ក្រសួងរៀបចំដែនដីអនុម័តគម្រោងវិនិយោគសំណង់តម្លៃ ២.៧ ពាន់លានដុល្លារក្នុងរយៈពេល ៤ ខែ

• 29 ខែ​ឧសភា 2019
• ព័ត៌មានអចលនទ្រព្យ
• 10 មើល

ទុនវិនិយោគសំណង់ប្រមាណជាង ២.៧ ពាន់លានដុល្លារអាមេរិកត្រូវបានអនុម័តក្នុងរយៈពេល៤ខែដំបូងក្នុងឆ្នាំ ២០១៩ ដោយក្នុងនោះវិនិយោគិនចិនគឺនាំមុខគេលើការវិនិយោគសរុប នេះបើយោងតាមទិន្នន័យចុងក្រោយរបស់ក្រសួងរៀបចំដែនដី នគរូបនីយកម្ម និងសំណង់។

ចាប់ពីខែមករាដល់ខែមេសា ក្រសួងរៀបចំដែនដី នគរូបនីយកម្ម និងសំណង់ អនុម័តលើគម្រោងវិនិយោគសំណង់ដែលមានតម្លៃប្រមាណជា ២៧៤២ លានដុល្លារអាមេរិក ជាមួយការវិនិយោគពីបរទេសចំនួនទឹកប្រាក់ប្រហែល ៣៦៧ លានដុល្លារអាមេរិក។ ក្នុងចំណោមវិនិយោគិនបរទេសទាំងនោះ ប្រទេសចិនបានបោះទុនវិនិយោគច្រើនជាងគេដែលមានទឹកប្រាក់ ៣១៥ លានដុល្លារអាមេរិក ខណៈដែលបណ្តាប្រទេសអាស៊ានមានប្រមាណជា ៤ លានដុល្លារដុល្លារអាមេរិកប៉ុណ្ណោះ។

ការវិនិយោគភាគច្រើនគឺសម្រាប់សំណង់អគារស្នាក់នៅរួម រោងចក្រ បុរីលំនៅដ្ឋាន សណ្ឋាគារ អគារពាណិជ្ជកម្ម និងការិយាល័យដែលមានកម្ពស់ខ្ពស់ៗ។

លើសពីនេះទៀត មានក្រុមហ៊ុនសំណង់ចិនចំនួន ២២៦ ក្រុមហ៊ុន និងក្រុមហ៊ុនសំណង់អាស៊ានចំនួន ៦១ ក្រុមហ៊ុន ដែលបានចុះបញ្ជីជាមួយក្រសួង។ ប្រទេសអាស៊ានទាំងនោះរួមមាន ប្រទេសវៀតណាមចំនួន ២៦ ប្រទេសថៃចំនួន ១៤ ប្រទេសម៉ាឡេស៊ីចំនួន១២ ប្រទេសសិង្ហបុរីចំនួន ៦ ប្រទេសឥណ្ឌូនេស៊ីចំនួន ០២ និងប្រទេសហ្វីលីពីនចំនួន ០១ ។

• ចំណេះដឹង និង បទពិសោធន៍
• គម្រោងអភិវឌ្ឍន៍
• អត្ថបទវិភាគ
• ធុរកិច្ច និងទីផ្សារ
• ចំណេះដឹង និង បទពិសោធន៍
• គម្រោងអភិវឌ្ឍន៍
• នគរូបនីយកម្ម និងស្ថាបត្យកម្ម
• បច្ចេកវិទ្យា និងវិស្វកម្ម
• ធុរកិច្ច និងទីផ្សារ
• អត្ថបទវិភាគ