សមាគមអ្នកសាងសង់កម្ពុជា (CCA) ជួយរដ្ឋាភិបាលក្នុងការប្រយុទ្ធប្រឆាំងនឹងគ្រឿងញៀន

• 30 May 2017
• Association Focus
• 1386 Views

ដើម្បី​ជួយ​ដល់​យុទ្ធនាការ​ប្រឆាំង​គ្រឿងញៀន​នៅ​ទូទាំង​ប្រទេស​របស់​រដ្ឋាភិបាល ក្រុមហ៊ុន​សមាជិក​របស់​សមាគម​អ្នក​សាងសង់​កម្ពុជា (CCA) បាន​ប្តេជ្ញាចិត្ត​ធានា​ថា​សហគ្រាស​របស់​ពួកគេ​មិន​មាន​ពាក់ព័ន្ធ​នឹង​គ្រឿងញៀន​នោះ​ទេ​។​

​នៅក្នុង​ពិធី​ទទួលទាន​អាហារ​ពេល​ល្ងាច​ជាមួយនឹង​ពាណិជ្ជករ​នាំមុខ​គេ​រាប់​រយ​នាក់​ពី​វិស័យ​ឯកជន​នៅក្នុង​ប្រទេស​កម្ពុជា​រួម​ទាំង​ប្រតិភូ ១០ រូប​មកពី CCA នា​ថ្ងៃ​ទី ៧ ខែ​មេសា រដ្ឋមន្ត្រីក្រសួង​មហាផ្ទៃ​កម្ពុជា សម្តេច​ក្រឡាហោម ស ខេង បាន​សុំ​ឲ្យ​ពាណិជ្ជក​រជួយ​ប្រយុទ្ធប្រឆាំង​នឹង​ការប្រើប្រាស់​គ្រឿងញៀន​នៅក្នុង​សហគ្រាស​របស់ខ្លួន​។ លោក​ក៏​បាន​សុំ​ឲ្យ​ពាណិជ្ជករ​ជួយផ្ដល់​មូលនិធិ​ដល់​ការបង្ក្រាប​គ្រឿងញៀន​ដែល​កំពុង​បន្ត​ធ្វើ​នៅក្នុង​ប្រទេស​រួមទាំង​ការ​ស្តារនីតិសម្បទា​ផងដែរ​។​

​សម្តេច ស ខេង បាន​ថ្លែងថា “​ក្នុង​ពេល​អនាគត​រដ្ឋាភិបាលចង់​បង្កើត​មណ្ឌល​កែប្រែ​សម្រាប់​ប្រទេស​ដែល​អាច​ព្យាបាល​អ្នក​ញៀន​ថ្នាំ​ជាង ២.០០០​នាក់​។ ដូចនេះ យើង​ពិតជា​ត្រូវការ​ការគាំទ្រ​ពី​វិស័យ​ឯកជន​។​”

​លោក​បាន​ណែនាំ​ឲ្យ​វិស័យ​ឯកជន​ធានាថា គ្មាន​ការប្រើប្រាស់​ថ្នាំញៀន​ក្នុង​ចំណោម​បុគ្គលិក និង​កម្មករ​។​

​អាជ្ញាធរ​ជាតិ​ប្រយុទ្ធប្រឆាំង​គ្រឿងញៀន (NACD) កាលពី​សប្តាហ៍​មុន​បានប្រកាសថា មហាសេដ្ឋី​ជំនួញ​ឧកញ៉ា គិត ម៉េង នឹង​ដឹកនាំ​សមាគម​ជួយសង្គ្រោះ និង​ស្តារនីតិសម្បទា​ជនរងគ្រោះ​ដោយ​គ្រឿងញៀន ដែល​ជា​សមាគម​ថ្មី​មួយ​។​

​ជា​លទ្ធផល​នៃ​កិច្ចសហប្រតិបត្តិការ​ជាមួយ​ប្រទេស​ហ្វីលីពីន រដ្ឋាភិបាល​កម្ពុជា​បាន​ផ្តើម​យុទ្ធនាការ​ប្រឆាំង​គ្រឿងញៀន​នៅ​ទូទាំង​ប្រទេស​រយៈពេល​ប្រាំមួយ​ខែ ពី​ខែ​មករា ដល់​ថ្ងៃ​ទី ៣០ ខែមិថុនា​។ សម្តេច ស ខេង បានឲ្យដឹងថា ក្នុង​រយៈពេល​បី​ខែ​ដំបូង​នៃ​ដំណើរការ​បង្ក្រាប​គ្រឿងញៀន ប៉ូលីស​បាន​បំបែក​ក្តី​គ្រឿងញៀន​ចំនួន ២.៦៧៤ និង​ចាប់ខ្លួន​ជនសង្ស័យ​ចំនួន ៦.០៦៦​។​

​សមាគម​អ្នកម៉ៅការ​សាងសង់​កម្ពុ​ជា​គឺជា​ក្រុម​អ្នកម៉ៅការ​សាងសង់​ដែល​គ្រប់គ្រង​ដោយ​ឯកជន និង​ដែល​ត្រូវបាន​បង្កើតឡើង​នៅ​ចុងឆ្នាំ​២០១១​។ មកដល់​បច្ចុប្បន្ន មាន​ក្រុមហ៊ុន​រកស៊ី​ក្នុង​វិស័យ​សំណង់​ចំនួន ១២៥ ហើយ​ដែល​បាន​ចុះបញ្ជី​ជា​សមាជិក​របស់​សមាគម​។​