ឆមាសទី១ CDC អនុម័តការវិនិយោគសរុប ៨៧គម្រោង តម្លៃជិត ៣ពាន់លានដុល្លារ កើនជាង១០%

• 7 ខែ​កក្កដា 2021
• Uncategorized
• 10 មើល

ក្រុមប្រឹក្សាអភិវឌ្ឍន៍កម្ពុជា (CDC) នៅក្នុងឆមាសទី១ ឆ្នាំ២០២១ បានអនុម័តគម្រោងវិនិយោគថ្មី និងគម្រោងពង្រីកផលិតកម្មសរុប ៨៧គម្រោង ឬស្មើនឹងទុនវិនិយោគចំនួនជិត ៣ពាន់លានដុល្លារ ដែលកើនប្រមាណ ១០% ឬ ៣១៥លានដុល្លារអាមេរិក។

បើយោងតាមចុះផ្សាយរបស់ Fresh News កាលពីថ្ងៃទី៦ ខែកក្កដា បើធៀបនឹងរយៈពេលដូចគ្នានៅឆ្នាំ ២០២០ ជាក់ស្ដែង ចំនួនគម្រោងមានការថយចុះ ៦៣គម្រោង ឬស្មើនឹង ៧២% តែទុនវិនិយោគគឺមានការកើនឡើងរហូត ៣១៥ លានដុល្លារអាមេរិក ឬស្មើនឹង១០% ។

ការកើនឡើងនេះ ដោយសារវត្តមាននៃគម្រោងវិនិយោគធំៗមួយចំនួន ដូចជាគម្រោងរោងចក្រអគ្គិសនី ធ្យូងថ្មអានុភាព ៧០០មេហ្កាវ៉ាត់ របស់ក្រុមហ៊ុន Huadian Sihanoukville Power Generation Co., Ltd តម្លៃ ១,៣ ពាន់លានដុល្លារអាមេរិក រោងចក្រផលិតក្រដាសរបស់ក្រុមហ៊ុន Shunying Pulp and Paper Company Limited តម្លៃ ៥០៤លានដុល្លារអាមេរិក និងរោងចក្រផលិតសំបកកង់យានយន្តរបស់ក្រុមហ៊ុន Cart Tire Co., Ltd. តម្លៃ ៣៥០លានដុល្លារអាមេរិក។

ក្នុងចំណោមគម្រោងទាំងអស់ មានគម្រោងវិនិយោគថ្មីក្រៅតំបន់សេដ្ឋកិច្ចពិសេស ៥៣គម្រោង (តម្លៃជាង ៩០០លានដុល្លារអាមេរិក) ការពង្រីកផលិតកម្មចំនួន ១១គម្រោង (ជាង១៥០ លានដុល្លារអាមេរិក) និងគម្រោងវិនិយោគថ្មីក្នុងតំបន់សេដ្ឋកិច្ចពិសេស ២៣គម្រោង (១,៨ ពាន់ដុល្លារអាមេរិក)។

ប្រភពដដែលបានឱ្យដឹងថា គម្រោងទាំងនេះ នឹងជួយបង្កើតការងារបានចំនួន ៥០.០២៩កន្លែង។

គួរបញ្ជាក់ផងដែរថា គិតត្រឹមឆមាសទី ១ តួរលេខវិនិយោគមកពីប្រទេសចិន នៅតែឈរនៅលំដាប់ទី១ ដោយចូលរួមចំណែកប្រមាណ ៦៩%នៃការវិនិយោគសរុប ខណៈដែលការវិនិយោគក្នុងស្រុកឈរនៅលំដាប់ទី២ ដោយចូលរួមចំណែក ២១%៕

• គម្រោងអភិវឌ្ឍន៍
• ការវិនិយោគ និងមូលធន
• Investment and Funding
• Projects Development
• គម្រោងអភិវឌ្ឍន៍
• Economy and Finance
• ការវិនិយោគ និងមូលធន