គម្រោងពង្រីកធំបំផុតនៃតំបន់សេដ្ឋកិច្ចពិសេស

• 13 ខែ​វិច្ឆិកា 2017
• ព័ត៌មានអចលនទ្រព្យ
• 9 មើល

តំបន់សេដ្ឋកិច្ចពិសេសព្រះសីហនុ (SSEZ) នឹងត្រូវពង្រីកទំហំទ្វេដងក្នុងរយៈពេល ៥ឆ្នាំខាងមុខ ហើយនឹងទាក់ទាញអ្នកជួលថ្មីចំនួន ៣០០។

តំបន់សេដ្ឋកិច្ចពិសេសធំជាងគេរបស់កម្ពុជានេះ ត្រូវបានបង្កើតឡើងក្នុងឆ្នាំ២០០៨ មានទំហំ ១,១០០ហិកតាស្ថិតនៅជិតកំពង់ផែសមុទ្រទឹកជ្រៅតែមួយគត់របស់ប្រទេស។ ក្រុមហ៊ុនបណ្តាក់ទុនរួមគ្នារវាងចិននិងកម្ពុជា SSEZ បានក្លាយជាផ្នែកមួយដ៏សំខាន់នៃកិច្ចសហប្រតិបត្តិការរវាងប្រទេសទាំងពីរលើគំនិតផ្តួចផ្តើមខ្សែក្រវ៉ាត់មួយផ្លូវមួយរបស់ប្រទេសចិន។

បច្ចុប្បន្នមានមនុស្សជាង ១៦ពាន់នាក់កំពុងធ្វើការនៅក្នុងរោងចក្រចំនួន ៩៣ នៅតំបន់សេដ្ឋកិច្ចពិសេសនេះ ហើយក្នុងចំណោមអាជីវកម្មទាំង១១០ដែលជួលទីតាំង ភាគច្រើនជាអាជីវកម្មរបស់ជនជាតិចិន។

យោងតាមលោក Cao Jianjiang អ្នកគ្រប់គ្រងទូទៅនៃ SSEZ បានឲ្យដឹងថា ការពង្រីករយៈពេល៥ឆ្នាំនេះនឹងត្រូវអភិវឌ្ឍលើផ្ទៃដីទំហំជាង ៦០០ហិកតា ជាមួយនិងគម្រោងសាងសង់ប្លុកអគារលំនៅឋាន និងបង្កើនចំនួនកម្មករដល់ ៨០ពាន់នាក់នៅត្រឹមឆ្នាំ ២០២២។

• គម្រោងអភិវឌ្ឍន៍
• គម្រោងអភិវឌ្ឍន៍