ព័ត៌មានក្នុងស្រុក
ក្រសួងព្រមានមិនឱ្យយានយន្តគ្រប់ប្រភេទធ្វើដំណើរលើផ្លូវល្បឿនលឿនភ្នំពេញ-ព្រះសីហនុ
ក្រសួងសាធារណការ និងដឹកជញ្ជូន ប្រកាសមិនអនុញ្ញាតឱ្យធ្វើចរាចរយានយន្តគ្រប់ប្រភេទលើផ្លូវល្បឿនលឿន ភ្នំពេញ-ក្រុងព្រះសីហនុ ក្រោមហេតុផលជៀសវាងការរំខាន់ដល់ដំណើរការសាងសង់ និងគ្រោះថ្នាក់ផ្សេងៗក្នុងការធ្វើដំណើរ។ នេះបើយោងតាមសេចក្តីជូនដំណឹងរបស់ក្រសួងនៅថ្ងៃទី១២ ខែកក្កដា ឆ្នាំ២០២២។ សេចក្តីជូនដំណឹងដដែលបានបញ្ជាក់ថា ដើម្បីចៀសវាងការរំខានដល់ដំណើរការសាងសង់ដែលត្រូវបញ្ចប់ឱ្យទាន់ពេលវេលាតាមការគ្រោងទុក និងចៀសវាងការបង្កគ្រោះថ្នាក់ផ្សេងៗក្នុងការធ្វើដំណើរ ក្រសួង បានសម្រេចឱ្យក្រុមហ៊ុនសាងសង់បិទគ្រប់ច្រកចេញ-ចូលទាំងអស់មិនអនុញ្ញាតឱ្យយានយន្តគ្រប់ប្រភេទ បើកចូលប្រើផ្លូវល្បឿនលឿន លើកលែងតែយានយន្តដែលត្រូវបម្រើឱ្យគម្រោង និងយានយន្តមានតម្រូវការជាចាំបាច់ ហើយមានការអនុញ្ញាតពីក្រសួងសាធារណការ និងដឹកជញ្ជូនតែប៉ុណ្ណោះ។ ការហាមប្រាមម្តងជាពីរដងនេះ គឺដោយសារតែការសាងសង់មិនទាន់រួចរាល់ជាស្ថាពរនៅឡើយ ម្យ៉ាងដោយសារនៅតែមានអ្នកបំពានបម្រាមនេះ ដែលបានបង្ករជាគ្រោះថ្នាក់ចរាចរជាច្រើនករណីនៅលើផ្លូវល្បឿនលឿន ជាពិសេសថ្មីៗនេះទើបតែមានគ្រោះថ្នាក់ចរាចរមួយបានកើតឡើងកាលពីថ្ងៃទី១១ ខែកក្កដា កន្លងទៅ។ គួរបញ្ជាក់ដែរថា គម្រោងផ្លូវល្បឿនលឿនភ្នំពេញ-ព្រះសីហនុ មានប្រវែង ១៨៧.០៥គីឡូម៉ែត្រ ដែលបានបើកការដ្ឋានសាងសង់ កាលពីថ្ងៃទី២២ ខែមីនា ឆ្នាំ២០១៩។ផ្លូវនេះតភ្ជាប់ពីភូមិ១ សង្កាត់ សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ។ ផ្លូវនេះបានសាងសង់ដោយក្រុមហ៊ុន PPSHV Expressway Co., Ltd និងក្រុមហ៊ុនបុត្រសម្ព័ន្ធនៃ ក្រុមហ៊ុនសាជីវកម្មស្ពានថ្នល់ចិន (CRBC) និងត្រួតពិនិត្យ បច្ចេកទេសដោយក្រុមហ៊ុន MINCONSULT SDN. BHD. […]
អានបន្ថែម
គម្រោងកែលម្អមហាវិទ្យាល័យកងខេមរភូមិន្ទតម្លៃ ២៥0ពាន់ដុល្លារ សម្ពោធឱ្យប្រើប្រាស់ហើយ
គម្រោងជួសជុលកែលម្អអគារបណ្តុះបណ្តាលភាសាអង់គ្លេស របស់មហាវិទ្យាល័យវិទ្យាសាស្រ្តសង្គម និងភាសានៃកងយោធពលខេមរភូមិន្ទតម្លៃជាង ២៥ម៉ឺនដុល្លារអាមេរិក ក្រោមជំនួយរបស់រដ្ឋាភិបាលអូស្រ្តាលី ត្រូវបានដាក់សម្ពោធឱ្យប្រើប្រាស់ជាផ្លូវការហើយ។ អគារនេះ ត្រូវបានសម្ពោធក្រោមអធិបតីភាពឯកឧត្តម Pablo Kang ឯកអគ្គរាជទូតអូស្ត្រាលីប្រចាំកម្ពុជា និង ឯកឧត្តម នាយឧត្តមសេនីយ៍ ជា តារា សាកលវិទ្យាធិការនៃសាកលវិទ្យាល័យការពារជាតិ កាលពីថ្ងៃទី០៥ ខែកក្កដា ឆ្នាំ២០២២។ គម្រោងកែលម្អនេះរួមមាន ជួសជុលអគារបណ្តុះបណ្តាល ទីលានបាល់ទះចំនួន៤ កន្លែងស្នាក់នៅរបស់សិស្ស និងការលាបពណ៌ឡើងវិញជុំវិញអគាររបស់មហាវិទ្យាល័យវិទ្យាសាស្រ្តសង្គម និងភាសា។ លើសពីនេះ ក្នុងគម្រោងបានផ្តល់បន្ថែមនូវការរៀបចំឱ្យប្រសើរឡើងនៃប្រព័ន្ធIT សង់បន្ទប់ថ្មីចំនួន៦ ជួសជុលបន្ទប់ទឹកជាថ្មី៤ និងបំពាក់គ្រឿងសង្ហារឹមសម្រាប់បុគ្គលិកថែមទៀតផង។ នេះជាផ្នែកមួយនៃកម្មវិធីកិច្ចសហប្រតិបត្តិការលើវិស័យការពារជាតិ ដែលមានរយៈពេលដ៏យូរអង្វែងជាមួយប្រទេសកម្ពុជា ដែលបានគាំទ្រការបណ្តុះបណ្តាលភាសាអង់គ្លេសនៅមហាវិទ្យាល័យវិទ្យាសាស្រ្តសង្គម និងភាសា ចាប់តាំងពីមហាវិទ្យាល័យនេះត្រូវបានបង្កើតឡើងក្នុងឆ្នាំ ១៩៩៤។
អានបន្ថែម
អូស្ត្រាលីជួយកម្ពុជាលើកកម្ពស់ផាសុកវត្ថុរូបវន្តសម្រាប់ជនមានពិការភាព
ប្រទេសអូស្ត្រាលី បានគំាទ្រកម្ពុជាក្នុងការធ្វើឱ្យប្រសើរឡើងនូវផាសុកវត្ថុរូបវន្តសម្រាប់ជនពិការភាព តាមរយៈសិក្ខាសាលាស្តីពីការរចនាហេដ្ឋារចនាសម្ព័ន្ធរូបវន្ត ដែលបង្កលក្ខណៈងាយស្រួលសម្រាប់ជនមានពិការភាព។ នេះបើតាមសិក្ខាសាលា ធ្វើឡើងនៅថ្ងៃទី០១ ខែកក្កដា ឆ្នាំ២០២២ ក្រោមការគាំទ្ររបស់កម្មវិធីកិច្ចសហប្រតិបត្តិការអូស្ត្រាលី-កម្ពុជា សម្រាប់សេវាកម្មប្រកបដោយនិរន្តរភាព (ACCESS)។ សិក្ខាសាលានេះ ធ្វើឡើងក្នុងគោលបំណងលើកកម្ពស់ការអនុវត្តបទដ្ឋានបច្ចេកទេសហេដ្ឋារចនាសម្ព័ន្ធរូបវន្ត និងលើកទឹកចិត្តសិស្សនិស្សិត វិស្វកម្ម និងស្ថាបត្យកម្ម ឱ្យចូលរួមក្នុងការប្រកួតប្រជែងការរចនាតាក់តែងគំរូផាសុកវត្ថុរូបវន្តសម្រាប់ជនមានពិការភាព។ កម្មវិធីសហប្រតិបត្តិការនេះ បានដាក់ចេញនូវការផលិតឈុតគំនូរជីវចលចំនួន៥ ដើម្បីលើកកម្ពស់ការយល់ដឹងជាសាធារណៈអំពីសារៈសំខាន់នៃបទដ្ឋានបច្ចេកទេសហេដ្ឋារចនាសម្ព័ន្ធរូបវន្ត និងការសាងសង់ជម្រាលសម្រាប់ជនមានពិការភាពចំនួន ២៥កន្លែង ដែលជាគំរូប្រកបដោយផាសុកវត្ថុរូបវន្ត។ គួរបញ្ជាក់ថា កន្លងមកនេះ ក្រសួងរៀបចំដែនដី នគរូបនីយកម្ម និងសំណង់ ក៏បានជំរុញឱ្យអ្នកអភិវឌ្ឍន៍ទាំងរដ្ឋ និងឯកជន ត្រូវគិតគូរបញ្ចូល និងសាងសង់ហេដ្ឋារចនាសម្ព័ន្ធដែលជួយសម្រួលដល់ជនពិការ ក្នុងគម្រោងនានារបស់ខ្លួន ទិសដៅដើម្បីបង្កើតសិទ្ធិស្មើភាពគ្នាក្នុងសង្គម។ (អានបន្ថែម)
អានបន្ថែម
CDC ត្រៀមខ្លួនសម្រួលដល់វិនិយោគិនម៉ាឡេស៊ី និងវិនិយោគិនគ្រប់ជាតិសាសន៍នៅកម្ពុជា
ក្រុមប្រឹក្សាអភិវឌ្ឍន៍កម្ពុជា (CDC) ក្នុងនាមជាស្ថាប័នជំរុញវិនិយោគ ត្រៀមខ្លួនរួចជាស្រេចក្នុងការផ្តល់សេវាថែទាំ និងសម្រួលដល់វិនិយោគិនម៉ាឡេស៊ី និងវិនិយោគិនគ្រប់ជាតិសាសន៍ លើការវិនិយោគនៅកម្ពុជា។ ឯកឧត្ដម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា លើកឡើងក្នុង “កម្មវិធីកិច្ចសន្ទនាកម្រិតខ្ពស់ស្តីពីទំនាក់ទំនងសេដ្ឋកិច្ចអាស៊ាន និងអ៊ីតាលី ” លើកទី៦ នៅទីក្រុងគូឡាឡាំពួ ប្រទេសម៉ាឡេស៊ី ថ្ងៃទី៥ ខែកក្កដា ដោយមានការចូលរួមដោយសមគមសហគ្រាសធុនតូច និងមធ្យម និងក្រុមហ៊ុនម៉ាឡេស៊ី និងក្រុមហ៊ុន ធុរកិច្ចជនបរទេស។ ឯកឧត្តម សុខ ចិន្តាសោភា បានសម្តែងនូវអំណរគុណចំពោះតំណាងក្រុមហ៊ុនទាំងអស់ដែលមានចំណាប់អារម្មណ៍ក្នុងការស្វែងរកឱកាសវិនិយោគនៅកម្ពុជា។ ឯកឧត្តម លើកឡើងថា ច្បាប់ស្តីពីវិនិយោគថ្មីដែលបានចូលជាធរមានកាលពីចុងឆ្នាំ២០២១ ជាក្របខណ្ឌគតិយុត្តិមួយដ៏រឹងមាំដែលបានផ្តល់ការលើកទឹកចិត្តជាច្រើនដល់ការវិនិយោគក្នុងប្រទេសកម្ពុជា។ ឯកឧត្តមបានលើកឡើងថា ការអភិវឌ្ឍ និងកត្តាជោគជ័យទាំងឡាយរបស់កម្ពុជា កើតចេញពីកិច្ចខិតខំប្រឹងប្រែងដោយពុំគិតពីការនឿយហត់របស់រាជរដ្ឋាភិបាលកម្ពុជាដែលមាន សម្តេចតេជោនាយករដ្ឋមន្រ្តី ជាប្រមុខដឹកនាំ ដែលបានទទួលជ័យជម្នះក្នុងសមរភូមិប្រយុទ្ធប្រឆាំងនឹងជំងឺកូវីដ-១៩ និងបានផ្តល់លទ្ធភាពឱ្យកម្ពុជាអាចបើកដំណើរការសង្គម សេដ្ឋកិច្ចលើគ្រប់វិស័យឡើងវិញចាប់តាំងពីថ្ងៃទី១ ខែវិច្ឆិកា ឆ្នាំ២០២១ មក។
អានបន្ថែម
WB ថាហេដ្ឋារចនាសម្ព័ន្ធដឹកជញ្ជូនកម្ពុជានៅខ្សោយ។ ហេតុអ្វី? WB នឹងឱ្យដំណោះស្រាយអ្វី?
ធនាគារពិភពលោកបានស្នើថា កម្ពុជាត្រូវបង្កើតប្រព័ន្ធគ្រប់គ្រងគ្រប់ជ្រុងជ្រោយថ្មីមួយ បន្ថែមពីលើការខំប្រឹងសាងសង់ហេដ្ឋារចនាសម្ព័ន្ធតែមួយមុខ ដើម្បីពង្រឹងវិស័យដឹកជញ្ជូន និងការប្រកួតប្រជែងពាណិជ្ជកម្មក្នុងតំបន់។ របាយការណ៍ចេញផ្សាយកាលពីចុងខែ មិថុនា ២០២២ បានលើកឡើងថា ប្រព័ន្ធហេដ្ឋារចនាសម្ព័ន្ធរបស់កម្ពុជា នៅខ្សោយខ្លាំង ខណៈវិស័យភស្តុភារក៏នៅមានស្ដង់ដាទាបជាងប្រទេសជិតខាងខ្លាំង ដែលបណ្តាលឱ្យការដឹកជញ្ជូនក្នុងស្រុកមានតម្លៃខ្ពស់។ WorldBank ណែនាំថាកម្ពុជាត្រូវតែដោះស្រាយបញ្ហានេះជាបន្ទាន់ ដើម្បីបង្កើនភាពប្រកួតប្រជែង ទិសដៅស្ដារសេដ្ឋកិច្ចក្រោយវិបត្តិកូវីដ។ ការបង្កើនភាពជឿជាក់នៃខ្សែសង្វាក់ផ្គត់ផ្គង់ និងគុណភាពសេវាកម្ម គឺជាគន្លឹះសំខាន់។ មានន័យថា កម្ពុជាត្រូវធ្វើយ៉ាងណាឱ្យប្រព័ន្ធដឹកជញ្ជូន រហ័សទាន់វេលា មានតម្លៃទាប ហើយមានស្ដង់ដាខ្ពស់។ ដើម្បីធ្វើដូច្នោះបាន ការសាងសង់ស្ពានថ្នល់បន្ថែមតែមួយមុខគឺមិនគ្រប់គ្រាន់ទេ កម្ពុជាត្រូវមានប្រព័ន្ធគ្រប់គ្រងហេដ្ឋារចនាសម្ព័ន្ធ និងការដឹកជញ្ជូន បែបគ្រប់ជ្រុងជ្រោយថ្មីមួយ។ ប្រព័ន្ធនេះគួរតែអនុវត្តដោយស្ថាប័នកំពូលណាមួយរបស់រដ្ឋ ព្រមនឹងច្បាប់ ក៏ដូចជាគោលនយោបាយថ្មីៗ។ ប្រព័ន្ធនេះរួមមាន ការត្រួតពិនិត្យប្រសិទ្ធភាពនៃច្រកផ្លូវពាណិជ្ជកម្មទាំងផ្លូវគោក ផ្លូវទឹក និងអាកាសជាប្រចាំ ការអនុវត្តផែនការពង្រីកវិស័យដឹកកជញ្ជូនឱ្យកាន់តែទូលំទូលាយ ការរៀបចំឡើងវិញនូវប្រព័ន្ធផ្លូវដែក ព្រមនឹងផែនការរយៈពេលវែង និងការបង្កើតកម្មវិធីខ្សែទូរស័ព្ទទាន់ហេតុការណ៍ ដែលអ្នកដឹកជញ្ជូនអាចរាយការណ៍ពីបញ្ហាបានភ្លាមៗ ជាដើម។ គួរបញ្ជាក់ថា បើយោងតាមរបាយការណ៍ដដែល សេដ្ឋកិច្ចកម្ពុជារំពឹងថានឹងកើតឡើង ៥,៦% ក្នុងឆ្នាំ ២០២២ បើទោះបីជាសេដ្ឋកិច្ចពិភពលោកកំពុងប្រឈមបញ្ហាក្ដី។ ការធ្លាក់ចុះនៃសេដ្ឋកិច្ចពិភពលោក គឺបណ្ដាលមកពី ការធ្លាក់ចុះនៃសេដ្ឋកិច្ចចិន ការរឹតបន្ដឹងគោលនយោបាយរូបិយវត្ថុរបស់អាមេរិក ការអូសបន្លាយនៃសង្រ្គាមរុស្សីអ៊ុយក្រែន […]
អានបន្ថែម
គម្រោងស្តារទំនប់ដ៏សំខាន់បីនៅមណ្ឌលគីរី រួមចំណែកក្នុងផែនការមេវិស័យទេសចរណ៍ខេត្តមណ្ឌលគិរី
គម្រោងជួសជុល និង ស្តារឡើងវិញនូវប្រភពទឹកដ៏សំខាន់ ៣កន្លែង នៅខេត្តមណ្ឌលគីរី បានបង្ហាញនូវវឌ្ឍនភាពការងាររបស់ខ្លួនដើម្បីគាំទ្រដល់ផែនការមេអភិវឌ្ឍន៍វិស័យទេសចរណ៍ក្នុងខេត្តមណ្ឌលគិរី។ នេះបើយោងតាមពិធីផ្សព្វផ្សាយសមាសភាពគណៈកម្មាធិការដឹកនាំអនុវត្តផែនការអភិវឌ្ឍន៍វិស័យទេសចរណ៍ខេត្តមណ្ឌលគិរី ឆ្នាំ២០២១-២០៣៥ កាលពីថ្ងៃទី ០៤ កក្កដា ២០២២ នៅសណ្ឋាគារពេជ្រាដា ខេត្តមណ្ឌលគិរី៖ តាមរយៈក្រសួងធនធានទឹក និងឧតុនិយម ដើម្បីចូលរួមគាំទ្រដល់ផែនការមេ អភិវឌ្ឍន៍វិស័យទេសចរណ៍ខេត្តមណ្ឌលគិរី ក្រសួងបានលើកបង្ហាញវឌ្ឍនភាពការងារសំខាន់ៗចំនួន ៣ កន្លែង លើការងារស្តារ និងជួសជុលឡើងវិញនូវទំនប់ទឹក ដើម្បីធានាប្រភពទឹកសម្រាប់ផ្គត់ផ្គង់ដល់ខេត្តមណ្ឌលគិរី ក្នុងនោះរួមមាន៖ -ទី១: ទំនប់អូរតេ ស្ថិតក្នុងស្រុកអូររាំង ក្រុងសែនមនោរម្យ អាចស្តុកទឹកបានប្រមាណ ១០លានម៉ែត្រគូប និងសាងសង់បានប្រមាណ ៥៩% -ទី២: ទំនប់លើ ស្ថិតក្នុងឃុំសុខដុម ក្រុងសែនមនោរម្យ អាចស្តុកទឹកបានប្រមាណ ២០ម៉ឺនម៉ែត្រគូប និងសាងសង់បានប្រមាណ ៩០% -ទី៣: ទំនប់ក្រោម ស្ថិតក្នុងឃុំសុខដុម ក្រុងសែនមនោរម្យ អាចស្តុកទឹកបានប្រមាណ ៣០ម៉ឺនម៉ែត្រគូប និងសាងសង់បានប្រមាណ ៩០%៕ ទំនប់ទាំង៣ នេះ នឹងផ្គត់ផ្គង់ទឹកស្អាតដល់ជីវភាពប្រជាពលរដ្ឋចំនួន ៣៤០០គ្រួសារ ក្នុងក្រុងសែនមនោរម្យ និង […]
អានបន្ថែម
គំនូសប្លង់សម្រាប់ត្រួតពិនិត្យគុណភាពផ្លូវ សម្រេចបាន៧០%ហើយ
បច្ចុប្បន្ន ដំណើរការរៀបចំ “គំនូសប្លង់លម្អិត គេហទំព័រគ្រប់គ្រងព័ត៌មាន និងទិន្នន័យ” នៃគម្រោងអភិវឌ្ឍមុខងារត្រួតពិនិត្យគុណភាពផ្លូវ (ROAD CARE Supervision) សម្រេចបាន៧០ភាគរយហើយ។ នេះបើយោងតាមកិច្ចប្រជុំរបស់ក្រុមការងារបច្ចេកទេសនៃក្រសួងសាធារណការ និងដឹកជញ្ជូន កាលថ្ងៃទី០១ ខែកក្កដា ឆ្នាំ២០២២។ ថ្លែងក្នុងប្រជុំនា លោក ធូ សំណាង អគ្គនាយករង នៃអគ្គនាយកដ្ឋានបច្ចេកទេស បានឲ្យដឹងថា គោលបំណងកិច្ចប្រជុំនេះ ធ្វើឡើងដើម្បីផ្លាស់ប្តូរមតិយោបល់ ក៏ដូចផ្តល់ធាតុចូលសំខាន់ៗបន្ថែមដល់ការអភិវឌ្ឍមុខងារត្រួតពិនិត្យគុណភាពផ្លូវ មុននឹងដាក់ដំណើរការឱ្យប្រើប្រាស់ជាផ្លូវការ។ ការរៀបចំអភិវឌ្ឍមុខងារគម្រោងអភិវឌ្ឍមុខងារត្រួតពិនិត្យគុណភាពផ្លូវ (ROAD CARE Supervision) ថ្មីនេះ នឹងជួយពង្រឹងគុណភាពផ្លូវតាមស្តង់ដារបច្ចេកទេស និងធានាដល់ការគ្រប់គ្រងការអនុវត្តការងារត្រួតពិនិត្យគុណភាពបច្ចេកទេសជួសជុល ថែទាំ និងសាងសង់ផ្លូវ របស់ក្រសួងសាធារណការ និងដឹកជញ្ជូន ឱ្យកាន់តែមានប្រសិទ្ធភាព ព្រមទាំងផ្ដល់ភាពងាយស្រួលដល់ថ្នាក់ដឹកនាំក្រសួងក្នុងការតាមដានការងារគុណភាពផ្លូវតាមរយៈការងារត្រួតពិនិត្យគុណភាពជាដើម៕
អានបន្ថែម
ក្រសួងធនធានទឹក បើកការដ្ឋានសង់ផ្លូវកៅស៊ូប្រវែង២១គីឡូម៉ែត្រ លើខ្នងទំនប់មេ អាងទឹកត្រពាំងថ្ម
ក្រសួងធនធានទឹក និងឧតុនិយម បានបើកការដ្ឋានសង់ផ្លូវក្រាលកៅស៊ូ លើខ្នងទំនប់មេអាងទឹកត្រពាំងថ្ម មានប្រវែងសរុប២១គីឡូម៉ែត្រ ក្នុងស្រុកភ្នំស្រុក ខេត្តបន្ទាយមានជ័យ។ ពិធីបើកការដ្ឋាននេះ ធ្វើឡើងនៅទី០៣ ខែកក្កដា ឆ្នាំ២០២២នេះ ក្រោមវត្តមានឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម។ ក្នុងប្រត្តិបត្តិការនេះ ក្រសួងបានប្រើប្រាស់គ្រឿងចក្រធុនធ្ងន់ សរុបចំនួន ៣៧គ្រឿងរួមមាន -នីវីលរ័ ០៣គ្រឿង រ៉ូឡូ ០៦គ្រឿង អេចស្កាវ៉ាទរ័ ១៥គ្រឿង រថយន្តបែន ១០គ្រឿង និងឡានទឹក ០៣គ្រឿង ៕ ការបើកការដ្ឋាននេះ ធ្វើឡើងបន្ទាប់ពីមានបទបញ្ជារបស់សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជា ក្នុងឱកាសទិវាមឆ្ឆជាតិកាលពីថ្ងៃទី០១ កក្កដា ឆ្នាំ២០២២ នៅអាងត្រពាំងថ្ម ក្នុងឃុំប៉ោយចារ ស្រុកភ្នំស្រុក ខេត្តបន្ទាយមានជ័យ។
អានបន្ថែម
វិស័យសំណង់នឹងកើនត្រឹម ៣%ប៉ុណ្ណោះ ក្នុងឆ្នាំ២០២២ ដោយផ្អែកលើហេតុផល ២នេះ
នៅក្នុងត្រីមាសទី១ ឆ្នាំ២០២២ គម្រោងសំណង់ដែលទទួលបានការអនុម័តមានសរុប ១០០១ គម្រោង ដែលធ្លាក់ចុះ ៦,១% បើធៀបនឹងរយៈពេលដូចគ្នានៅឆ្នាំ ២០២១។ នេះបើយោងតាមរបាយការណ៍ចេញផ្សាយថ្មីៗនេះ របស់ក្រសួងសេដ្ឋកិច្ច។ ការធ្លាក់ចុះនេះ កើតមានស្ទើរគ្រប់ប្រភេទសំណង់ រួមមាន សំណង់សាធារណៈ សំណង់លំនៅឋាន ភូមិគ្រឹះ សំណង់ពាណិជ្ជកម្ម សំណង់ឧស្សាហកម្ម និងសំណងស់ទេសចរណ៍។ យ៉ាងណាក្ដី តាមការព្យាករក្នុងរបាយការណ៍នេះ បានរំពឹងថាវិស័យសំណង់អាចនឹងងើបឡើងវិញ ក្នុងអត្រា ៣% ប៉ុណ្ណោះ ក្នុងឆ្នាំ ២០២២ នេះ។ កំណើននៃការងើបឡើងវិញដ៏តិចតួចនេះ គឺដោយសារតែឥទ្ធិពលអវិជ្ជមានពីសេដ្ឋកិច្ចពិភពលោក និងការមិនទាន់ត្រឡប់មកវិញនៃវិនិយោគិនធំៗពីបរទស។ តែទោះជាយ៉ាងណា វិស័យសំណង់ក៏នៅតែមានសក្ដានុពល សឱ្យឃើញតាមរយៈ កំណើនឥណទានផ្ដល់ឱ្យវិស័យនេះ និងគោលនយោបាយរបស់រដ្ឋាភិបាលនៃការជួយបញ្ចៀស និងអន្តរាគមន៍លើហានិភ័យផ្សេងៗ។ (អានបន្ថែម) ទាក់ទិននឹងគោលនយោបាយក្នុងវិស័យសំណង់នេះដែរ ក្រសួងរៀបចំដែនដី នគរូបនីយកម្ម និងសំណង់ កាលពីថ្មីៗនេះ បានកែប្រែខ្លឹមសារមួយចំនួន នៃបែបបទក្នុងការផ្ដល់លិខិតអនុញ្ញាតសាងសង់ ដើម្បីសម្រួលដល់នីតិវីធីស្នើសុំលិខិតអនុញ្ញាតសាងសង់។ (អានបន្ថែម) គួរបញ្ជាក់ថា បើយោងតាមរបាយការណ៍ដដែល សេដ្ឋកិច្ចកម្ពុជារំពឹងថានឹងកើតឡើង ៥,៦% ក្នុងឆ្នាំ ២០២២ បើទោះបីជាសេដ្ឋកិច្ចពិភពលោកកំពុងប្រឈមបញ្ហាក្ដី។ […]
អានបន្ថែម
ឥណទានវិស័យសំណង់មាន ១៣ពាន់លានដុល្លារ ត្រឹមត្រីមាសទី១ កើនជាង២៩%
គិតត្រឹមចុងត្រីមាសទី១ នៃឆ្នាំ ២០២២ ប្រាក់កម្ចីដែលផ្តល់ដោយគ្រឹះស្ថានធនាគារ និងហិរញ្ញវត្ថុទាំងអស់ដល់វិស័យឯកជន មានសរុបដល់ជាង ៥០ពាន់លានដុល្លារអាមេរិក ដែលកើនជាង២៤% បើធៀបនឹងឆ្នាំមុន។ ក្នុងនោះ ឥណទានដែលផ្ដល់ឱ្យវិស័យសំណង់មានចំនួនច្រើនបំផុត បើយោងតាមរបាយការណ៍ចេញផ្សាយកាលពីថ្ងៃទី ៣០ មិថុនា របស់ធនាគារជាតិនៃកម្ពុជា។ ឥណទានដែលផ្តល់ដល់វិស័យសំណង់គិតត្រឹមត្រីមាសទី ១ នេះ មានដល់ ១៣,៧ ពាន់លានដុល្លារ ដែលស្មើនឹង ២៧% នៃឥណទានសរុប។ បរិមាណឥណទាននេះ កើនឡើង ២៩,៣% បើធៀបនឹងរយៈពេលដូចគ្នាកាលពីឆ្នាំមុន។ របាយការណ៍ដដែលបន្ដថា កម្ចីក្នុងវិស័យពាណិជ្ជកម្មលក់ដុំ និងរាយ ច្រើនលំដាប់ទី ២ ដែលមានដល់ ១២,៦ ពាន់លានដុល្លារ តាមដោយវិស័យសេវាកម្ម កសិកម្ម និងកម្ចីគ្រួសារ ដែលមាន ៥ ពាន់លាន ៤,៨ ពាន់លាន និង២,៧ ពាន់លាន រៀងៗគ្នា។ លោកជំទាវ ជា សិរី ឧបការីទេសាភិបាលនៃធនាគារជាតិនៃកម្ពុជា បានឱ្យដឹងថា វិស័យហិរញ្ញវត្ថុកម្ពុជា នៅតែមានបញ្ហាប្រឈមផ្សេងៗដូចជា ការពិបាកក្នុងការស្នើសុំកម្ចីរបស់សហគ្រាសធុនតូច […]
អានបន្ថែម