ផ្សារទំនើប K MALL លើផ្ទៃដី ៦ហិកតា គ្រោងនឹងមានវត្តមានលើផ្លូវវេងស្រេងក្នុងឆ្នាំ២០២១

• 23 ខែ​កក្កដា 2020
• ព័ត៌មានអចលនទ្រព្យ
• 9 មើល

ផ្សារទំនើប K MALL ដែលកំពុងសាងសង់លើផ្ទៃដីទំហំ ៦ហិកតា តាមបណ្ដោយផ្លូវវេងស្រេង គ្រោងនឹងបើកដំណើរការក្នុងឆ្នាំ ២០២១ ខាងមុខនេះ។ នេះយោងតាមសេចក្ដីប្រកាសព័ត៌មាន របស់ក្រុមហ៊ុន Urbanland កាលពីថ្ងៃទី ២០ កក្កដា នេះ។

គម្រោងនេះមានទីតាំងស្ថិតនៅតាមបណ្ដោយផ្លូវវេងស្រេង ប្រមាណ ២, ៥គីឡូម៉ែត្រពីសង្កាត់ស្ទឹងមានជ័យ។ ផ្សារទំនើប K Mall នេះគឺជាផ្នែកមួយនៃគម្រោង ខេអិមអេស (KMS Park) ដែលគម្រោងមេនេះ នឹងរួមមាន ផ្ទះអាជីវកម្មទំនើប (shop house) ចំនួន ៤០ ខ្នង ផ្សារសហគមន៍កម្ពស់ ៣ជាន់ អគារការិយាល័យកម្ពស់ ៩ ជាន់ កីឡាដ្ឋានបាល់ទាត់ និងសួនច្បារលំហែរកាយផងដែរ។

គួរបញ្ជាក់ផងដែរថា កាលពីថ្មីៗ ក៏មានការបើកសម្ភោធ ផ្សារទំនើបបែបសហគមន៍ថ្មីមួយ គឺ Khalandale Mall ដែលបានបន្ថែមបរិមាណផ្គត់ផ្គង់ក្នុងទីផ្សារសរុបប្រមាណ ៣,៧១%។

ទាក់ទងនឹងទីផ្សារទំនើបនេះដែរ ភ្នាក់ងារអចលនទ្រព្យ CBRE បានឱ្យដឹង ដោយសារតែវិបត្តិកូវីដ ទីផ្សារមួយនេះ គិតត្រឹមចុងខែមិថុនា គឺស្ថិតនៅអវិជ្ជមាន ពោលគឺ ដក១៩% ក្រោមបន្ទាត់គោល ប៉ុន្តែ CBRE ព្យាករណ៍ថា វិស័យនេះនឹងមានសន្ទុះឡើងវិញ នៅឆមាសទី ២ នៃឆ្នាំ២០២០។ (អានបន្ថែម)

• គម្រោងអភិវឌ្ឍន៍
• ធុរកិច្ច និងទីផ្សារ
• គម្រោងអភិវឌ្ឍន៍
• ធុរកិច្ច និងទីផ្សារ