ផែនការមេអភិវឌ្ឍន៍វិស័យទេសចរណ៍ ផ្តោតលើការតភ្ជាប់សំខាន់ៗចំនួនបី

• 12 ខែ​មេសា 2022
• Uncategorized
• 6 មើល

ផែនការមេអភិវឌ្ឍន៍វិស័យទេសចរណ៍ខេត្តមណ្ឌលគីរី ផ្តោតលើការតភ្ជាប់នៃមធ្យោបាយធ្វើដំណើរ ចំនួនបីសំខាន់ សម្រាប់ខេត្តមណ្ឌលគីរី។

ទិសដៅយុទ្ធសាស្រ្តទី៦នៃផែនការមេះនេះ គឺនិយាយអំពីការតភ្ជាប់ ការសម្រួលការធ្វើដំណើរ និងការធ្វើសមាហរណកម្មក្នុងក្របខណ្ឌជាតិ និងតំបន់ ដែល ការតភ្ជាប់ការធ្វើដំណើរនេះគឺមានមធ្យោបាយចំនួន៣ ការតភ្ជាប់តាមផ្លូវអាកាស ការតភ្ជាប់តាមផ្លូវទឹក និងផ្លូវល្បឿនលឿន។

បច្ចុប្បន្នរាជរដ្ឋាភិបាលកំពុងអនុវត្តការសាងសង់ព្រលានយន្តហោះខេត្តមណ្ឌលគិរី ដែលមិនត្រឹមតែតភ្ជាប់រវាងព្រលានយន្តហោះក្នុងប្រទេសប៉ុណ្ណោះទេ ថែមទាំងឈានទៅដល់ការតភ្ជាប់ជាមួយបណ្ដាប្រទេសជិតខាង ដូចជា វៀតណាម ឡាវ ថៃជាដើម។ តាមការបញ្ជាក់ពីរដ្ឋលេខាធិការដ្ឋានអាកាសចរណ៍ស៊ីវិល នឹងបញ្ចប់គម្រោងសាងសង់ព្រលានយន្តហោះនេះនៅចុងឆ្នាំ២០២៣។

ការតភ្ជាប់តាមផ្លូវទឹក៖ ដោយសារនៅស្រុកកោះញែកមានទន្លេស្រែពកដែលតភ្ជាប់ជាមួយទន្លេមេគង្គ ដូច្នេះទៅពេលអនាគតកម្ពុជាអាចតភ្ជាប់បណ្ដាញទេសចរណ៍ផ្លូវទឹកពីចំណុចទន្លេចតុមុខ តំបន់ទន្លេសាប តំបន់ឆ្នេរ ហើយនឹងមានការកសាងឱ្យមានចំណតយន្តហោះលើទឹកសម្រាប់បម្រើដល់វិស័យទេសចរណ៍។

ការតភ្ជាប់តាមផ្លូវគោក៖ ផែនការមេដដែលនេះបានជំរុញឱ្យមានការសិក្សាអភិវឌ្ឍនូវផ្លូវល្បឿនលឿន (High way) តភ្ជាប់ពីរាជធានីភ្នំពេញទៅក្រុងសែនមនោរម្យ ខេត្តមណ្ឌលគិរីនេះ ដែលមានកំណត់នៅក្នុងចក្ខុវិស័យដល់ឆ្នាំ២០៣៥។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍