រដ្ឋអនុម័តគម្រោងធំៗ៤ តម្លៃជិត ៩៧លានដុល្លារ នៅខេត្តក្រចេះ ស្វាយរៀង និងព្រះសីហនុ

• 18 ខែ​កក្កដា 2022
• Uncategorized
• 8 មើល

ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចអនុម័តឱ្យក្រុមហ៊ុនឯកជនបោះទុនវិនិយោគសរុប ៩៦,៨លានដុល្លារអាមេរិក បង្កើតរោងចក្រចំនួន ៤កន្លែង នៅខេត្តក្រចេះ ស្វាយរៀង និងព្រះសីហនុ។

គម្រោងទី១៖ វិនិយោគបង្កើតរោងចក្រផលិតបន្ទះសូឡា មានទុនវិនិយោគចំនួន ៨៤,៥លានដុល្លារអាមេរិក ស្ថិតនៅក្នុងតំបន់សេដ្ឋកិច្ចពិសេស យូ.ប៊ី.អ៊ី.ស្នួល ខេត្តក្រចេះ នឹងបង្កើតការងារបានចំនួនប្រមាណ ១០០០កន្លែង ឈ្មោះក្រុមហ៊ុន L-Q New Energy CO., LTD. 

គម្រោងទី២៖ វិនិយោគបង្កើតរោងចក្រផលិត និងកែច្នៃបំពង់ទីបដែក និងកែច្នៃតំណទីបដែកគ្រប់ប្រភេទ មានទុនវិនិយោគចំនួន ៥,៨លានដុល្លារអាមេរិក ស្ថិតនៅក្នុងតំបន់សេដ្ឋកិច្ចពិសេស សានដុង សានសែល ស្វាយរៀង ខេត្តស្វាយរៀង ឈ្មោះក្រុមហ៊ុន Eastcam Casting Co., Ltd.

គម្រោងទី៣៖ វិនិយោគបង្កើតរោងចក្រផលិតក្តាប៉ាកេ និងក្តារបន្ទះ មានទុនវិនិយោគចំនួន ៥លានដុល្លារអាមេរិក ស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ ឈ្មោះក្រុមហ៊ុន MEGA Hardwood Co., Ltd.

គម្រោងទី៤៖ វិនិយោគបង្កើតរោងចក្រកាត់ដេរសម្លៀកបំពាក់ មានទុនវិនិយោគចំនួន ១,៥លានដុល្លារអាមេរិក មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ ឈ្មោះក្រុមហ៊ុន XIN JIN WEI Garment (Cambodia) Co., Ltd.

បើតាមក្រុមប្រឹក្សាអភិវឌ្ឍន៍កម្ពុជា (CDC)​ គម្រោងថ្មីទាំង៤នេះ នឹងបង្កើតការងារចំនួន ២០៥០កន្លែង ជូនប្រជាពលរដ្ឋ​។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍