វិនិយោគិនកំពុងសម្រុកសាងសង់សណ្ឋាគារផ្កាយ៥រាប់ពាន់បន្ទប់នៅខេត្តព្រះសីហនុ

• 8 ខែ​វិច្ឆិកា 2018
• ព័ត៌មានអចលនទ្រព្យ
• 8 មើល

រូបដោយ  Derek Watson

ស្របពេលដែលខេត្តព្រះសីហនុកំពុងខ្វះបន្ទប់ស្នាក់នៅជាច្រើនបន្ទប់នោះ គម្រោងសាងសង់សណ្ឋាគារផ្កាយប្រាំបាននិងកំពុងកើនឡើង យ៉ាងគំហុកដែលនឹងផ្តល់បន្ទប់ស្នាក់នៅរាប់ពាន់បន្ទប់ជូនខេត្តទេសចរណ៍មួយនេះ។

ក្នុងន័យនេះ រយៈពេលត្រឹមមួយសប្តាហ៍នៃខែវិច្ឆិកាឆ្នាំ២០១៨នេះក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងបង្កើតសណ្ឋាគារផ្កាយប្រាំចំនួន៥គម្រោងស្មើទៅនឹងបន្ទប់ស្នាក់នៅប្រមាណជាង ៣០០០ បន្ទប់។

គម្រោងទាំងនេះរួមមានគម្រោងរបស់ Qin Yue Garden Hotel Prince Huan Yu Real Estate Xin Hao Hui Entertainment TJN Properties និង Ling Xiu Int’s Lសរុបទឹកប្រាក់វិនិយោគរហូតដល់ទៅជាង ៤០០ លានដុលា្លរអាេមរិក។

គម្រោងទាំងនេះគឺសុទ្ធសឹងតែជាគម្រោងសណ្ឋាគារនិងរីសតលំដាប់ផ្កាយប្រាំដែលនឹងត្រូវសាងសង់ឡើងក្នុងភូមិសាស្រ្តនានានៅខេត្តព្រះសីហនុដូចជាសង្កាត់រាម សង្កាត់លេខ៣ និងសង្កាត់លេខ៤ជាដើម។

តាមការបញ្ជាក់នៅលើទំព័រហ្វ៊េសប៊ុករបស់ក្រុមប្រឹក្សាអភិវឌ្ឍន៍កម្ពុជា គម្រោងសណ្ឋាគារនីមួយៗអាចបង្កើតការងាររាប់រយកន្លែងជូនប្រជាពលរដ្ឋនៅខេត្តមួយនេះ។

ជាមួយនឹងទុនវិនិយោគសរុបរហូតដល់ទៅ៤២៣លានដុល្លារអាេមរិកនេះគម្រោងសណ្ឋាគារផ្កាយប្រាំទាំងប្រាំគឺអាចបង្កើតការងាររហូតដល់ទៅ៣៦៧៩កន្លែង។

• គម្រោងអភិវឌ្ឍន៍
• គម្រោងអភិវឌ្ឍន៍