គម្រោងព្រលានយន្តហោះភ្នំពេញថ្មី ដោះស្រាយវិវាទដីបានជាង ៤៣% ហើយ

• 6 ខែ​កុម្ភៈ 2021
• Uncategorized @km
• 8 មើល

វិវាទដីធ្លីដែលប៉ះពាល់ការសាងសង់ព្រលានយន្តហោះភ្នំពេញថ្មី តម្លៃជាង១,៥ ពាន់លានដុល្លារ របស់ក្រុមហ៊ុន OCIC មកទល់ពេលនេះ បានដោះស្រាយរួចរាល់ជាង ៤៤%ហើយ។ នេះបើយោងតាមរបាយការណ៍របស់ក្រសួងរៀបចំដែនដី នគររូបនីយកម្ម និងសំណង់ កាលពីថ្មីៗនេះ។

របាយការណ៍ដដែលបានឱ្យដឹងថា គិតចាប់ពីពេលចាប់ផ្តើមដោះស្រាយ មកទល់ខែធ្នូឆ្នាំ ២០២០ ដីដែលបានដោះស្រាយរួចមានសរុបជាង ១,១ពាន់ហិកតា ឬស្មើនឹង ៤៣,៧៥ % នៃផ្ទៃដីសរុបជាង ២,៦ ពាន់ហិកតា។

លើសពីនេះ ក្រសួងក៏បានចុះពិនិត្យទីតាំងដែលមានវិវាទជាបន្តបន្ទាប់ ហើយកន្លងមកបានរៀបចំកិច្ចសន្យាទិញលក់ដីនៅទីតាំងព្រលានថ្មីនេះ ចំនួន ១៥០កិច្ចសន្យា ដើម្បីត្រៀមឱ្យម្ចាស់ដីចុះហត្ថលេខា។

គួរបញ្ជាក់ផងដែរថា ព្រលានយន្តហោះភ្នំពេញថ្មីដែលមានតម្លៃវិនិយោគប្រមាណជា ១,៥ ពាន់លានដុល្លារអាមេរិកនេះ បច្ចុប្បន្នកំពុងអភិវឌ្ឍដោយក្រុមហ៊ុន OCIC ហើយគ្រោងនឹងបញ្ចប់ការសាងសង់ដំណាក់កាលទី១ នៅក្នុងឆ្នាំ២០២៣ ខាងមុខនេះ។ (អានបន្ថែម)

តួលេខចុងក្រោយដែលទទួលបានកាលពីខែមេសា ឆ្នាំ ២០២០ ព្រលានថ្មីនេះ សម្រេចការសាងសង់ប្រមាណ ៣០% ហើយ។ ប៉ុន្តែមកទល់បច្ចុប្បន្នក្រុមហ៊ុន OCIC នៅតែមិនទាន់បង្ហើបពីវិវឌ្ឍនភាពថ្មីណាមួយនៅឡើយទេ។ (អានបន្ថែម)

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍