រដ្ឋាភិបាលកំពុងពន្លឿនផែនការប្រែក្លាយខេត្តព្រះសីហនុជាតំបន់សេដ្ឋកិច្ចពហុបំណង

• 23 ខែ​កក្កដា 2021
• Uncategorized
• 10 មើល

ផែនការរៀបចំខេត្តព្រះសីហនុជាតំបន់សេដ្ឋកិច្ចពិសេសពហុបំណង បានវិវឌ្ឍន៍ទៅមុនមួយជំហានទៀតហើយ ដោយថ្មីៗនេះ រដ្ឋាភិបាលបានសម្រេចឱ្យគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ចូលមកជួយជ្រោមជ្រែងពន្លឿនការងារនេះផងដែរ បន្ថែមពីលើរដ្ឋមន្រ្តីជើងចាស់ ៣រូប។

យោងតាមកិច្ចប្រជុំ កាលពីថ្ងៃទី២២ ខែកក្កដា គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា នឹងជួយប្រមូលធាតុចូលមករៀបចំគោលនយោបាយគ្រប់គ្រង និងប្រើប្រាស់ដីធ្លីនៅខេត្តព្រះសីហនុ

បច្ចុប្បន្ន ក្រុមការងារបានចាប់ផ្តើមប្រមូលរូបថតពីលើអាកាសនៅខេត្តព្រះសីហនុហើយ ដើម្បីប្រើប្រាស់ជាឯកសារជំនួយក្នុងពេលរៀបចំផែនការមេ ជាមួយនឹងអន្តរក្រសួង។

ជាក់ស្ដែង កាលពីខែ មិថុនា កន្លងមកនេះ សម្ដេចនាយករដ្ឋមន្រ្តី ហ៊ុន សែន បានបង្កើតគណៈកម្មធិការបច្ចេកទេសអន្តរក្រសួងមួយរួចមកហើយ ដើម្បីឱ្យមកពន្លឿនការងារប្រែក្លាយខេត្តព្រះសីហុនជាតំបន់សេដ្ឋកិច្ចពិសេសគំរូពហុបំណងនេះ។ (អានបន្ថែម)

គណៈកម្មាធិការនេះ មានរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជាប្រធាន និងអនុប្រធាន ២រូប ជារដ្ឋមន្ត្រីក្រសួងសាធារណៈការ និងក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។

គួរបញ្ជាក់ថា ការងារនេះកំពុងធ្វើឡើង ស្របពេលដែលខេត្តព្រះសីហនុបាននិងកំពុងពង្រីកហេដ្ឋារចនាសម្ព័ន្ធយ៉ាងសកម្ម ដូចជា ផ្លូវ៣៤ខ្សែ ប្រព័ន្ធលូបង្ហូរទឹក និងស្ថានីយប្រព្រឹត្តកម្មទឹកកខ្វក់ទាំង ៣កន្លែងជាដើម។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍