ផ្សារទំនើបបែបធម្មជាតិនឹងបើកដំណើរការនៅខែធ្នូឆ្នាំ២០១៨

• 10 ខែ​កញ្ញា 2018
• ព័ត៌មានអចលនទ្រព្យ
• 9 មើល

ផ្សារទំនើប Midtown Community Mall ដែលមានទីតាំងនៅតាមបណ្តោយផ្លូវ ២០០៤ កែងទៅនឹងផ្លូវ ១៣B ត្រូវបានរចនាឡើងដោយមានការបំពាក់ទៅដោយគ្រឿងតុបតែងជាឈើជាមួយនឹងការរចនាទីធ្លារសម្បូរទៅដោយរុក្ខជាតិបៃតង ដែលទាំងអស់នេះនឹងផ្តល់នូវបទពិសោធន៍ថ្មីមួយទៀតសម្រាប់ភ្ញៀវដែលដើរកំសាន្តក្នុងតំបន់ផ្សារ Midtown។ ផ្សារទំនើបនេះនឹងដាក់ឲ្យដំណើរការនៅក្នុងខែធ្នូ ឆ្នាំ២០១៨។

លើសពីនេះទៅទៀតដំបូលរបស់ផ្សារទំនើប Midtown គឺត្រូវបានបំពាក់ដោយផ្ទាំងកញ្ចក់ដែលនឹងផ្តល់ពន្លឺគ្រប់គ្រាន់សម្រាប់ផ្សារខណៈបរិវេណរបស់ផ្សារនឹងត្រូវដាំដោយដើមឈើជាច្រើនដែលនឹងអនុញ្ញាតឲ្យលំហូរខ្យល់ចេញចូលមានភាពងាយស្រួល។ ផ្សារទំនើបនេះមានហាងសម្រាប់ជួលប្រមាណ ៣២ហាង ដែលផ្នែកកម្សាន្តមានប្រមាណ ៤៤ភាគរយ ផ្នែកភោជនីយដ្ឋាន ៣២ភាគរយ និងផ្នែកផ្សារទំនើបមានប្រមាណ ២៣ភាគរយ។

ផ្សារទំនើប Midtown នេះដែរនឹងត្រូវគ្រប់គ្រងការជួលទាំងស្រុងដោយក្រុមហ៊ុនដោយ CBRE Cambodia។

សូមបញ្ជាក់ថា ផ្សារទំនើប Midtown នេះគឹត្រូវបានអភិវឌ្ឍន៍ឡើងដោយក្រុមហ៊ុន Kao Cheng International Co., Ltd. មានផ្ទៃក្រឡាសរុបចំនួន ៨.៥០០ម៉ែត្រការ៉េ ហើយត្រូវបានបង្កើតឡើងដោយផ្អែកលើចំណុចសំខាន់ពីររួមមានបង្កើតអគារដែលមាននិរន្តរភាព និងបង្កើតកន្លែងសម្គាល់ថ្មីមួយទៀតសម្រាប់ប្រជាជន។ អានបន្ថែម

• គម្រោងអភិវឌ្ឍន៍
• គម្រោងអភិវឌ្ឍន៍