វីឡាកូនកាត់បីសាសន៍ថ្មីរបស់ បុរី ជា រី បើកលក់ក្នុងតម្លៃពិសេស ជាមួយនឹងការបញ្ចុះតម្លៃ ១០%

15 ខែមករា 2021
ព័ត៌មានអចលនទ្រព្យ
10 មើល

អត្ថបទផ្សព្វផ្សាយ៖ បុរី ជា រី នឹងបើកលក់វីឡាប្រភេទថ្មីមានឈ្មោះថា វីឡាកូនកាត់បីសាសន៍ នៅថ្ងៃទី១៧ ខែមករា នេះ នៅការិយាល័យលក់បុរី ជា រី ដោយមានការបញ្ចុះតម្លៃពិសេសដល់អតិថិជន។

សម្រាប់ការចូលរួមនៅថ្ងៃសម្ពោធវីឡាប្រភេទថ្មីនេះ អតិថិជននឹងមានឱកាសទទួលបានកាដូជាច្រើនដូចជា ទូរទស្សន៍ ៣២ អ៊ីញ ឆ្នំាងដំាបាយអគ្គិសនី ឆ្នំាងស៊ុបអគ្គិសនី ដបទឹកក្តៅទឹកត្រជាក់ សំបុត្រកុន និងរង្វាន់ជាច្រើនទៀត។ អ្វីដែលកាន់តែពិសេស សម្រាប់ការកក់នៅក្នុងថ្ងៃសម្ពោធនេះ អតិថិជននឹងទទួលបានការបញ្ចុះតម្លៃ ១០% ភ្លាមៗ ។

វីឡាកូនកាត់បីសាសន៍ មានទីតាំងស្ថិតក្នុងគម្រោង ដឹ ចោមចៅ ២ ។ អត្ថន័យនៃពាក្យ “កូនកាត់បីសាសន៍” គឹកើតចេញពី ការច្នៃប្រឌិតរួមគ្នានៃម៉ូតវីឡាកូនកាត់ដែលលក់ដាច់បំផុតក្នុងឆ្នាំ ២០១៩ និង ២០២០ ក្នុងគម្រោង ដឹ ចោមចៅ ១ គម្រោង សមប្រាថ្នា និងគម្រោង ដឹ ហ្គ្រីន វីល បង្កើតចេញជាម៉ូដថ្មីនេះឡើង។

វីឡាប្រភេទថ្មីនេះរចនាឡើងដើម្បីបំពេញតម្រូវការនៃការរស់នៅរបស់អតិថិជនប្រកបដោយផាសុកភាពនិងសុភមង្គល ដោយបានសិក្សាយ៉ាងលំអិតទៅលើបទពិសោធន៍ផ្ទាល់នៃការរស់នៅ ការសំភាសន៍ផ្ទាល់ជាមួយអតិថិជនដែលកំពុងរស់នៅក្នុងគម្រោង ដើម្បីស្វែងយល់ពីចំនុចល្អនិងកែច្នៃចំណុចខ្វះខាតអោយក្លាយទៅជាចំណុចលេចធ្លោហើយយកមកអនុវត្តន៍សម្រាប់ការឌីសាញវីឡាប្រភេទថ្មីនេះ។

លក្ខណៈពិសេសរបស់វីឡាកូនកាត់បីសាសន៍នេះមានដូចជា៖

ទំហំផ្ទះ ៤,៣ ម៉ែត្រ X ១២ ម៉ែត្រ និង ផ្ទៃដីទំហំ ៤,៣ ម៉ែត្រ X ១៩,៥ ម៉ែត្រ
បន្ទប់គេង ៤ បន្ទប់ទឹក ៥។
ខាងមុខអាចចតឡានបានរហូតដល់ទៅ ២គ្រឿង រឺជាទីធ្លាសម្រាប់ដាំរុក្ខជាតិលម្អផ្សេងៗ
ផ្ទះបាយ១ បន្ទប់ទទួលភ្ញៀវ១ មានទំហំធំទូលាយស្រស់ស្អាត។
កំពស់ជាន់ដំបូលខ្ពស់ជាងមុន មានចន្លោះសម្រាប់ផ្លាស់ប្តូរខ្យល់និងកាត់បន្ថយកម្តៅ។
ពិដានសំយ៉ាបដំបូលប្រើប្រាស់ Smart Board មានរន្ធខ្យល់ចេញចូលជួយកាត់បន្ថយកម្តៅបានយ៉ាងល្អ។
នៅក្បែរសាកលវិទ្យាល័យ ប៊ែលធី អន្តរជាតិ សាខាចោមចៅ សាលា ប៊ែលធី អន្តរជាតិ រោងកុន Prime Cineplex សាខាចោមចៅ ផ្សារទំនើបចំនួន ២ ផ្សារបន្លែត្រីបែបសហគមន៍ដ៏មមាញឹក ក្បែរសួន Chea Ry Garden និងអាជីវកម្មសក្តានុពលជាច្រើនទៀត។

បុរី ជា រី គឺជាបុរីដែលមានទីតាំងស្ថិតនៅដំបូងគេ (ទីមួយ) តាមបណ្តោយផ្លូវជាតិលេខ ៣ ក្បែរបន្ទាយទាហាន ង ៧០ បើរាប់ពីស្ពានអាកាសចោមចៅ។ ក្នុងនោះដែរ បុរី ជា រី បានវិនិយោគទៅលើសួនច្បារទំហំ ២៤ ម៉ែត្រ ដែលជាសួនច្បារក្នុងបុរីធំជាងបង្អស់ក្នុងតំបន់ ដើម្បីផ្សារភ្ជាប់នូវការរស់នៅរបស់អតិថិជនទៅនឹងធម្មជាតិបៃតង។

សព្វថ្ងៃ បុរី ជា រី បានបើកលក់ចំនួន ៣គម្រោងរួចមកហើយ ដូចជាគម្រោង ដឹ ចោមចៅ ១ គម្រោង សមប្រាថ្នា និងគម្រោង ដឹ ហ្គ្រីន វីល។ ការិយាល័យលក់បុរី ជា រី មានទីតាំងស្ថិតតាមបណ្តោយផ្លូវជាតិលេខ ៣ ទល់មុខសាកលវិទ្យាល័យ ប៊ែលធី អន្តរជាតិ ចម្ងាយ ៥ នាទី ពីស្ពានអាកាសចោមចៅ៕

សម្រាប់ព័ត៌មានបន្ថែម លោកអ្នកអាចទាក់ទងតាមរយៈលេខទូរសព្ទ៖ 081 999 660 | 077 999 660 ឬគេហទំព័រហ្វេសប៊ុក