លី យ៉ុងផាត់ គ្រុប វិនិយោគ ១០ លានដុល្លារសង់មជ្ឈមណ្ឌលសន្និបាតនិងពិព័រណ៍សែនសុខ

• 28 ខែ​មីនា 2018
• ព័ត៌មានអចលនទ្រព្យ
• 10 មើល

មជ្ឈមណ្ឌល​សន្និបាត​និង​ពិព័រណ៍ សែនសុខ

មជ្ឈមណ្ឌលសន្និបាតនិងពិព័រណ៍ថ្មីមួយនៅខណ្ឌ សែនសុខ របស់ ក្រុមហ៊ុន L.Y.P Group គ្រោងនឹងបញ្ចប់ការសាងសង់និងបើកដំណើរការនៅចុងឆ្នាំនេះដែលមជ្ឈមណ្ឌលនេះនឹងក្លាយជារោងការដ៏ទំនើបនឹងធំមួយនៅខណ្ឌសែនសុខ។

មជ្ឈមណ្ឌលសន្និបាតនិងពិព័រណ៍ ឬ អាចកាត់រោងការសែនសុខថ្មីមួយនេះមានទីតាំងស្ថិតនៅទល់មុខផ្សារទំនើប Aeon Mall ទី២ ដែលគ្រោងនឹងបើកដំណើរការនៅក្នុងឆ្នាំនេះផងដែរ ។ មជ្ឈមណ្ឌលនេះ សាងសង់លើដីជាង ៥ ហិកតា មានអគារសរុបចំនួន ៧អគារ ដែលអាចផ្ទុកបានរហូតដល់ទៅ ៥០០ តុ ឬ ៥.០០០ នាក់ ព្រមជាមួយនឹងចំណតដ៏ធំទូលាយ ដែលដាក់រថយន្ដបាន ១.២០០ គ្រឿង និងម៉ូតូ ៧០០គ្រឿង។

បើយោងតាមលោក មាន សំអុល អ្នកគ្រប់គ្រងទូទៅលើគម្រោងសាងសង់មជ្ឈមណ្ឌលសន្និបាត និង ពិព័រណ៍សែនសុខនេះបានអោយដឹងថា ក្រុមហ៊ុន L.Y.P Group បានសម្រេចចិត្តវិនិយោគទឹកប្រាក់ ១០ លានដុល្លារទៅលើគម្រោងនេះគឺដោយសារតែមើលឃើញពីសក្តានុពលដ៏ខ្ពស់នៃតំបន់សែនសុខនេះ។

ខណ្ឌសែនសុខបច្ចុប្បន្ន កំពុងរីកចំរើនយ៉ាងខ្លាំង ដែលមើលទៅពោពេញទៅដោយគម្រោងលំនៅឋានក៏ដូចជាគម្រោងធំៗ ដទៃទៀតជាច្រើន។ ដូច្នេះមជ្ឈមណ្ឌលសន្និបាតនិងពិព័រណ៍នេះនឹងជាផ្នែកមួយនៃការអភិវឌ្ឍដ៏មានសន្ទុះនៃតំបន់មួយនេះ។

ការដ្ឋានសាងសង់គម្រោងនេះបានចាប់ផ្តើមប្រមាណមួយឆ្នាំទៅហើយ ដែលគ្រោងនឹងបញ្ចប់នៅ ខែកក្កដា ក្នុងឆ្នាំនេះ ហើយគ្រោងនឹងបើកអោយជួលរៀបចំពិធីអាពាហ៍ពិពាហ៍នៅខែ វិច្ឆិកា ឆ្នាំ ២០១៨ នេះផងដែរ។

មជ្ឈមណ្ឌល​សន្និបាត​និង​ពិព័រណ៍ សែនសុខ:

• គម្រោងអភិវឌ្ឍន៍
• គម្រោងអភិវឌ្ឍន៍