ត្រឹមឆ្នាំ២០២១ អាល្លឺម៉ង់បានផ្តល់ហិរញ្ញប្បទានដល់កម្ពុជា ៦៧០លានដុល្លារ ស្មើនឹង២.៦%

• 29 ខែ​កញ្ញា 2022
• Uncategorized
• 7 មើល

គិតត្រឹមឆ្នាំ២០២១ អាល្លឺម៉ង់បានផ្តល់ហិរញ្ញប្បទានដល់កម្ពុជាសរុបចំនួន ៦៧០លានដុល្លារ ស្មើនឹង២.៦% នៃទំហំហិរញ្ញប្បទានទាំងអស់ដែលផ្តល់ដោយដៃគូអភិវឌ្ឍន៍មកកម្ពុជា។

តួលេខនេះត្រូវបានលើកឡើងក្នុងជំនួបរវាងឯកឧត្តម ឈៀង យ៉ាណារ៉ា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការគណៈកម្មាធិការនីតិសម្បទា និងអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា ជាមួយឯកឧត្តម Stefan Anton Messerer ឯកអគ្គរដ្ឋទូតវិសាមញ្ញ និង ពេញសមត្ថភាពនៃសាធារណរដ្ឋសហព័ន្ធអាល្លឺម៉ង់នៅថ្ងៃទី២៨ កញ្ញា ២០២២។

កន្លងមក រដ្ឋាភិបាលអាល្លឺម៉ង់តែងតែផ្តល់ការគាំទ្រ និងរួមចំណែកក្នុងការអភិវឌ្ឍលើវិស័យអាទិភាពមួយចំនួនក្នុងប្រទេសកម្ពុជា មានដូចជា៖ ការអភិវឌ្ឍន៍ជនបទ, សុខាភិបាល និងគាំពារសង្គម, អភិបាលកិច្ច និងអាកាសធាតុ។

ជាមួយគ្នានេះដែរ ភាគីទាំងពីរក៏បានពិភាក្សានិងផ្លាស់ប្តូរយោបល់លើប្រធានបទពាក់ព័ន្ធរួមមាន៖ វិស័យមីក្រូហិញ្ញវត្ថុ, ហិរញ្ញប្បទានសម្បទាន, និងវឌ្ឍនភាពនៃកិច្ចសហប្រតិបតិ្តការអភិវឌ្ឍន៍រវាងប្រទេសទាំងពីរផងដែរ។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍