ត្រឹមពាក់កណ្ដាលឆ្នាំ២០២០ កម្ពុជាមានកម្ចីជាង៧,៩ពាន់លានដុល្លារ ៨៧%ប្រើសង់ហេដ្ឋារចនាសម្ព័ន្ធ

• 16 ខែ​ធ្នូ 2020
• Uncategorized
• 11 មើល

គិតមកត្រឹមខែ មិថុនា ឆ្នាំ ២០២០ ប្រទេសកម្ពុជាមានកម្ចីពីបរទេសសរុបចំនួន ៧,៩ ពាន់លានដុល្លារអាមេរិក ដែលជាង ៨៧ ភាគរយ នៃកម្ចីត្រូវបានប្រើប្រាស់សម្រាប់អភិវឌ្ឍន៍ហេដ្ឋារចនាសម្ព័ន្ធរូបវន្ត។ នេះបើយោងតាមរបាយការណ៍របស់ធនាគារពិភពលោក ចេញផ្សាយកាលពីខែវិច្ឆិកា ឆ្នាំ ២០២០នេះ។

ក្នុងចំណោមកម្ចីបរទេសទាំងអស់ ចិន មានចំណែកធំជាងគេបំផុត ដែលក្នុងនោះកម្ពុជាមានបំណុលមិនទាន់សងសរុបចំនួន ៣,៧ ពាន់លានដុល្លារអាមេរិក (ស្មើនឹង ៤៦,៨ ភាគរយនៃចំនួនកម្ចីសរុប)។

បន្ថែមពីនេះ កម្ចីបរទេសច្រើនបំផុតបន្ទាប់ពីចិន រួមមាន កម្ចីចេញពីធនាគារអភិវឌ្ឍន៍អាស៊ី (ADB) ១៨,៦ ភាគរយ និងធនាគារពិភពលោក ៧,៩ ភាគរយ និងកម្ចីពីប្រទេសដទៃទៀតរួមមាន ប្រទេសជប៉ុនកូរ៉េ (សាធារណរដ្ឋ) និងបារាំង ។

របាយការណ៍ដដែលរបស់ធនគារពិភពលោក បន្តទៀតថា បំណុលសាធារណៈ ត្រូវបានគេរំពឹងថានឹងកើនឡើងប្រមាណ ៣១,៦ ភាគរយនៃ GDP ក្នុងឆ្នាំ ២០២០ ប៉ុន្តែហានិភ័យបំណុលនៅតែមានកម្រិតទាបនៅឡើយ។

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍
• Economy and Finance