ឆមាសទី១-២០២២ តម្លៃជួលអាផាតមិន កើនបន្តិចបន្តួច ខណៈការផ្គត់ផ្គង់ហក់ខ្ពស់រហូតដល់ ២១%

• 13 ខែ​កក្កដា 2022
• ព័ត៌មានអចលនទ្រព្យ
• 9 មើល

ឆមាសទី១-២០២២ តម្លៃជួលអាផាតមិន មានការកើនឡើងបន្តិចបន្តួចប៉ុណ្ណោះ ខណៈការផ្គត់ផ្គង់ហក់​ឡើងខ្លាំងគួឱ្យកត់សម្គាល់ បើប្រៀបធៀបនឹងឆមាសទី២ ឆ្នាំ២០២១​។ នេះបើតាម CBRE Cambodia កាលពីថ្ងៃទី៧ ខែកក្កដា ឆ្នាំ២០២២។

យោងតាមរបាយការណ៍ដដែលបានបង្ហាញថា តម្លៃជួល បានកើនឡើងប្រមាណ២,៤% សម្រាប់អាផាតមិនកម្រិត A (តម្លៃខ្ពស់) និងប្រមាណ១,៥% សម្រាប់​អាផាត​មិនកម្រិត B (តម្លៃមធ្យម)។

ចំពោះការផ្គត់ផ្គង់ក្នុងឆមាសទី១ នេះ មានប្រមាណជាង៤០០ យូនីត ត្រូវបានសាងសង់រួចរាល់ និងដាក់ដំណើរការ ដែល​ស្មើ​នឹង២១% នៃការផ្គត់ផ្គង់សរុបនៃអាផាតមិន លំដាប់A និង​លំដាប់B បើប្រៀបធៀបនឹង​ឆមាស​ទី២ ឆ្នាំ​២០២១ ដែលបើក​ដំណើរ​​​​ការដោយ​អ្នកវិនិយោគ​បរទេស។

ជាមួយគ្នានេះផងដែរ ក្នុងអំឡុងពេល ៦ខែចុងក្រោយនេះ គម្រោងសាងសង់អាផាតមិនចំនួន៣ បានសាងសង់​រួចរាល់​រួមមាន គម្រោង Citadines Flatiron Phnom Penh ស្ថិតនៅក្នុងខណ្ឌដូនពេញ និងគម្រោង Jasmine Residents ស្ថិតក្នុងខណ្ឌបឹងកេងកង ដែលគម្រោងទាំងពីរនេះ ជាប្រភេទលំដាប់ A។ ក្រៅពីនេះ គម្រោង TK Central ជាគម្រោងលំដាប់ B ស្ថិតក្នុងខណ្ឌទួលគោក។

បើតាម CBRE Cambodia បានឱ្យដឹងបន្ថែមថា ការកើនឡើងទាំងតម្លៃជួលខុនដូ និងអាផាតមិនជាបណ្តើរៗនេះ​ គឺដោយសារការត្រលប់មកស្នាក់នៅរបស់ម្ចាស់អគារទាំងនោះ។

ចំពោះនិន្នាការទីផ្សារអាផាតមិននេះ អ្នកវិនិយោគជាជនបរទេស ក៏គ្រោងនឹងបើកដំណើរការ​យ៉ាងហោច​ណាស់​៥០០ យូនីតបន្ថែម​ទៀត​ នៅត្រីមាសបន្តបន្ទាប់នេះ។

• អត្ថបទវិភាគ
• អត្ថបទវិភាគ