ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគធំៗ ២ តម្លៃជាង ៥០០ លានដុល្លារ

• 2 ខែ​កុម្ភៈ 2021
• Uncategorized @km
• 9 មើល

ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្មីៗនេះ បានអនុម័តឱ្យក្រុមហ៊ុនឯកជនវិនិយោគសាងសង់រោងចក្រធំៗចំនួន ២ តម្លៃជាង ៥០០ លានដុល្លារ នៅខេត្តកំពត និងកំពង់ឆ្នាំង។

ក្រុមហ៊ុនទី ១ គឺក្រុមហ៊ុន Shunying Pulp and Paper Co Ltd, ដែលនឹងវិនិយោគ ៥០៤ លានដុល្លារអាមេរិក បង្កើតរោងចក្រផលិតក្រដាស ដែលមានទីតាំងវិនិយោគស្ថិតនៅភូមិចង្ហោន ឃុំព្រែកត្នោត ស្រុកទឹកឈូ ខេត្តកំពត។

ដោយឡែក ក្រុមហ៊ុនទី ២ គឺក្រុមហ៊ុន Shun Xin Luggage Industry (Cambodia) Co., Ltd, ដែលនឹងវិនិយោគ ៣,៦ លានដុល្លារអាមេរិក បង្កើតរោងចក្ររោងចក្រផលិតកាបូប និងកាបូបក្លាសេគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ ៥ ភូមិស្ពានពោធិ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។

បើយោងតាមក្រុមប្រឹក្សាអភិវឌ្ឍន៍កម្ពុជា គម្រោងទាំង ២ នេះនឹងចូលរួមបង្កើតការងារជាង ៣៨០០ កន្លែងដល់មនុស្សក្នុងតំបន់។

គួរបញ្ជាក់ផងដែរថា ក្នុងឆ្នាំ ២០២០ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគសរុបចំនួន ២៣៨ គម្រោង ឬស្មើនឹងទុនវិនិយោគសរុបប្រមាណជាង ៨ ពាន់លានដុល្លារអាមេរិក។ ក្នុងនោះមាន ១៩៥ ជាគម្រោងថ្មី និង ៤៣ ទៀតជាគម្រោងពង្រីកផលិតកម្ម។ (អានបន្ថែម)

• គម្រោងអភិវឌ្ឍន៍
• ការវិនិយោគ និងមូលធន
• Investment and Funding
• Projects Development
• គម្រោងអភិវឌ្ឍន៍
• ការវិនិយោគ និងមូលធន