ក្រុមហ៊ុន Donaco International  ស្នើឥណទាន៥លានដុល្លារទ្រទ្រង់កាស៊ីណូនៅប៉ោយប៉ែត

• 5 ខែ​ឧសភា 2022
• ព័ត៌មានអចលនទ្រព្យ
• 17 មើល

ក្រុមហ៊ុន Donaco International Ltd ដែលគ្រប់គ្រងកាស៊ីណូ នៅទីក្រុងប៉ោយប៉ែត បានស្នើឥណទាន ៥លាន ដុល្លារ សម្រាប់ទ្រទ្រង់អាជីវកម្មកាស៊ីណូ DNA Star Vegas នៅក្រុងប៉ោយប៉ែត។ នេះបើ យោងតាមការ ចុះផ្សាយ របស់ GGRASIA នៅថ្ងៃទី៣ ខែឧសភា។​

សេចក្តីប្រកាសកាលពីថ្ងៃច័ន្ទ ធ្វើឡើងបន្ទាប់ពីក្រុមហ៊ុន បានការបិទ បណ្តោះអាសន្នរយៈពេលពីរឆ្នាំ ដោយសារការ រីករាតត្បាតជំងឺកូវីដ។

ឯកសារ​ដដែល ក្រុមហ៊ុន ​បានសម្រេចប្តូរឈ្មោះទៅ​ជា “DNA Star Vegas”។

​ការដាក់របាយការណ៍ កាលពីថ្ងៃច័ន្ទទៅកាន់ផ្សារមូលបត្រអូស្ត្រាលី ទាក់ទងនឹងការផ្តល់ប្រាក់កម្ចីនោះ ក្រុមហ៊ុន Donaco បានរំលឹកឡើងវិញថា កាស៊ីណូរបស់ខ្លួន “បានរងផលប៉ះពាល់យ៉ាងធ្ងន់ធ្ងរដោយសារជំងឺរាតត្បាត Covid-19 ហើយជាពិសេសការបិទព្រំដែនអន្តរជាតិដែលបានប៉ះពាល់យ៉ាងខ្លាំង ដល់កាស៊ីណូនៅ ប្រទេស វៀតណាម និងកម្ពុជា”។

ក្រុមហ៊ុន បានរំពឹងថា DNA Star Vegas នឹងអាចបើកដំណើរការឡើងវិញ ទោះបីមិនទាន់មានការបញ្ជាក់ណាមួយ ពីអាជ្ញាធររដ្ឋាភិបាលកម្ពុជា ថានឹងកើតឡើងនៅពេលណានោះទេ។ តាម​ការ​ប្រកាស​របស់​រដ្ឋាភិបាល​កម្ពុជា​ បញ្ជារ​ឱ្យ​បិទ​កាស៊ីណូ​ទាំង​អស់​ជា​បណ្ដោះ​អាសន្ន​ចាប់​ពី​ថ្ងៃ​ទី១ ខែ​មេសា ឆ្នាំ ២០២០។

ក្រុមហ៊ុន បាននិយាយថា ឥណទាននេះ នឹងធានាថាអាជីវកម្ម នៅតែស្ថិតក្នុងស្ថានភាពប្រកបដោយនិរន្តរភាព រហូតដល់លក្ខខណ្ឌកាន់តែប្រសើរឡើង។

• ធុរកិច្ច និងទីផ្សារ
• ធុរកិច្ច និងទីផ្សារ