សណ្ឋាគារលំដាប់ពិភពលោក Le Méridien នឹងបង្ហាញខ្លួននៅខេត្តព្រះសីហនុ

• 14 ខែ​មីនា 2018
• ព័ត៌មានអចលនទ្រព្យ
• 10 មើល

Marriott International កាលពីថ្មីៗនេះបានចុះកិច្ចព្រមព្រៀងជាមួយក្រុមហ៊ុន Grand Lion Group ទៅលើគម្រោងសាងសង់សណ្ឋាគារលំដាប់ថ្នាក់ពិភពលោក Le Meridienនៅខេត្តព្រះសីហនុ បើយោងតាមរបាយការណ៍របស់សារព័ត៌មាន TTR Weekly ។

សណ្ឋាគារនេះគ្រោងនឹងចាប់ផ្តើមសាងសង់នៅខែមករាឆ្នាំ ២០១៩ ហើយនឹងបើកដំណើរការក្នុងឆ្នាំ ២០២២។ Le Meridienនឹងជាផ្នែកមួយនៃគម្រោងយក្សThe Gold Coast at Sihanuokvilleដែលមានតម្លៃវិនិយោគជាង ២០០ លានដុល្លារអាមេរិកហើយនឹងសាងសង់លើទំហំផ្ទៃដីជាង ១,៦៧ ហិចតាតាមបណ្ដោយឆ្នេរ។ សណ្ឋាគារនេះ

Le Méridienគឺជាសណ្ឋាគារប្រេនលំដាប់ថ្នាក់ពិភពលោកដំបូងបង្អស់នៅខេត្តព្រះសីហនុមានកំពស់ ៥៨ ជាន់និង ៣៨៨ បន្ទប់ រួមជាមួយនឹងភោជនីយដ្ឋាន បារ កន្លែងហាត់ប្រាណ ស្ប៉ា បន្ទប់ប្រជុំ និង ក្លឹបរាត្រី ជាប់ឆ្នេរសមុទ្រដែលមានអាងហែលទឹកផងដែរ។

បើយោងតាម TTR Weekly គម្រោងនេះនឹងរចនាដោយTandem Architects មកពីទីក្រុងបាងកក ហើយនឹងសាងសង់ឡើងដោយក្រុមហ៊ុន Nath Land Development ដែលជាផ្នែកមួយរបស់ក្រុមហ៊ុន Grand Lion Group ជាម្ចាស់គម្រោង Courtyard by Marriott Siem Reap Resort.

“ការបង្កើតឡើងនូវសណ្ឋាគារលំដាប់ថ្នាក់ពិភពលោកនៅក្រុងព្រះសីហនុនេះ គឺការឆ្លើយតបជាមួយនឹងកំណើននៃភ្ញៀវទេសចរដែលមកកាន់ប្រទេសកម្ពុជានាពេលបច្ចុប្បន្ន ។ គម្រោង Gold Coast at Sihanuokville នេះជាការបំពេញបន្ថែមទៅលើគម្រោងCourtyard by Marriott Siem Reap និង គម្រោងAngkor Archaeological Park នៅខេត្តសៀមរាបរបស់យើង” បើតាមសំដីរបស់លោកNath Lundy ប្រធាននិងជានាយកប្រតិបត្តិរបស់ក្រុមហ៊ុន Grand Lion Group ក្នុងសារព័ត៌មាន TTR Weekly ។

• គម្រោងអភិវឌ្ឍន៍
• គម្រោងអភិវឌ្ឍន៍