ឆ្នាំ២០២២ រដ្ឋប្រមូលពន្ធប្រថាប់ត្រាកើនបាន ១២,៧% ធៀបនឹងឆ្នាំ២០២១

• 1 ខែ​កុម្ភៈ 2023
• Uncategorized @km
• 7 មើល

ក្នុងឆ្នាំ២០២២ អគ្គនាយកដ្ឋានពន្ធដារប្រមូលចំណូលពន្ធប្រថាប់ត្រាលើការផ្ទេរកម្មសិទ្ធិ និងសិទ្ធិកាន់កាប់អចលនវត្ថុ កើនឡើង ១២,៧% ធៀបនឹងឆ្នាំ២០២១។ នេះបើតាមសេចក្តីប្រកាសពត៌មានរបស់អគ្គនាយកដ្ឋានពន្ធដារ​ កាលពីថ្ងៃទី៣១ ខែមករា ឆ្នាំ២០២៣។

ចំពោះចំណូលពន្ធ-អាករសរុប ក្នុងឆ្នាំ២០២២ ដែលអគ្គនាយកដ្ឋានប្រមូលតាមប្រព័ន្ធគ្រប់គ្រងទិន្នន័យចំណូលអនឡាញ បានចំនួនប្រមាណ ៣.៤៥៥,១១លានដុល្លារ ស្មើនឹង ១២២,៥៤% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងប្រចាំឆ្នាំ២០២២។

ដូច្នេះចំណូលពន្ធឆ្នាំ២០២២នេះ មានការកើនឡើងប្រមាណ ២៣,៩៦%  ស្មើនឹង ៦៦៧,៣៤លានដុល្លារ បើធៀបនឹងឆ្នាំ២០២១។

ទន្ទឹមនឹងនេះផងដែរ សម្រាប់រយៈពេល ១២ខែ ក្នុងឆ្នាំ២០២២ ចំណូលពីប្រភេទពន្ធសំខាន់ៗ បានរក្សាកំណើនធៀបនឹងរយៈពេលដូចគ្នាក្នុងឆ្នាំ២០២១​ ក្នុងនោះមានពន្ធលើប្រាក់ចំណូល២៣,៧៣% អាករលើតម្លៃបន្ថែម ៣៤,១០% ពន្ធលើប្រាក់បៀវត្ស ២២,៤៥% អាករពិសេស ២៥,៧០% និងពន្ធប្រថាប់ត្រាលើការផ្ទេរកម្មសិទ្ធិកាន់កាប់អចលនវត្ថុ កើនឡើង ១២,៧% ផងដែរ។

• Investment and Funding