ពន្ធដារជំរុញឱ្យអ្នកជាប់ពន្ធលើអចលទ្រព្យទាំងអស់ទៅបង់ពន្ធឱ្យបានមុនថ្ងៃផុតកំណត់

• 9 ខែ​មិថុនា 2021
• ព័ត៌មានអចលនទ្រព្យ
• 9 មើល

អគ្គនាយកដ្ឋានពន្ធដារ បានក្រើនរំលឹកដល់ម្ចាស់អចលនទ្រព្យទាំងអស់ឱ្យរួសរាន់ទៅប្រកាសបង់ពន្ធលើអចលនវត្ថុ ឬពន្ធលើដីធ្លីមិនបានប្រើប្រាស់របស់ខ្លួន សម្រាប់ឆ្នាំ២០២១ ឱ្យបានមុនថ្ងៃទី៣០ ខែកញ្ញា ឆ្នាំ២០២១ ដើម្បីជៀសវាងការត្រូវផាកពិន័យ។ នេះបើយោងតាមសេចក្តីជូនដំណឹងចុះថ្ងៃទី០៨ ខែ មិថុនា កន្លងមកនេះ។

អគ្គនាយកដ្ឋានពន្ធដារ បានឱ្យដឹងថាមកទល់បច្ចុប្បន្ន នៅមានម្ចាស់អចលនទ្រព្យមួយចំនួនធំនៅមិនទាន់ប្រកាសបង់ពន្ធ ដូច្នេះដើម្បីចៀសវាងបាននូវការកកស្ទះ និងការប្រជ្រៀតគ្នាមកប្រកាសបង់ពន្ធនៅថ្ងៃជិតផុតកំណត់ សូមម្ចាស់អចលនទ្រព្យចាប់ផ្ដើមប្រកាសពន្ធជាបណ្ដើរៗ។

លើសពីនេះ អគ្គនាយកដ្ឋានពន្ធដារក៏បានព្រមានផងដែរថា ចំពោះម្ចាស់អចលនទ្រព្យ ដែលខកខានមិនបានបង់ពន្ធទាន់ពេលវេលា នឹងត្រូវរងនូវទោសទណ្ឌតាមច្បាប់ជាធរមាន។

• ច្បាប់ និងបញ្ញាត្តិ
• ច្បាប់ និងបញ្ញាត្តិ