ដំណើរការសាងសង់មន្ទីរពិសោធន៍ជាតិសំណង់សម្រេចបាន៨០%ហើយ

• 17 ខែ​ធ្នូ 2021
• Uncategorized
• 9 មើល

គិតដល់ពេលនេះ ដំណើរការសាងសង់មន្ទីរពិសោធន៍ជាតិសំណង់ ដែលស្ថិតក្នុងបរិវេណទីស្ដីការក្រសួងដែនដីថ្មីនៅ ផ្លូវលេខ៣០៧ ក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ សម្រេចបាន ៨០% ហើយ។

នេះបើតាមជំនួបសម្តែងការគួរសម និងពិភាក្សាការងារ រវាងឯកឧត្ដម ជា សុផារ៉ា ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជាមួយលោកស្រី Kamei Haruko ប្រធាន JICA ប្រចាំនៅព្រះរាជាណាចក្រកម្ពុជា កាលថ្ងៃទី១៦ ខែធ្នូ ឆ្នាំ២០២១។

នាឱកាសនោះ ឯកឧត្ដម ជា សុផារ៉ា បានជម្រាបជូនប្រតិភូJICA ថា បច្ចុប្បន្នដំណើរការសាងសង់មន្ទីរពិសោធន៍ជាតិសំណង់កំពុងដំណើរទៅដោយរលូន ព្រោះមានការគាំទ្រដ៏សំខាន់ពី JICA ផងដែរ។

ជាការឆ្លើយតប លោកស្រី Kamei Haruko ក៏បានបង្ហាញការកោតស្ញប់ស្ញែងចំពោះស្ថាបត្យកម្មដ៏ប្រណិតអស្ចារ្យមួយនេះ។

គួរបញ្ជាក់ថា គម្រោងនេះត្រូវបានបើកការដ្ឋាន នៅថ្ងៃទី ១៧ កក្កដា ឆ្នា២០២១ ក្រោមវត្តមានឯកឧត្តម ជា សុផារ៉ា។ អគារត្រូវសាងសង់លើផ្ទៃដី ១ហិកតា មានអគារកម្ពស់ ២ ជាន់ និងត្រូវបែងចែកជា ៣ ផ្នែកផ្សេងៗគ្នា។ អគារទាំងនេះ នឹងត្រូវប្រើប្រាស់ជាទីតាំងពិសោធន៍ទូទៅ ពិសោធន៍សំណង់ បរិក្ខារសំណង់ និងផលិតផលសំណង់ជាដើម។ បើតាមផែនការ អគារនេះនឹងប្រើពេល ៨ ខែ ដើម្បីបញ្ចប់ការសាងសង់៕ (អានបន្ថែម)

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍