កម្ចីទិញអចលនទ្រព្យ កើនឡើងដល់ ជាង៤ពាន់លានដុលា្លរ ត្រឹម៩ខែឆ្នាំ២០២០

• 16 ខែ​វិច្ឆិកា 2020
• ព័ត៌មានអចលនទ្រព្យ
• 9 មើល

យោងតាមរបាយការណ៍ត្រីមាសទីបីរបស់ការិយាល័យឥណទានកម្ពុជា (CBC) កម្ចីក្នុងវិស័យអចលនទ្រព្យបានកើនដល់ ៤,៦ ពាន់លានដុល្លារ គិតត្រឹមដំណាច់ខែកញ្ញាឆ្នាំ ២០២០ នេះ ដែលកើនឡើងគួរឲ្យកត់សម្គាល់បើធៀបនឹងចុងឆ្នាំ ២០១៩ ដែលមានត្រឹមតែ ៣,៩ ពាន់លានដុល្លារ។

ការកើនឡើងនេះ សឱ្យឃើញថាតម្រូវការទិញផ្ទះ និងអចលនទ្រព្យនៅកម្ពុជា នៅតែបន្តកើនឡើងក្នុងឆ្នាំ២០២០នេះ ទោះបីជាសេដ្ឋកិច្ចកម្ពុជាកំពុងប្រឈមនឹងវិបតិ្ត កូវីដ ១៩ ក្ដី។

របាយការណ៍ដដែល ក៏បានឱ្យដឹងទៀតថា បើរួមបញ្ចូលឥណទានទូទៅសរុបទាំងអស់ គិតត្រឹម៩ខែ ឆ្នាំ២០២០ កម្ចីផ្តល់ដោយគ្រឹះស្ថានធនាគារ និងមីក្រូហិរញ្ញវត្ថុ មានដល់ទៅ ៩,១១ ពាន់លានដុល្លារ។

គួរបញ្ជាក់ផងដែរថា ការកើនឡើងនៃកម្ចីទិញអចលនទ្រព្យ គឺស្របនឹងកំណើនគម្រោងស្នើសុំសាងសង់លំនៅដ្ឋាន។ យោងតាមរបាយការណ៍របស់ក្រសួងសេដ្ឋកិច្ច និងហិរញ្ញវត្ថុ គម្រោងស្នើសុំសាងសង់លំនៅដ្ឋាន ក្នុង៨ ខែដំបូងឆ្នាំ ២០២០ មានចំនួនសរុប ២ ៨១៩ គម្រោង ស្មើនឹង ៨៤ភាគរយ នៃចំនួនគម្រោងសំណង់សរុប ៣ ៣៥០ គម្រោង។ (អានបន្ថែម)

ផ្អែកតាមរបាយការណ៍ខាងលើ តម្រូវការលំនៅដ្ឋាននៅកម្ពុជា នៅតែបន្តកើនឡើង បើទោះបីការរីករាលដាលជំងឺកូវីដ១៩ បានធ្វើឲ្យមូលដ្ឋានសេដ្ឋកិច្ចផ្សេងទៀត ថយចុះ។

• ការវិនិយោគ និងមូលធន
• ការវិនិយោគ និងមូលធន