រដ្ឋអនុញ្ញាតឧកញ៉ាល្បី១ រូប ប្ដូរមុខមាត់កោះទន្សាយ ជាតំបន់ទេសចរធម្មជាតិជាន់ខ្ពស់

• 3 ខែ​វិច្ឆិកា 2021
• ព័ត៌មានអចលនទ្រព្យ
• 9 មើល

រដ្ឋបាលខេត្តកែប សម្រេចចាប់ដៃជាមួយនឹង ក្រុមហ៊ុនឯកជនល្បីក្នុងស្រុក ទ្រី ភាព គ្រុប ខូអិលធីឌី ដើម្បីអភិវឌ្ឍកោះទន្សាយជាតំបន់ទេសចរណ៍ធម្មជាតិប្រណីតជាន់ខ្ពស់ក្នុងពេលអនាគតខាងមុខនេះ។

ឯកឧត្តម សោម ពិសិដ្ឋ អភិបាលខេត្តកែប បានឱ្យដឹងកាលពីថ្ងៃទី១ ខែវិច្ឆិកា នេះថា៖ «ថ្វីត្បិតយើងខិតខំអភិរក្សនូវធនធានធម្មជាតិដែលមានស្រាប់ ប៉ុន្តែទីតាំងខ្លះយើងក៏ត្រូវការអភិវឌ្ឍឱ្យក្លាយជាតំបន់មួយប្រកបដោយភាពស្រស់ស្អាត និងមានភាពទាក់ទាញផងដែរ»។

«ជាក់ស្ដែងដូចជា ឆ្នេរកោះទន្សាយ ដែលកំពុងអភិវឌ្ឍដោយក្រុមហ៊ុន ទ្រី ភាព គ្រុប ខូ.អិលធីឌី (TRY PHEAP GROUP Co,. LTD)។ ក្នុងពេលអនាគតខាងមុខ កោះនេះនឹងក្លាយជាកន្លែងមួយយ៉ាងស្រស់ប្រណីត សម្រាប់បម្រើលើវិស័យទេសចរណ៍» ឯកឧត្តម បានបន្ដ។

គួរបញ្ជាក់ថា គម្រោងវិនិយោគអភិវឌ្ឍចម្រុះខ្នាតយក្សនៅលើផ្ទៃដី ១៤០ ហិកតា នៅកោះទន្សាយ នេះ មានតម្លៃសរុបជាង ១៣០លានដុល្លារ ខណៈការសាងសង់បានចាប់ផ្តើមដំណើរការជាបណ្ដើៗរហើយ។ (អានបន្ថែម)

ទន្ទឹមនឹងនេះ រដ្ឋបាលខេត្តកែបក៏គ្រោងសាងសង់កំពង់ផែទេសចរណ៍នៅលើកោះទន្សាយផ្ទាល់នេះផងដែរ ដោយការដ្ឋានគ្រោងនឹងចាប់ផ្ដើមក្នុងខែវិច្ឆិកានេះ ហើយ។ (អានបន្ថែម)

• ការវិនិយោគ និងមូលធន
• ធុរកិច្ច និងទីផ្សារ
• ការវិនិយោគ និងមូលធន
• ធុរកិច្ច និងទីផ្សារ