ក្រុមហ៊ុន Cellcard Finance លេងជារបស់អ្នកឧកញ៉ា គិត ម៉េងទៀតហើយ

• 17 ខែ​កញ្ញា 2018
• ព័ត៌មានអចលនទ្រព្យ
• 9 មើល

ក្រុមហ៊ុនជួលអចលនទ្រព្យរបស់តៃវ៉ាន់ Chailease Holding បានទិញភាគហ៊ុនរបស់ក្រុមហ៊ុន Cellcard Finance PLC ដែលជាក្រុមហ៊ុនមួយរបស់រ៉ូយ៉ាល់គ្រុបរបស់អ្នកឧកញ៉ា គិត ម៉េង នេះបើយោងតាមការចុះផ្សាយរបស់សារព័ត៌មានអន្តរជាតិ The Taipei Times កាលពីថ្ងៃទី ១៧ ខែ កញ្ញា ឆ្នាំ ២០១៨។​

ប្រភពដដែលបានឲ្យដឹងថា កាលពីថ្ងៃព្រហស្បតិ៍ទី ១៣ ខែ កញ្ញា ឆ្នាំ ២០១៨ លោក Albert Chen ប្រធានក្រុមហ៊ុន Chailease បានប្រកាសពង្រីកទីផ្សាររបស់ខ្លួនក្នុងតំប់អាស៊ីអាគ្នេយ៍ដោយការទិញភាគហ៊ុនប្រមាណជា៦០ភាគរយរបស់ក្រុមហ៊ុន Cellcard Finance។

លោក Albert Chen បានបន្ថែមទៀតថា បន្ទាប់ពីទទួលបានការអនុញ្ញាតជាផ្លូវការពីស្ថាប័នពាក់ពន្ធ ក្រុមហ៊ុន Cellcard Finance នឹងត្រូវប្តូរឈ្មោះទៅជាក្រុមហ៊ុន Chailese Royal Finance PLC វិញ។

Taipei Times បានបន្ថែមថាក្រុមហ៊ុនរ៉ូយ៉ាល់គ្រុបនិងក្រុមហ៊ុន Chailease បានបង្កើតក្រុមហ៊ុនដែលមានទុនវិនិយោគរួមគ្នាមួយកាលពីចុងឆ្នាំ២០១៦ដើម្បីផ្តល់សេវាកម្មជួលនិងសេវាកម្មហិរញ្ញវត្ថុទៅលើអចលនទ្រព្យរួមមានយានយន្ត គ្រឿងអគ្គិសនី និងឧបករណ៍សំណង់ផ្សេងៗ។

យោងតាមរបាយការណ៍របស់ Bloombergស្តីពីព័ត៌មានក្រុមហ៊ុនជាសកល ក្រុមហ៊ុន Chailease គឺជាក្រុមហ៊ុនជួលអចលនទ្រព្យអន្តរជាតិមួយដែលផ្តល់សេវាកម្មជួលជាច្រើនរួមមាន៖ សេវាកម្មជួលគ្រឿងបរិក្ខារដឹកជញ្ជូន សេវាកម្មជួលឧបករណ៍ឧស្សាហកម្មលក់ដុំនិងរាយ សេវាកម្មជួលឧស្សាហកម្មសំណង់ព្រមទាំងសេវាកម្មជួលជាច្រើនទៀតនៅកោះតៃវ៉ាន់ ប្រទេសចិន ប្រទេសថៃ និងកន្លែងជាច្រើនទៀតនៅក្នុងទីផ្សារអន្តរជាតិ។

• ធុរកិច្ច និងទីផ្សារ
• ធុរកិច្ច និងទីផ្សារ