី។ រីឯតម្លៃអចលនទ្រព្យក្នុងទីក្រុងតែងតែមានការកើនឡើងជានិច្ចពីមួយឆ្នាំទៅមួយឆ្នាំ។

ហេតុផលទី២៖ ការយកចិត្តទុកដាក់ និងមានទំនួលខុសត្រូវខ្ពស់របស់ក្រុមហ៊ុន OCIC បានផ្តល់ភាពកក់ក្តៅដល់អតិថិជនទាំងអស់ដែលបានសម្រេចចិត្តជ្រើសរើសទិញអចលនទ្រព្យរបស់គម្រោងអូឡាំព្យាស៊ីធី។ ក្រុមហ៊ុន OCIC បានអភិវឌ្ឍលើគម្រោងអចលនទ្រព្យធំៗដូចជា ទីក្រុងកោះពេជ្រ ទីក្រុងជ្រោយចង្វារ ទីក្រុងកោះនរា ហើយថ្មីៗនេះ ក្រុមហ៊ុន OCIC បានទទួលសិទ្ធសាងសង់អាកាសយានដ្ឋានភ្នំពេញថ្មីតម្លៃ ១,៥ ពាន់លានដុល្លារ។ ទោះបីជាមានការរីករាលដាលនៃវីរុសកូវីដ១៩ក៏ដោយ ក្រុមហ៊ុនOCICនៅតែបន្តការសាងសង់គម្រោងអូឡាំព្យាស៊ីធីនេះ ក្នុងដំណាក់កាលទី២ និងទី៣ ដោយគ្រោងនឹងបញ្ចប់ក្នុងឆ្នាំ ២០២២ ខាងមុខនេះ។

ក្រៅពីចំណុចសំខាន់ទាំង២ ខាងលើ កញ្ញា អ៊ុក ចន្ទ្រា បានឱ្យដឹងទៀតថា អតិថិជនទិញអចលនទ្រព្យគម្រោងអូឡាំព្យាស៊ីធីពេលនេះអាចទទួលសោរផ្ទះចូលនៅបានភ្លាមថែមទាំងទទួលបានលក្ខខណ្ឌពិសេសដូចខាងក្រោម៖

• អាចកម្ចីឥណទាន២៥ឆ្នាំ បានរហូតដល់៩៥%នៃតម្លៃអចលនទ្រព្យ ជាមួយការប្រាក់ 0% ក្នុងឆ្នាំទី១

• ផ្តល់ជូនការបញ្ចុះតំលៃ បូករួមជាមួយការធានាជួលត្រលប់វិញរហូតដល់ ២៤% នៃតម្លៃអចលនទ្រព្យ

• ផ្តល់ជូនការតុបតែងដេគ័រ និងគ្រឿងសង្ហារិម

គួរបញ្ជាក់ផងដែរថា គម្រោងអូឡាំព្យាស៊ីធី មានទីតាំងនៅស្តុបនាងគង្ហីងលាតសន្ធឹងលើផ្ទៃដីប្រមាណ ៦,៨ហិកតា សាងសង់ក្រោមទុនវិនិយោគប្រមាណ ៥០០លានដុល្លារ ដោយបានបើកការដ្ឋានតាំងពីឆ្នាំ ២០១៣ មកម្លេ៉ះ។ គម្រោងទាំងមូលរួមមាន អគារខុនដូកម្ពស់ ២០ជាន់ ចំនួន ៤អគារ អគារ SOHO និងការិយាល័យកម្ពស់ ២៥ជាន់ ចំនួន ១អគារ ផ្សារទំនើបកម្ពស់ ៧ជាន់ ដែលបានបញ្ចប់ការសាងសង់រួចហើយ។ ដោយឡែកនៅមានគម្រោងសណ្ឋាគារ លំដាប់ផ្កាយ៥ អាគារមជ្ឈមណ្ឌលវេជ្ជសាស្រ្តខ្នាតអន្តរជាតិក៏ដូចជាអគារពាណិជ្ជកម្ម ដែលនឹងកំពុងសាងសង់បន្ថែមទៀតផងដែរ៕

សម្រាប់ព័ត៌មានលម្អិតលោកអ្នកអាចធ្វើការទំនាក់ទំនងមកកាន់លេខទូរស័ព្ទ 023 2222 08 / 023 2222 09 ឬ អាចមកសាកសួរពត៌មានដោយផ្ទាល់នៅការិយាល័យលក់អូឡាំព្យាស៊ីធី ដែលមានទីតាំងនៅទល់មុខរង្វង់មូលសំពៅមាស សង្កាត់វាលវង់ ខណ្ឌ៧មករា រាជធានីភ្នំពេញ។

• Advertorial
• Business and Market
• Investment and Funding