ក្រសួង និងអ្នកជំនាញចិន រួមគ្នាសិក្សាគម្រោងជីកផ្លូវទឹកថ្មីភ្ជាប់ពីខេត្តកណ្ដាលដល់កែប

• 25 ខែ​មេសា 2022
• Uncategorized
• 9 មើល

ក្រសួងសាធារណការ និងដឹកជញ្ជូន និងក្រុមហ៊ុនជំនាញចិន (CRBC) នឹងសហការគ្នាសិក្សាគម្រោង អភិវឌ្ឍប្រព័ន្ធផ្លូវទឹកថ្មីមួយ តភ្ជាប់រវាងទន្លេបាសាក់ ក្នុងភូមិសាស្រ្តខេត្តកណ្តាល ទៅខេត្តកែប។

ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានឱ្យដឹងនៅថ្ងៃទី ២៥ ខែមេសា នេះ ការសិក្សាបឋមដោយក្រសួងបានបញ្ចប់ជាស្ថាពរ ដែលបង្ហាញថាគម្រោងផ្លូវទឹកថ្មីនេះ អាចដំណើការបាន។

សម្រាប់ការសិក្សាលម្អិតលើគម្រោងនេះ ក្រសួងសាធារណការ និងក្រុមហ៊ុនចិន បានឯកភាពថានឹងសិក្សារួមគ្នា ដោយគ្រោងនឹងចាប់ផ្ដើមឆាប់ៗខាងមុខនេះ។

ឯកឧត្តម ស៊ុន ចាន់ថុល ថ្លែងថា៖ «ក្រុមការងាររបស់គាត់ នឹងចុះមកធ្វើការជាមួយនឹងក្រសួងសាធារណការ និងដឹកជញ្ជូនដើម្បីឈានទៅរកការពិនិត្យមើលការសិក្សាថា ធ្វើបានឬមិនបាន។ បើការសិក្សាចប់សព្វគ្រប់ យើងនឹងដាក់ជូនទៅក្រសួងស្ថាប័នពាក់ព័ន្ធ ដើម្បីជួយពិនិត្យ តើវាប៉ះពាល់អ្វីខ្លះ? ធ្វើបានឬធ្វើមិនបាន?»។

ឯកឧត្តម ស៊ុន ចាន់ថុល លើកឡើងថា ក្នុងករណីគម្រោងនេះ ធ្វើបាន កម្ពុជា នឹងមានផែយុទ្ធសាស្រ្ត នៅស្រុកស្អាង នៅខេត្តតាកែវ និងនៅកែប។

 

• water infrastructure