កំពង់ផែស្វយ័តភ្នំពេញបង្ហាញគម្រោងកសាងកំពង់ផែរណបតាមដងទន្លេ

• 21 ខែ​កញ្ញា 2021
• Uncategorized
• 9 មើល

កំពង់ផែស្វយ័តភ្នំពេញ បានបង្ហាញគម្រោងអភិវឌ្ឍន៍កំពង់ផែរណបតាមដងទន្លេ ចំនួន ៧ទីតាំងទៀត ដើម្បីចូលរួមលើកម្ពស់ការដឹកជញ្ជូនកសិផល និងទេសចរណ៍។

គម្រោងអភិវឌ្ឍន៍កំពង់ផែរណបនេះ ត្រូវបានប្រកាសឡើងក្នុងពិធីដាក់ឱ្យប្រើប្រាស់ចំណតកុងតឺន័រថ្មីរបស់កំពង់ផែស្វយ័តភ្នំពេញកាលពីថ្ងៃទី២០ ខែកញ្ញា។​

ឯកឧត្តម ហ៊ី បាវី ប្រតិភូរាជរដ្ឋាភិបាលទទួលបន្ទុកប្រធានអគ្គនាយកកំពង់ផែស្វយ័តភ្នំពេញ មានប្រសាសន៍ថា កំពង់ផែរណបតាមដងទន្លេ ចំនួន ៧ទីតាំង មានដូចជា ចំណតផែរណបពហុបំណងកោះរកា  ចំណតផែរណបពហុបំណងព្រែកអញ្ចាញ ចំណតផែរណបពហុបំណងព្រែកក្តាម ស្ថិតក្នុងខេត្តកណ្តាល ចំណតផែរណបពហុបំណងទន្លេបិទ ខេត្តកំពង់ចាម ចំណតផែរណបពហុបំណងឆ្លូង ខេត្តក្រចេះ និងចំណតផែរណបពហុបំណងកំពង់ឆ្នាំង ។

អគ្គនាយកកំពង់ផែស្វយ័តភ្នំពេញ បានស្នើសុំការគាំទ្រពីក្រសួងសាធារណការ និងដឹកជញ្ជូន លើគម្រោងអភិវឌ្ឍន៍ចំណតផែរណបពហុបំណងតាមដងទន្លេ។

ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានផ្តល់ការគាំទ្រ​ដល់គម្រោងអភិវឌ្ឍន៍កំពង់ផែរណប។ ឯកឧត្តម ស្នើវិស័យឯកជនចូលរួមលើការវិនិយោគគម្រោងកំពង់ផែរណបនេះ។​

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍