ក្រុមហ៊ុនជីបម៉ុង វិនិយោគសាងសង់កន្លែងផ្ទុកសំរាមឧស្សាហកម្មនៅតំបន់សេដ្ឋកិច្ចពិសេសសីហនុ

• 21 ខែ​កក្កដា 2020
• Uncategorized
• 6 មើល

ក្រុមហ៊ុន ជីប ម៉ុង អ៊ិនស៊ី ស៊ីមែនខបភើរេសិន (CMIC) របស់ជីប ម៉ុង គ្រុប បានចូលរួមវិនិយោគ សាងសង់កន្លែងផ្ទុកសំរាមឧស្សាហកម្ម ក្នុងគោលបំណងដើម្បីផ្តល់សេវាកម្មកែច្នៃកាកសំណល់ឧស្សាហកម្មដល់សហគ្រាសនៅក្នុងតំបន់សេដ្ឋកិច្ចពិសេសខេត្តព្រះសីហនុ។

កិច្ចព្រមព្រៀងវិនិយោគកសាងកន្លែងផ្ទុកសំរាមឧស្សាហកម្ម នេះ ត្រូវបានចុះហត្ថលេខាដោយ លោក Nicolas George នាយកប្រតិបត្តិនៃក្រុមហ៊ុនCMIC និងលោក Cao Jianjiang អគ្គនាយកនៃក្រុមហ៊ុនតំនប់សេដ្ឋកិច្ចពិសេសក្រុងព្រះសីហនុ កាលពីថ្ងៃទី២០ កក្កដាកន្លងទៅ ដោយមានវត្តមានលោក ទេព ស៊ីណូរ៉ា អនុប្រធានមន្ទីរបរិស្ថានខេត្តព្រះសីហនុ។

ដោយឡែក លោក ទេព ស៊ីណូ បានមានប្រសាសន៍ថា គម្រោងនេះមិនត្រឹមតែជួយសម្រួលដល់ការផលិត ប្រតិបត្តិការ និងគ្រប់គ្រងសំរាម របស់រោងចក្រក្នុងតំបន់សេដ្ឋកិច្ចពិសេសនោះទេ ថែមទាំងចូលរួមចំណែកយ៉ាងសំខាន់ក្នុងការកែលម្អសុវត្ថិភាព សុខភាព គុណភាពបរិស្ថាន ជាពិសេសការអភិវឌ្ឍប្រកបដោយនិរន្តរភាព ទៀតផង។

គួរបញ្ជាក់ថា ក្រុមហ៊ុន CMIC ត្រូវបានរួមបង្កើតឡើងដោយជីប ម៉ុង គ្រុប នៃប្រទេសកម្ពុជា និងក្រុមហ៊ុនស៊ីម៉ងត៍ Siam City Cement Corporation របស់ប្រទេសថៃ ដែលជាក្រុមហ៊ុនជំនាញផ្នែកគ្រប់គ្រងសំរាមប្រកបដោយវិជ្ជាជីវៈដល់ឧស្សាហកម្មផ្សេងៗ។

កាលពីខែធ្នូ ឆ្នាំ២០១៩ ក្រុមហ៊ុន CMIC ក៏បានសម្ភោធដាក់ដំណើរការរោងចក្រកែច្នៃសំរាមឧស្សាហកម្ម នៅក្នុងស្រុកបន្ទាយមាស ខេត្តកំពត ផងដែរ (អានបន្ថែម)៕

• ថាមពល និងបរិស្ថាន
• គម្រោងអភិវឌ្ឍន៍
• ការវិនិយោគ និងមូលធន
• Investment and Funding
• Energy and Environment
• Projects Development
• គម្រោងអភិវឌ្ឍន៍
• ការវិនិយោគ និងមូលធន
• ថាមពល និងបរិស្ថាន