ក្រុមហ៊ុនស្វីសគ្រោងនឹងបោះទុន៤០លានដុល្លារអាមេរិកអភិវឌ្ឍមន្ទីរពេទ្យថ្មីនៅកម្ពុជា

• 5 ខែ​កក្កដា 2019
• ព័ត៌មានអចលនទ្រព្យ
• 9 មើល

ឆ្លើយតបទៅនឹងកំណើនសេដ្ឋកិច្ចជាតិ និងតម្រូវការផ្នែកវិស័យសុខាភិបាល ក្រុមហ៊ុនធំៗរបស់ប្រទេសស្វីសមួយចំនួន បានបង្ហាញគម្រោងក្នុងការបោះទុនវិនិយោគអភិវឌ្ឍមន្ទីរពេទ្យថ្មីនៅកម្ពុជា ក្នុងជំនួបពិភាក្សារវាងតំណាងក្រុមហ៊ុន និងថ្នាក់ដឹកនាំកម្ពុជានៅឯទីក្រុងហ្សឺណែវ ប្រទេសស្វីស។

តាមការចុះផ្សាយលើទំព័រហ្វ៊េសប៊ុករបស់នាយករដ្ឋមន្ត្រីសម្ដេចតេជោ ហ៊ុន សែន តំណាងក្រុមហ៊ុនអន្តរជាតិស្វីសចំនួន៦ក្រុមហ៊ុន បានបង្ហាញការចាប់អារម្មណ៍លើគម្រោងវិនិយោគលើទឹកប្រាក់ប្រមាណជា ៤០លានដុល្លារអាមេរិក ក្នុងការកសាងមន្ទីរពេទ្យថ្មី និងមជ្ឈមណ្ឌលថែទាំសុខភាព។

តាមការបញ្ជាក់ដដែលរបស់ សម្ដេចតេជោ ហ៊ុន សែន ក្រៅពីការបង្កើតមន្ទីពេទ្យថ្មីនេះ ក្រុមហ៊ុនខាងលើ ក៏មានបំណងចូលរួមក្នុងការបណ្ដុះបណ្ដាល និងកសាងសមត្ថភាពលើវិស័យសុខាភិបាលនេះផងដែរ។

ជាការកត់សម្គាល់ គម្រោងវិនិយោគខាងលើនេះ គឺធ្វើឡើងស្របពេលដែលវិស័យអចលនទ្រព្យនៅកម្ពុជាកំពុងមានតម្រូវហេដ្ឋារចនាសម្ពន្ធ័ផ្នែកសុខាភិបាល ដោយសារ ការវិនិយោគសំណង់អគារភាគច្រើនគឺសំដៅដល់គម្រោងលំនៅដ្ឋាន ផ្សារទំនើប អគារពាណិជ្ជកម្ម និងការិយាល័យជាដើម។

ជាក់ស្តែង វាគ្មិនក្នុងវេទិកាអចលនទ្រព្យ និងសំណង់លើកទី ៤ដែលបានរៀបចំឡើងដោយសភាពាណិជ្ជកម្មអឺរ៉ុបប្រចាំកម្ពុជាក៏បានអំពាវនាវឲ្យមានការផ្តោតទីលើការវិនិយោគហេដ្ឋារចនាសម្ពន្ធ័ផ្នែកសុខាភិបាលបន្ថែមផងដែរ។

ក្នុងនោះដែរ មន្ទីរពេទ្យឯកជនធំចុងក្រោយដែលបានបើកនៅក្នុងរាជធានីភ្នំពេញ គឺមន្ទីរពេទ្យសាន់រ៉ាយ ដែលជាការវិនិយោគរួមគ្នាដោយក្រុមហ៊ុន GJC Corporation ក្រុមហ៊ុន INCJ និងក្រុមហ៊ុន Kitahara Medical Strategies International។ ក្នុងទំហំទឹកប្រាក់វិនិយោគចំនួន ៣៥ លានដុល្លារអាមេរិក មន្ទីពេទ្យនេះ ត្រូវបានសាងសង់ឡើងដោយក្រុមហ៊ុនសាងសង់ក្នុងស្រុក Ly Chhuong Construction Co. Ltd។ អានបន្ថែម

ក្នុងនោះដែរ ក៏មានមន្ទីពេទ្យ រ៉ូយ៉ាល់ ភ្នំពេញដែលបានបើកសម្ពោធកាលពីឆ្នាំ ២០១៤ ដែលបានវិនិយោគក្នុងទំហំទឹកប្រាក់ប្រមាណជា ៥០ លានដុល្លារអាមេរិក និងសាងសង់ឡើងដោយក្រុមហ៊ុន Bangkok Dusit Medical Services។

• ចំណេះដឹង និង បទពិសោធន៍
• គម្រោងអភិវឌ្ឍន៍
• អត្ថបទវិភាគ
• ធុរកិច្ច និងទីផ្សារ
• ចំណេះដឹង និង បទពិសោធន៍
• គម្រោងអភិវឌ្ឍន៍
• នគរូបនីយកម្ម និងស្ថាបត្យកម្ម
• បច្ចេកវិទ្យា និងវិស្វកម្ម
• ធុរកិច្ច និងទីផ្សារ
• អត្ថបទវិភាគ