ផ្សារលក់រាយដ៏ល្បីរបស់កូរ៉េ នឹងមកកម្ពុជាឆ្នាំក្រោយ ហើយគ្រោងពង្រីកឱ្យបាន១០០សាខា

• 28 ខែ​សីហា 2023
• Uncategorized @km
• 11 មើល

E-Mart 24 ផ្សាយលក់រាយយីហោល្បីឈ្មោះរបស់ប្រទេសកូរ៉េខាងត្បូង​ បានប្រកាសថានឹងឈានចូលមកទីផ្សារប្រទេសកម្ពុជា នៅឆ្នាំក្រោយ និងមានផែនការពង្រីកហាងរបស់ខ្លួនឱ្យបានដល់១០០ហាង។​

យោងតាមការចុះផ្សាយរបស់សារព័ត៌មានក្នុងស្រុកកូរ៉េខាងត្បូងកាលពីថ្ងៃទី២៦ ខែសីហា E-Mart 24 Inc នឹងបើកហាងទីមួយរបស់ខ្លួននៅត្រីមាសទី១ ឆ្នាំ២០២៤ និងពង្រីកហាងដល់១០០ហាង នៅក្នុងរយៈពេល៥ឆ្នាំបន្ទាប់។​

ក្រុមហ៊ុន E-Mart 24 Inc បានចុះអនុស្សារណយោគយល់គ្នាត្រីភាគី ជាមួយក្រុមហ៊ុន Saisons Brother Holding Corp ជាក្រុមហ៊ុនផ្សារលក់រាយមានមូលដ្ឋានៅរាជធានីភ្នំពេញ និងក្រុមហ៊ុនស្ថាបត្យកម្មកូរ៉េខាងត្បូង Hanlim Architecture Group ដើម្បីដំណើរការបើកហាងទំនិញលក់រាយនៅកម្ពុជា។​

នាយកគ្រប់គ្រោង E-Mart 24 Inc លោក Choi Eun Yong លើកឡើងថា “យើងនឹងរួមកម្លាំងគ្នាដើម្បីដំណើរការ E-Mart 24 នៅកម្ពុជាឱ្យទទួលបានជោគជ័យនៅក្នុងទីផ្សារដ៏មានសក្ដានុពលមួយនេះ ហើយយើងក៏នឹងបន្តពិនិត្យដើម្បីអនុវត្តពង្រីកខ្លួនរបស់ E-Mart 24 ទៅកាន់ប្រទេសផ្សេងៗទៀតផងដែរ”។

• Investment and Funding
• Business and Market