ពន្ធដារពន្យារពេលបង់ពន្ធអចលនទ្រព្យសម្រាប់ឆ្នាំ២០២១ រហូតដល់ចុងខែតុលា

• 29 ខែ​កញ្ញា 2021
• ព័ត៌មានអចលនទ្រព្យ
• 10 មើល

អគ្គនាយកដ្ឋានពន្ធដារ បានសម្រេចពន្យារថ្ងៃផុតកំណត់បង់ពន្ធលើអចលនទ្រព្យសម្រាប់ឆ្នាំ២០២១ ពីថ្ងៃ៣០ ខែកញ្ញា ដល់ថ្ងៃទី៣១ ខែតុលា ឆ្នាំ២០២១ វិញ។

តាមសេចក្ដីជូនដំណឹងចេញថ្ងៃទី២៨ ខែកញ្ញា ឆ្នាំ២០២១ បានឱ្យដឹងថា ការផ្ដល់ពេលបន្ថែមនេះ គឺដោយសារតែនៅម្ចាស់អចលនទ្រព្យជាច្រើនមិនទាន់បានបំពេញកាតព្វកិច្ចប្រកាសបង់ពន្ធនៅឡើយ។

អគ្គនាយកដ្ឋានពន្ធដារបន្តថា អនុវត្តតាមច្បាប់ និងបទប្បញ្ញត្តិជាធរមាន ម្ចាស់អចលនទ្រព្យត្រូវមានកាតព្វកិច្ចប្រកាសបង់ពន្ធ បើផុតរយៈពេលកំណត់នេះ ម្ចាស់អចលនទ្រព្យនឹងត្រូវទទួលរងទោសទណ្ឌស្របតាមច្បាប់ស្តីពីសារពើពន្ធជាធរមាន។
លើសពីនេះ អគ្គនាយកដ្ឋានពន្ធដារបានបញ្ជាក់ថា ដើម្បីចូលរួមទប់ស្កាត់ការរីករាលដាលនៃជំងឺកូវីដ-១៩ និង បង្កភាពងាយស្រួល ដល់ម្ចាស់អចលនទ្រព្យ ពួកគេអាចបង់ពន្ធបានតាមរយៈកម្មវិធីតាមទូរស័ព្ទដៃ GDT Taxpayer App បាន៕

• ច្បាប់ និងបញ្ញាត្តិ
• ច្បាប់ និងបញ្ញាត្តិ