តម្លៃខ្ពស់នៅទីក្រុងបាងកកបានផ្លាស់ប្តូរចំណាប់អារម្មណ៍អ្នកអភិវឌ្ឍ

• 23 ខែ​មករា 2019
• ព័ត៌មានអចលនទ្រព្យ
• 10 មើល

អ្នកអភិវឌ្ឍអចលនទ្រព្យនៅទីក្រុងបាងកកបាននិងកំពុងធ្វើការផ្លាស់ប្តូរអាទិភាពនៃការអភិវឌ្ឍន៍អចលនទ្រព្យរបស់ពួកគេដោយសារតែតម្លៃដីធ្លីនៅទីក្រុងនេះមានការកើនឡើងយ៉ាងឆាប់រហ័សនេះបើយោងតាមរបាយការណ៍ថ្មីពី CBRE THAILAND។

របាយការណ៍នេះបានឲ្យដឹងថាការស្ទាក់ស្ទើររបស់អ្នកអភិវឌ្ឍក្នុងការចំណាយទៅលើតម្លៃដីដែលស្ថិតក្នុងទម្រង់ជា«ការជួលនិងផ្តល់សិទិ្ធលើទ្រព្យសម្បត្ដិឬ Freehold»ខ្ពស់បែបនេះបានធ្វើឲ្យអ្នកអភិវឌ្ឍទាំងនោះធ្វើឲ្យមានភាពសម្បូរបែបទៅកាន់ «ការសាងសង់ដើម្បីកាន់កាប់អចលនទ្រព្យ»ដូចជាអាផាតមិនដែលមានផ្តល់សេវាកម្មបន្ថែម ការិយាល័យ និងសណ្ឋាគារវិញជាជាងសាងសង់លក់អចលនទ្រព្យដូចជាខុនដូជាដើម។

របាយការណ៍របស់CBRE នៅក្នុងខែកក្កដា ឆ្នាំ២០១៨ កន្លងទៅនេះ បានបង្ហាញថា ភាពប្រែប្រួលនៃតម្លៃដីតំបន់កណ្តាលទីក្រុងបាកកគឺបាន បានកើនឡើងពី ១,០០០ ភាគរយតាំងពីឆ្នាំ ១៩៨៨ មកម្ល៉េះ។ ការពិតនេះបាននាំឲ្យអ្នកវិនិយោគស្វែងរកការវិនិយោគបន្ថែមទៀតជាមួយវិនិយោគិនបរទេសដែលមានការបណ្តាក់ទុនចំនួន ១៥ក្រុមហ៊ុនបានចុះហត្ថលេខានៅឆ្នាំ២០១៨ ដែលក្នុងនោះ ៧៥ ភាគរយជាក្រុមហ៊ុនមកពីប្រទេសជប៉ុន ។

• អត្ថបទវិភាគ
• ធុរកិច្ច និងទីផ្សារ
• អត្ថបទវិភាគ
• ធុរកិច្ច និងទីផ្សារ