រោងចក្រផលិតឥដ្ឋដោយស្វ័យប្រវត្តិ តម្លៃជាង៩លានដុល្លារ បើកដំណើរការនៅខេត្តកំពត

• 24 ខែ​វិច្ឆិកា 2020
• Uncategorized
• 7 មើល

សហគ្រាសផលិតឥដ្ឋដោយស្វ័យប្រវត្តិនៅខេត្តកំពត តម្លៃប្រមាណ៩លានដុល្លារ បានបើកដំណើរការជាផ្លូវការហើយ ដោយនឹងរួមចំណែកផ្គត់ផ្គង់ឥដ្ឋសម្រាប់ទីផ្សារស្រុកថែមបានមួយកម្រិតទៀត ខណៈវិស័យសំណង់កំពុងមានកំណើនខ្ពស់។

ការបើកសម្ពោធសហគ្រសផលិតឥដ្ឋនេះ ធ្វើឡើងកាលពីថ្ងៃទី២២ វិច្ឆិកា នេះក្រោមវត្តមានរបស់ ឯកឧត្តម ជាវ តាយ អភិបាលខេត្តកំពត។

មានទីតាំងស្ថិតនៅភូមិត្រពាំងរុន ឃុំតានី ស្រុកអង្គរជ័យ ខេត្តកំពត សហគ្រាសនេះលាតសន្ធឹងលើផ្ទៃដី៤០ហិចតា ដែលសាងសង់ឡើងក្រោមទុន ៩លានដុល្លារ មានភាគហ៊ុនខ្មែរ៥០% និងចិន ៥០% និងប្រើប្រាស់កម្មករសរុប ១៧០នាក់។

ក្រុមហ៊ុននេះប្រើប្រាស់បច្ចេកវិទ្យាទំនើប ដែលមានសង្វាក់ផលិតកម្មស្វ័យប្រវត្តិ ពោលអាចផលិតឥដ្ឋបាន ៨០ម៉ឺនដុំ ក្នុងមួយថ្ងៃ ហើយប្រើវត្ថុធាតុដើមដែលចេញពីភូមិសាស្ត្រស្រុកផ្ទាល់។ (អានបន្ថែម)

ឯកឧត្តម ជាវ តាយ មានប្រសាសន៍ថា៖ «សហគ្រាសផលិតកំបោរ និងម៉្សៅបៀកភ្នំមាសនេះ រួមចំណែកយ៉ាងធំធេងក្នុងការអភិវឌ្ឍសេដ្ឋកិច្ចរបស់កម្ពុជា ជាពិសេសវិស័យសំណង់ ហើយក៏បានបង្កើតឱកាសការងារ និងចំណូលជូនប្រជាពលរដ្ឋផងដែរ។

គួរបញ្ជាក់ផងដែរថា គិតត្រឹមខែកញ្ញា ឆ្នាំ២០២០ ក្រសួងរៀបចំដែនដី នគរូបនីយកម្ម និងសំណង់ បានអនុញ្ញាតលើសំណើសុំសាងសង់ ចំនួន ៣ ៧៣៩ គម្រោង ដែលមានតម្លៃ ៥ ៨៦៨ លានដុល្លារអាមេរិក ឬស្មើនឹងផ្ទៃក្រឡា ១២,៩១ លានម៉ែត្រការ៉េ៕

• គម្រោងអភិវឌ្ឍន៍
• បច្ចេកវិទ្យា និងវិស្វកម្ម
• Projects Development
• គម្រោងអភិវឌ្ឍន៍
• Technology and Engineering