ក្រុមហ៊ុនចិន MCC Shen Kan ឈ្នះការដេញថ្លៃលើការសាងសង់ផ្លូវជាតិធំៗ ៤ខ្សែ ប្ររែងជាង ២៧០គ.ម

• 4 ខែ​ធ្នូ 2020
• Uncategorized
• 10 មើល

ក្រុមហ៊ុនចិន MCC Shen Kan បានឈ្នះការដេញថ្លៃលើការងារសាងសង់ផ្លូវជាតិ ៤ ខ្សែធំៗ ប្រវែងសរុបប្រមាណ ២៧០ គីឡូម៉ែត្រ ដែលមានទីតាំងក្នុងខេត្តចំនួនប្រាំ រួមមាន ខេត្តពោធិ៍សាត់ កោះកុង កំពង់ស្ពឺ កំពត និងតាកែវ។ នេះបើយោងតាមសេចក្ដីប្រកាសរបស់ក្រុមហ៊ុន កាលពីថ្ងៃទី ២៤ វិច្ឋិកា ២០២០ នេះ។

ផ្លូវ ដែលក្រុមហ៊ុនដេញថ្លៃឈ្នះ រួមមាន ផ្លូវជាតិលេខ ៤១ (ប្រមាណ ៩៥ គីឡូម៉ែត្រ) ផ្លូវជាតិលេខ ៣១ (ប្រមាណ ៥២ គីឡូម៉ែត្រ) ផ្លូវជាតិលេខ ៣៣ (ប្រមាណ ៥៣ គីឡូម៉ែត្រ) និងផ្លូវជាតិលេខ ១៥៥១ (ប្រមាណ ៦៧ គីឡូម៉ែត្រ)។

ប្រភពដដែល បានឱ្យដឹងទៀតថា ផ្លូវទាំង ៤ ខ្សែនេះ នឹងត្រូវបានរចនាជាផ្លូវហាយវេកម្រិតទី២ ដោយក្រុមហ៊ុននេះនឹងទទួលបន្ទុកក្នុងការសិក្សា និងសាងសង់។ យ៉ាងណាមិញ ក្រុមហ៊ុនមិនទាន់បានប្រកាសពីថវិកា និងកាលបរិច្ឆេទនៃសាងសង់នៅឡើយទេ។

គួរបញ្ជាក់ផងដែរថា ក្រុមហ៊ុន MCC Shen Kan បាន និងកំពុងចូលរួមយ៉ាងសកម្មក្នុងវិស័យសំណង់នៅកម្ពុជា។ បន្ទាប់ពីការរៀបចំផែនការ និងសិក្សារួច MCC Shen Kan ធានាថា ការសាងសង់ផ្លូវទាំង ៤ខ្សែនេះនឹងបញ្ចប់តាមការគ្រោងទុក ទៅតាមស្តង់ដារគុណភាព និងប្រសិទ្ធភាពខ្ពស់ផងដែរ។

គួរបញ្ជាក់ផងដែរ កាលពីខែ តុលា កន្លងទៅ រដ្ឋាភិបាលកាលបានសម្រេចសាងសង់ និងស្ដារគុណភាពផ្លូវ ៣ ខ្សែនៅក្នុងខេត្តកំពត រួមមានផ្លូវជាតិលេខ៤១ លេខ៣១ និងលេខ ៣៣ ដែលបច្ចុប្បន្នកំពុងរង់ចាំការអនុម័តពីក្រសួងសេដ្ឋកិច្ច និងហិរញ្ញវត្ថុ។ (អានបន្ថែម)

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍