រោងចក្រផលិតដែកដំបូងបង្អស់នៅខេត្តបន្ទាយមានជ័យ សម្ពោធឱ្យដំណើរការជាផ្លូវការហើយ

• 9 ខែ​មីនា 2022
• ព័ត៌មានអចលនទ្រព្យ
• 9 មើល

រោងចក្រផលិតកម្ម និងកែច្នៃដែកគ្រឿងសំណង់ ដំបូងបង្អស់នៅខេត្តបន្ទាយមានជ័យ បានប្រកាសដាក់ឱ្យដំណើរការជាផ្លូវការហើយ កាលពីថ្ងៃទី៨ ខែមីនា ឆ្នាំ២០២២ ក្រោមវត្តមាន ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ។

រោងចក្រនេះ ស្ថិតនៅផ្លូវជាតិលេខ៥៩ ភូមិខ្លាងាប់ ឃុំទួលពង្រ ស្រុកម៉ាឡៃ ដែលនឹងចូលរួមផ្គត់ផ្គង់ដែកដល់វិស័យសំណង់ក្នុងខេត្តបន្ទាយមានជ័យ និងខេត្តជិតខាង។

ឯកឧត្តម អ៊ុំ រាត្រី ថារោងចក្រនេះមិនត្រឹមតែជួយក្នុងវិស័យសំណង់ និងអចលនទ្រព្យទេ តែក៏ជួយជំរុញកំណើនសេដ្ឋកិច្ចតាមរយៈពន្ធ និងការបង្កើតការងារជូនពលរដ្ឋនៅឃុំទួលពង្រ ស្រុកម៉ាឡៃទៀតផង។

គួរបញ្ជាក់ថា រោងចក្រនេះធ្វើឡើងដោយក្រុមហ៊ុន ប៉ាង ណាគ្រី រៀលអ៊ីសស្ទេត ឯ.ក ដែលមានភាគហ៊ុនចម្រុះខ្មែរ ចិន ថៃ។ ក្រុមហ៊ុននេះ បច្ចុប្បន្នបាននឹងកំពុងអភិវឌ្ឍន៍គម្រោងជាច្រើននៅផ្លូវជាតិលេខ៥៩ ក្នុងស្រុកម៉ាឡៃ រួមមាន ហេដ្ឋារចនាសម្ព័ន្ធ អចលនទ្រព្យ ផ្សារ និងរោងចក្រជាដើម។

ក្នុងផែនការបន្ទាប់ ក្រុមហ៊ុនក៏គ្រោងនឹងកសាងរោងចក្រផលិតសំបករថយន្ត និងអាជីវកម្មវិស័យផ្សេងទៀតផងដែរ៕

• គម្រោងអភិវឌ្ឍន៍
• ធុរកិច្ច និងទីផ្សារ
• គម្រោងអភិវឌ្ឍន៍
• ធុរកិច្ច និងទីផ្សារ